Елім менің тәрбие сағатына арналған байқау материалы

Тақырыбы: «Елім менің» сайысы Мақсаты: Оқушылардың жан-жақтылығын, осы заманғы дүние танымын, өмірлік көзқарастарын, Зияткерлік деңгейі мен мәдениетін көтеру, сөздік қорларын мен тіл байлығын арттыру, Отанын сүюге, атамекеніне деген сүйіспеншіліктерін арттыруға тәрбиелеу. Қатысушылар: Өрлеу бөлімі мен домбыра, баян бөлімдері Жүргізуші: Бимурзаева Патима

Сәйгүліктің құйрық жалы таралған, Қазақ осы, қараңдар. Қазақ осы күй шығарып, Ән салып, көкпар тартқан, Қыз қууға жаралған.

Армысыздар, құрметті ұстаздар мен оқушылар! Алдымызда еліміздің салтанатты да, мерейлі мерекесі – Тәуелсіздік күні келеді. Тәуелсіздік ел атанып, өз алдына дербес мемлекет болу - айтар ауызға оңай көрінгенімен, біздің басымызға ол оңай жолмен келген жоқ. Тәуелсіздік алған Қазақстанның алдында жаңа мемлекет құрумен бірге адамдардың жаңа өмірге бейімделуіне жағдай туғызу сияқты аса күрделі жауапкершілік тұрды. Қазақтың санасын сілкіндіріп, дүние жүзінің назарын өзіне қаратқан желтоқсан ызғары – жылдар бойы арман мен тәуелсіздіктің қайнар көзі болды. Қазіргі кезде еліміз тыныш, аспанымыз ашық болсын деп сайысымызды бастайық.

Бүгінгі тақырыбымыз еліміздің елбасы мен өнер адамдарына арналады.

Бізде екі топ бар. 1-топта оң қанатта топ басышысы Мұстафаев Ерсұлтан, 2- топта сол қанатта топ басшысы Есіркепова Фарида өз топтарыңызды таныстырып өтсеңіздер.

Сайысымыздың жүргізушісі мен. Бимурзаева Патима, сайысымыздың әнмен көркемдейтін Мелдебеков Рашит.

Сайыс болған соң әрине әділ қазы сайланады. Әділ қазымыз Беркінбаева Айжан.

Олай болса сайысымызды бастайық. Ойын 6 айналымнан тұрады. Әр айналым тапсырмалар мен сұрақтардан тұрады. Әрбір дұрыс жауап 1 ұпайдан беріледі. 1-топ сұрақтың жауабын дұрыс бере алмаса, 2-топ жауап беруіне болады. Әр айналым біткенде қосымша ұпай алу үшін ән жасырылады, яғни соны табу керек. Оған 2 ұпай беріледі.

І айналым «Видеосұрақ»

1-топқа: Кинодан үзінді жасырылады. Сұрақ: Бұл қай кинодан үзінді? Қай жылы түсірілді? Режисеры кім?

Жауабы: «Қыз Жібек» киносынан үзінді. 1968-1970 жылдары түсірілген. Рижисеры – Сұлтан-Ахмет Қожықов

2-топқа: Мультфильм жасырылады. Сұрақ: Қай мультфильмнен үзінді? Қай жылы түсірілген? Режисеры кім?

Жауабы: «Ақсақ құлан» мультфильмі. 1968 жылы түсірілген. Режисеры-Амен Хайдаров

1-топқа: «Желтоқсан желі» бейнебаяны көрсетіледі. Сұрақ: Желтоқсан оқиғасы қашан, қайда, не себептен болды?

Жауабы: 1986 жылы 17 желтоқсанда Алматыда орталық алаңында (қазіргі Республикалық алаңында) «КСРО үкіметінің отаршылдық, әміршіл-әкімшіл жүйесіне наразылық қимылдары» себебінен болды.

2-топқа: «Көк тудың желбірегені» әнінің бейнебаяны көрсетіледі.

Сұрақ: Ән қандай мақсатта туындаған? Авторларын ата? Жауабы: қытай қандастарымыздың еліміздің еркіндігін, азаттығын көрсететін, елімізге деген сағынышқа толы, жанды тебірентетін, сағымды, нағыз рухты оятатын патриоттық ән.

Алғашқы есеп: ___ : ___ Ән жасырылады, қай топ дұрыс тапса 2 ұпай беріледі. «Атамекен» әні Е.Хасанғалиев, сөзі Қ.Мырзалиев

ІІ айналым «Фразеологиялық сөз тіркестердің

мағынасын табу»

1. Мойны жар бермеді. (ерінді, жалқауланды) 2. Сатқақ ұрғандай болды. (кенеттен, оқыстан) 3. Түтіні бір жерден шықты. (келісіп, ұйымдасып) 4. Ішіш иттей кемірді. «күйінді, өкінді) 5. Малына құрық, басына сырық ойнатты. (жәбірледі,

азаптады)