Менің елім Қазақстан 2 сынып тәрбие сағаты

Тақырыбы: «Менің елім - Қазақстан»

Мақсаты :

1.Білімділігі : Оқушылардың бойына Қазақстанның өткені мен бүгінгі өмірін салыстыра отырып, өз еліміздің даму тарихы туралы танымдарын қалыптастыру.Тәуелсіздік үшін күрескен, желтоқсан құрбандарының ерлігі жайында түсіндіру.

2. Тәрбиелігі: Қазақстанның болашақ дамуына өзіндік үлес қосатын жеке тұлға екендерін ұғындыру.Отанды сүюге және ерлікке баулу.

3. Дамытушылығы : Оқушылардың өткен тарихқа қызығушылықтарын ояту.

Тәрбие сағатының көрнекілігі : Слайд, шарлар,гүлдер.

Мұғалім: Елім менің тәуелсіз жерім менің

Күннен алған шуақты өмір дәмін

Рухы ұлттың өсіпті өлместей боп

Көк байрағын төбеме көтерген күн!

Құрметті : Ата –аналар,балалар,ұстаздар!

Сіздерді еліміздің Тәуелсіздік күнімен құттықтаймын.

Сіздерге зор денсаулық, ашық аспан,

Отанымызға тыныштық тілеймін.

Олжас : 1986 жылы 16 желтоқсанда Алматы қаласында мыңдаған қазақ жастары наразылық білдіріп, шеруге шықты. Олар «Тәуелсіздік керек!», «Қазақ еліне өз көсемі сайлансын!» деген тілек білдірді. Сол кездегі үкімет басшыларының бұйрығымен күш көрсетілді.Оларға желтоқсанның ызғарлы күнінде зәбір көрсетілді.

Жансезім: 16-шы желтоқсан,

Тәуелсіздік алған күн

Мерекеге ел тосқан,

Атамменен барғанмын.

Азамат: Озбырлық күшпен тұншығып

Үміттің оты өшкен күн

Жанына таппай бір шындық

Ер Қайрат қыршын кеткен күн

Каусар: Мерекеге шығады,

Бүкіл халық біліп қой

Отандастар ұғады

Тәуелсіздік ұлы той.

Нұраділ : Аралаймын алаңды,

Тәуелсіздік күнімен

Батыр Қайрат ағамның,

Суретіңе үңілем.

Ералы : 16-шы желтоқсан,

Тәуелсіздік алған күн

Мерекені ел тосқан,

Шырқатып ән саламыз.

Ән: “Қара бауыр қасқалдақ”

-Балалар айтындаршы Қазақстан мемлекеті қай жылы құрылды?

- Мемлекетіміз қалай аталады?

Мұғалім : Дұрыс Қазақстан.

Ендеше, Отан жайлы қандай тақпақтар білесіңдер?

Ералхан : Бақытты боп жүргенім

Сенің арқан Қазақстан

Елім менің тірегім

Құшағында гүл атам.

Нұрасыл: Сарқылмайтын қуатым,

Тірегімсін Қазақстан

Мәңгі соғып тұратын,

Жүрегімсін Қазақстан.

Бақыт: Отанның қасиетті тілін сүйем,

Отанның құдіретті үнін сүйем.

Отан, отан бәрінен биік екен,

Мен оны мәңгілікке сүйіп өтем

Адия : Толтырған гүлге даланы,

Жайнатқан ауыл қаланы

Ардақта ата мекенім,

Отаным-Қазақстаным.

Би “Өзбек”

Мұғалім: Балалар мемлекет рәміздері туралы кім тақпақ айтады.

Диана : Аспан түстес көгілдір,

Тік бұрышты матаның

Ортасында төгіп тұр,

Күн жаяды шапағын

Астында оның қалқыған,

Қыран құстың бейнесі

Азат елдің шалқыған,

Көңілі деп білерсің.

Нұрайым: Қатар шапқан қос тұлпар,

Ай астында қазақ үй

Қалықтаған жас сұңқар,

Шарықтаған таза күй

Қара шаңырақ ел күні,

Асқақтатып тұр мұңы

Елтанбасы елдігім,

Елдің тыныш тірлігі.

Ләйлә : Тәуелсіздік жолында,

Талай-талай тер төккен

Билігін өз қолыңда,

Еркіндігім елдігім.

“Әнұран”

Тәрбиеші: Балалар, Қазақстан Республикасының Ел басшысы кім?

-Нұрсұлтан Назарбаев

-Елбасы туралы тақпақ кім біледі?

Амир : Шықты тарап ой данадан,

Бер қарады жұлдыз беті

Өзі қалап, сайлап алған,

Елімнің бар президенті.

Ақнұр: Олда алмай жанын салды,

Жету үшін мұндай сыйға

Нұрсұлтан ата ел басшысы,

Көгіндегі тудай сыйла.

Би: «Қара жорға»

Мұғалім : Балалар астанамыз қандай қала?

Қандай тақпақ білесіңдер?

Жұмабек : Гүл жайнаған Астана,

Қазақстан отаны

Бірін-бірі сыйлаған,

Туысқандар отаны.

Зұлқия : Сарқылмайтын қуатым,

Тірегімсін Қазақстан

Мәңгі соғып тұратын,

Жүрегімсін Қазақстан.

Мұғалім: Отан-дейміз от жаққан жерімізді

Отан-дейміз өсірген елімізді

Отан дейміз туған жер, атамекен-