Еліміздің еркіндігі – тәуелсіздік сынып сағаты

Тәрбие сағат.тақырыбы:Еліміздің еркіндігі-Тәуелсіздік

Тәрбие сағат мақсаты:

а) оқушыларға еліміздің тәуелсіздік алғалы жеткен жетістіктерімізбен таныстыру, білімдерін кеңейту.

ә) отанды сүюге, ел байлығын қорғауға, болашақ Отанымыз Қазақстанды өркендетуге білімді адамдар керек екенінұғындыру.

б) бүгінгі тәуелсіздікке қалай қол жеткенін зерделеу, оларды Отаны үшін отқа түсетін ел жанды, ел Азаматы етіп тәрбиелеу.

Тәрбие сағат әдісі: Әңгімелеу, сұрақ-жауап, көрнекілігін, плакат, суреттер.

Пайдаланылған көрнекіліктер: Қанатты сөздер, Қазақстан Республикасының Әнұраны, елтаңба, туы, Қазақстан Республикасының президенті Н. Назарбаев суреті, буклет.

Ұранымыз: «тәуелсіздіктің тура жолы-білімді»

Сабақтың барысы: 1. Ұйымдастыру

Оқушыларды сабаққа дайындау.

жүргізуші:( Ақниет) –

Құрметті қонақтар Біздің сыныбымызға келген қадамдарыңыз сәтті болсын. Сіздердің жақсы көңіл-күйде болып, дем алып қайтуларыңызға біздің сынып ұжымы зор сенімде. Сіздердің алдарыңызда 3-сынып оқушылары өз өнерлерін көрсетеді.

жүргізуші: ( Ақниет) –

Құрметті ұстаздар мен оқушылар! Сіздерді 16-Желтоқсан тәуелсіз мерекесімен құттықтаймыз. Сіздерге зор денсаулық, мол бақыт, еңбекте жеміс, оқуда озат болуларыңызға тілектеспіз.

жүегізуші: ( Ақниет)

Әнұраным – жан ұраным

Айтар әнім – сөйлер сөзім

Туған жерім – сағынарым

Мәңгі-бақи шырқалады.

Республикам әнұраным

Хор: «Әнұран»

2. Кіріспе (Мұғалім сөзі) Бұл әнұран сөздерін дүниеге келіп,Егеменді ел атанғанымызша,біздің халқымыздың басынан қиындықтар мен қатыгез жылдардың небір сұмдықтары өтті.Бұл қазақ халқының ары мен намысына,тағдыры мен тарихына өшпес таңба салған 1986 жылғы желтоқсан.1730-1916 жылдары Қазақ елі патшалық Ресейдің отарына айналды.Бірнеше дүркін ұлт-азаттық көтерілістер болды.1917 жылы Қазан төңкерісінен кейін Қазақстанда Кеңес өкіметі орнады.Олай болса,балалар,1986 жылы желтоқсанда Алматы қаласындағы бұрынғы Брежнев атындағы алаңға жастар мен студенттер не үшін жиналды?

(Өз тәуелсіздігін алу үшін)

1986 жылы 17 желтоқсанда астанамыз Алматы қаласында мыңдаған қазақ жастары наразылық білдіріп,шеруге шықты.Олар: «Тәуелсіздік керек!Қазақ елінің өз көсемі сайлансын» деген тілек білдірді.Сол кездегі үкімет басшыларының бұйрығымен күш көрсетілді.Көптеген жастар түрмеге қамалды.Өз елінің тәуелсіздігін талап етіп,шеруге шыққан жастарға «бұзақылар,ұлтшылдар,нашақорлар»деген кінә тағылды.

Мұқағали Мақатаевтің өлеңін оқу.

«Мен қазақпын» Дариғаның айтуында

3. Негізгі бөлім.

Сахнаға Қаз дауысты Қазыбек би шығып сөйлейді.

Қаз дауысты Қазыбек би: (Айбек)

- біз Қазақ мал баққан елміз, ешкімге соқтықпай жай жатқан елміз.

Басымыздан құт-береке қашпасын деп, жеріміздің шетін жау баспасын деп, найзаға үкі таққан елміз.

Ешбір дұшпан басынбаған елміз, басымыздан сөз асырмаған елміз.

Достықты сақтай білген елміз, дәм-тұзды ақтай білген елміз.

Мұғалім:Тәуелсіздік дегенді қалай түсінесіңдер?

Көрініс: «Егемендік деген не?» (Атасы мен немересі Ақырын басып қарт шығады. Орындыққа келіп дем алып отырады. Осы кезде жүгіріп немересі келеді.)

Немересі: (Жанарыс) - Ата, не ойлап отырсыз?