Елімнің бақытын тәрбиелеген тәуелсіздік тәрбие сағаты

«Елімнің бақытын тербеген –тәуелсіздік»

Мақсаты: елін, жерін, отанын сүюге, өз елінің ұланы, патриоты болуға тәрбиелеу

Көрнекілігі: Тәуелсіздік слайд, Тәуелсіз елім- тұғырың сенің биікте көрме, тақырыпқа байланысты қанатты сөздер,сөз жұмбақтар.

1 жүргізуші: Құрметті ұстаздар,оқушылар,кеш қонақтары!

Егемен еліміздің ең ұлық , ең қастерлі мерекесі-Тәуелсіздік күні. Тәуелсіздіктің тал бесігінде тербелген, ардақты ағайын мереке құтты болсын!

2 жүргізуші: Қазақстан Тәуелсіздігіне 25 жыл. Баршаңызды сол тарихы тереңде жатқан айтулы мерекемен шын жүректен құттықтаймыз.

1 жүргізуші:

Ата –бабам жаны күйіп қорғаған

Тәңір қолдап бақ береке орнаған.

Қазақстан –тәуелсіз ел сен бүгін,

Ақ тілегін болашаққа арнаған

2 жүргізуші : Ия, ата-бабам аңсаған азаттық таң, ата –бабамыз армандаған тәуелсіз күн арайлап атып , көк байрағымыз көкке желбіреді

1 жүргізуші: Тәуелсіздік үшін ақ білектің күшімен , ақ найзаның ұшымен елін қорғаған бабалар рухынан қуат алған Желтоқсан оқиғасының орны ерекше.

2 жүргізуші: Тәуелсіздігіміз үшін жанын құрбан еткен азаматтарымыздың ерен еңбегі ешқашан ұмытылмақ емес.

1 жүргізуші: Ендеше , сол Ұлы мерекеге арналған «Елімнің бақытын тербеген тәуелсіздік» атты мерекелік кешімізді бастауға рұқсат етіңіздер!

2 жүргізуші:

Жыр ғұмыр, жан азығым, әнұраным,Мен сені естімесем сағынамын.Алтынға да айырбастамас Туғалы сенсің менің танығаным.

Шексіз көк аспанды жамылады,Уақыттың басылған жоқ дауылы әлі.Бірігіп бір жүрекпен шырқайтұғынМемлекеттің -Әнұранын(Ән ұран орындалады)

Бұл күнге жету үшін ата - бабамыз қан төкті, жанын берді, бүкіл жеріміздің тұтастығын сақтап, ұрпақтан –ұрпаққа табыс етті.

1 жүргізуші: 1986 жыл Желтоқсан көтерілісімен тарихқа енді. (Сөз мұғалімге)

(«Желтоқсан желі» бейне фильм көрсетіліп тұрады.)

Ел болдық егемендік,теңдік алып,

Бар әлем қазақ елін болды танып.

Қойнауы кенге толы Қазақ елі,

Жыл сайын келеді өсіп қанат жайып –дей келе кезекті оқушыларға берсек

(Оқушылар тақпағы айтылады,)

2 жүргізуші:

Бүгінгі біздің бақытты өміріміз қан төгіп құрбан болған боздақтарымыз мәңгі есімізде. Тәуелсіздік үшін жанын пида еткен әкелер мен ағалар, апаларға басымызды иеміз!

Біз бүгінгі таңда аға апаларымыздың рухына тағзым етіп еске алуды парыз деп санаймыз.

(1 минуттік үнсіздік)

Бұл киелі мекеніміздің ашық аспан астындағы бейбіт өмірі 1991 жылдың 1 желтоқсанында Нұрсұлтан Әбішұлы Назарбаевтың Қазақстан Республикасының Президенті болып сайланғаннан кейін басталды.Елбасымыз маңызды қадам жасап, өзіне орасан міндет қойды.Өз мақсатына жету жолында әртүрлі алға қарай басталған бағдарламалар жасай отыра жас ұрпаққа бақыт сыйлады.Сонымен қатар 1992 жылы Қазақстан Республикамыздың Елтаңбасын,Туын және Әнұранын бекітті.