Елімнің еркіндігі тәуелсіздік ашық сабақ жоспары

Тақырыбы: «Елімнің еркіндігі –Тәуелсіздік»

Мақсаты: Еліміздің тарихы туралы түсінік беру.Өз Отанын сүюге тәрбиелеу. Еліміздің рәміздерін қастерлеуге үйрету. Туған елге деген сүйіспеншіліктерін арттыру.Өз ана тілін, әдет-ғұрпын, салт-дәстүрін сақтауды бойына дарыту. 1986 жылы желтоқсанда ел азаттығы жолында құрбан болған ұл-қыздарымыздың ерліктерін еске алу.Егемендіктің мәнін түсірдіру.Бүгінгі тәуелсіздікке қалай қол жеткізгенін зерделеу. Отанын, елін, жерін, сүюге, қорғауға тәрбиелеу.

Көрнекіліктер: Қазақстан Республикасының рәміздері. Желтоқсан құрбандары.

Тәрбиеші: Құрметті ұстаздар, балалар! Бүгінгі тақырыптық сабақ дүниені дүрсілкіндірген 1986 жылы болған желтоқсан оқиғасына арналады. «Елімнің еркіндігі –Тәуелсіздік» атты тақырыптық сабағымызды бастаймыз.

Амандасу: Армысыз, қайырымды Аспан –ата!

Армысыз, мейірімді Жер-ана!

Армысыз, шұғылалы нұрлы күн!

Армысыз, балабақша, дос-жаран!

Сәлеметсіздер ме, қонақтар, апайлар!

-Балалар, бізге тәуелсіздік оңай жолмен келген жоқ. 1986жылы 16 желтоқсанда үлкен көтеріліс болды. Ол көтеріліс қазақ халқына кең байтақ жерімізге, жан-жақтан көз тігушілер аз болған жоқ. Оған Қазақстанның жас ұлдары мен қыздары шықты. Өз тілін, өз мәдениетін дамытам деген қазақтарға мүмкіндік бермей шайқас басталды. Сол жастардың ішінде Қайрат Рысқұлов, Ербол Спатаев, Сабира Мұхамеджанова, Ләззат Асановалар болды. Бұлар Отан үшін, Туған жер үшін, ана тіліміз үшін, сендердің болашақтарың үшін үлкен ерлікпен қаза тапты.Өз алдына дербес, еркін мемлекет, ешкімге тәуелді болмай ішкі, сыртқы мәселелерді өздерінің шеше алатын мүмкіндігі болуды тәуелсіз мемлекет дейміз.

1991жыл 16 желтоқсанда Тәуелсіз Қазақстан Республикасының Мемлекеті туралы заң қабылданды. Тәрбиеші:

-Әнұраным-жан ұраным,

Айтар әнім-сөйлер сөзім,

Туған жерім-сағынарым,

Мәңгі бақи шырқалады,

Республика әнұраны.

Әнұран орындалады.

Тақпақтар.

Тәуелсіздік таңы атты,

Барлық әлем жаңарып

Осы тұрған халқыма

Бейбітшілік орнады. Айсұлтан

Тәуелсіздік мақтанышым

Бізге бақыт сыйлаған

Бейбіт күнде мен тынышпын

Әрбір таңым нұр маған. Алихан

Он алтыншы желтоқсан

Тәуелсіздік алған күн

Мерекге ел тосқан

Атамменен барған күн Мұстафа

Қазақстан менің Отаным

Атыңды әнге қосамын

Шарықтап өсіп дами бер

Біліммен үлес қосамын. Иманжүсіп

Көк аспанда тулардың

Желбіреген күні бұл

Елім деген ұлдардың

Елжіреген күні бұл. Қ.Бексұлтан.

Көгінде күн нұрын төккен

Жерінде гүл жұпар сепкен

Неткен сұлу, неткен көркем

Осы менің туған өлкем. Ақбота