Елін сүйген, елі сүйген Елбасы 3 сынып материалы

Тақырыбы: «Елін сүйген, елі сүйген – Елбасы»

Мақсаты: Қазақ халқының тұңғыш президенті Нұрсұлтан Әбішұлы Назарбаевтың өмір жолы, туып - өскен, оқып білім алған, қызмет еткен жерлері туралы мағлұмат беру;

Міндеттері:

Білімділік Елбасының өмірімен шығармашылыққа толы атқарылған істері туралы мәлімет беру

Дамытушылық: Шәкірт жүрегінде Елбасының елі үшін жасаған істерін үлгі өнеге ретінде айтып, Елбасына деген сүйіспеншілік сезімін ояту, құрметтеу.

Тәрбиелік: Елбасының өмір жолынан үлгі ала отырып Отанын, халқын сүюге, ержүректілікке, азаматтыққа, патриоттық сезімге тәрбиелеу;

Көрнекілігі: бейнефильм «Балалық шағымның аспаны», слайд, шарлар, суреттер, буклет «Нұрсұлтан Назарбаев - тұңғыш президент» Елбасының кітаптары.

Тәрбие сағатының түрі: ашық тәрбие сағаты

Әдіс - тәсілдері: әңгімелеу, сұрақ - жауап, бейнефильм көрсету, дәйексөз, көрініс көрсету, тапсырма

Тәрбие сағатының жоспары:

I. Ұйымдастыру кезеңі

II. Ой - қозғау

III. Әңгімелеу

IV. Бейнефильм

V. Сергіту сәті

VI. Көрініс «Нұрсұлтанның балалық шағы»

VII. Тапсырма «Елбасына тілек жазу»

VIII. Өлең тақпақтар

IX. Дәйексөз

X. Қорытынды

Барысы: Ұйымдастыру кезеңі

1. Балаларды тәрбие сағатына дайындау, назарын өзіме аудару

2. Шаттық шеңбері хормен

Халық үшін Елбасы,

Әскер үшін қолбасы.

Тар жол тайғақ кешуде

Нұр ағаны

Туған жұрты қолдасын.

Ой - қозғау

1. Балалар, 1 желтоқсан қандай мерекелі күн?

2. Біздің президентіміз кім?

3. Біз қандай мемлекетте тұрамыз?

Әңгімелеу

- Құрметті бүгінгі тәрбие сағатын қатысып отырған қонақтар, балалар!

1 желтоқсан – Қазақстан Республикасының Тұңғыш Президенті күнімен құттықтаймын!

Бүгінгі тәрбие сағатымыздың тақырыбы: Елін сүйген, елі сүйген – Елбасы деп аталады.

Балалар мен сендерге Елбасымыздың өмір жолымен таныстырып өтейін.

Нұрсұлтан Әбішұлы Назарбаев 6 - шілде 1940 жылы Алматы облысы Қаскелең ауданындағы Шамалған ауылында туған. Балалық шағы кейде айта беретініміздей таршылық жағдайда өтті. Үлкендердің мал бағуына, бау - бақша өсіруіне көмек көрсету керек болды, шөпшек теріп, отын жарды. Өзі еске алғандай, өсірген аз - маз өнімдерін сатып, үй - ішіне қажетті заттар алу үшін есек жеккен арбамен жақын маңдағы теміржол стансасына бару дегенің керемет мереке саналған. Мектепті жақсы оқып, жақсы білім алды. Ата - анасын қатты құрмет тұтты.

Нұрсұлтан ерте есейді, орта мектепті бітіре салысымен Кеңес Одағындағы аса ірі Қарағанды металлургия комбинатының көлемді құрылысына аттанды. Құрылыста біраз еңбек еткеннен кейін бір топ қазақстандықтармен Украинаның Днепродзержинск қаласына барып металлург – жұмысшы мамандығын меңгерді. Бұл шойын құюшы, домна пешінің көмекшісі жұмыстарын атқарды, ал кейінірек инженер дәрежесіне көтерілді.

Сол жылдары оның басшылық қасиеттері жарқырап көрінді. Қалалық, облыстық және республикалық көлемде басшы органдарда жауапты қызметтер атқарды. Металлургиялық комбинатында партком хатшысы, Теміртау қалалық, Қарағанды облыстық және республикалық партия ұйымдарында экономикалық салаға жауап беретін хатшы болды.

Елбасы Қазақстан Үкіметін басқарғанда 44 жаста болды. Осылайша оның саяси өмірбаяны басталады.

1991 жылы 1 - желтоқсанда республика жұртшылығы тұңғыш рет Нұрсұлтан Әбішұлы Назарбаевты Республикамыздың Президенті етіп сайланды

Н. Ә. Назарбаев – өзінің ерен еңбегімен, халқымен алға қойылған мақсат пен міндетті іске асыратын және елде және әлемде көлемді нәтижелерді көре алатын планета арлық деңгейдегі сирек және бақытты саясатшы.