Елін сүйген ер болар бастауыш сынып материалы

Бастауыш сыныпБасқаБасқаWord

Sheber Education24 МаусымҚаралды:59Жүктелді:0

Материалда бастауыш сыныпта тәрбие жұмысын ұйымдастыруға арналған мазмұн ұсынылған. Ол мұғалімдерге оқушылармен елін сүю, азаматтық қасиет және отансүйгіштік тақырыптарында жұмыс жүргізуге көмектеседі.

Алдын ала көру

Сатып алмас бұрын бірнеше бетін көре аласыз. Толық нұсқасы жүктегенде — жазусыз, сызықсыз.

Материалдан үзінді

Сабақтың тақырыбы: «Елін сүйген ер болар»

Сабақтың мақсаты: Ел еркіндігін, бостандығын қанымен қорғаған Бауыржан Момышұлының өмір жолымен таныстыру. Бауыржан Момышұлы сынды тұлғаны оқушыларға үлгі, өнеге ете отырып, Отанын қорғау жолында жанын садаға ететін ұрпақ өздері екенін сездіру. Оқушыларды адамгершілікке, Отанын сүюге оны қорғауға баулу, сүйіспеншілігін арттыру, патриоттық тәрбие беру.

Сабақтың көрнекіліктері: Бауыржан Момышұлының, И.Панфиловтың суреттері, буклет, суреттер, өлеңдер, естеліктер, нақыл сөздер.

Сабақтың дивизі: «Ер есімі ел есінде», «Ер жігіт елі үшін туады, елі үшін өледі».

Сабақтың барысы: Ұйымдастыру.

Мұғалім: Балалар, бүгінгі ашық тәрбие сағаты Б.Момышұлы туралы. Өйткені, батыр ата биыл 100 жасқа толды. Б.Момышұлын еске алып тілге тиек еткенде, ойымызға, сонау сұрапыл соғыс жылдары келеді. Отан үшін жанын аямай, орасан зор қайсарлық, батырлық көрсеткен қазақтың ұлы Бауыржан сынды атамызды бүгінгі күн еске алу, ұмытпай тарихымызды жаңғыртып отыру – ұрпақ парызы.

1-оқушы: Бауыржан Момышұлы – қазақ деген

Ғаламат ұлы сөздің баламасы.

2-оқушы: Халқындай ол да бағлан, ол да батыр,

Халқындай ол да кеніш, ол да нақыл.

Қайыспас қара өлеңдей қайран ерді,

Халқына теңеу мәні сонда жатыр.

3-оқушы: Сүңгіген ақ боз мініп сезім отқа,

Сардардың жұта алмайды сөзін оппа,

Қолпашты көтермейтін өмірде

Мақтауға болады енді өзі жоқта!

Хор: «Батырды дара,

Бауыржанды дана,

Ұмытпаймыз мәңгілік!»

Оқушы: Момышұлы Бауыржан 24.12.1910. қазіргі Жамбыл облысы, Жуалы ауданының, Көлбастау мекенінде ( қазіргі Б. Момышұлы ауданында) туылған (картадан көрсетеді). Өзінің «Ұшқан ұя» кітабында былай жазған екен. Әкесі Момыналы (Момыш), шешесі Разия, атасы Имаш (92 жасқа келіп қайтыс болған), әжесі Қызтумас. Бауыржанның әкесі өте сауатты болған, айтысқа қатысқан. Бауыржан жанұяда бесінші, алдында төрт қыз өскен. Бауыржанның бала кезі туралы «Ақ боз ат мінген бала» (Ә.Нұршайықов) мәтінін оқу.

Оқушы: 1941 жылы 22 маусым күні таң шапағы жаңа ғана арайланып келе жатқан кезде елімізге қауіп төнді. Халқымыз адам айтқысыз қиын-қыстау кезеңге душар болды. Фашистік Германия елімізге опасыздықпен басып кірді.

1-оқушы: Бұлт түнеріп аспаннан,

Талай көзден жас тамған,

Тұтқиылдан жау тиіп

Қырғын соғыс басталды.

2-оқушы: Соғыс жалмап аға, іні, бауырды,

Зар жылатты тыныш жатқан ауылды.

Бірақ біздер өздеріңнің арқаңда

Көрген жоқпыз сол бір қырғын ауылды.

3-оқушы: Жалғызынан айырылыпты аналар,

Әкесінен айырыпты балалар.

Бірақ біздер өздеріңнің арқаңда

Көрген жоқпыз сол бір қырғын дауылды.

Ұлы Отан соғысына қатысқан батыларды атау.

4-оқушы: Нақ сол кез естідім мен ел дүбірін,

Атағы атын алып келді бұрын,

Үстінде тұрған елдің тұрды толқып,

Бауыржан Момышұлы деген бір үн.

5-оқушы: Бір дауыл сапырды кеп өрт теңізін,

Теңселтіп темір топан дүние жүзін.

Бетіне туған жердің өшпестей ғып,

Ер жазды қаныменен жүрген ізін.

6-оқушы: 1941 жылы Ұлы Отан соғысы басталысымен даңқты генерал-майор И.В. Панфиловтың басшылығымен Алматы маңында жаңадан жасақталған 316-атқыштар (8-гвардия) дивизиясының құрамында болып, майданға аттанды. Батальон полк командирі қызметін атқарды. Соғыстың соңғы жылдарында гвардия дивизияны басқарды.

7-оқушы: Ұлы Отан соғысы тұсында жеке басының қаһармандығымен және ұрыс жүргізудегі әскери шеберлігімен ерекше көзге түсті, батырлық атақ-даңқы алысқа тарады. Соғыс кезіндегі ерен ерлігі жөнінде белгілі орыс жазушысы А. Бек «Арпалыс» повесін жазды.

8-оқушы: Ақынның ақ сұңқардай жүрегі бар,

Алқындым, бір көруге болып құмар.

Көктемде күркіреген күн даусын

Жер естіп, желкілдеген гүл ынтызар.

9-оқушы: Ығысқан жауы түрінен,

Бауыржан батыр қол бастап.

Москваның түбінен,

Ерліктер жасап ол асқан.

10-оқушы: Ұлы Отан соғысынан кейін Кеңес Армиясы Бас штабының Жоғары Әскери Академиясын бітірді. (1950).

11-оқушы: Бойы бар бізден гөрі биігірек,

Тіп-тік боп абыройын тұрған тіреп,

Топ жара көрінсін деп екі иығы,

Туған ел жаратыпты оны ірірек.

12-оқушы: Ойы бар кейде дауыл, бірде жалын,

Теңіздей тебірентпесе терең жанын,

Алғандай бойға жиып бар қуатын

Кешегі өзі кешкен оқиғаның.

13-оқушы: Кейде ол көк семсерлі генералдай,

Кейде ол күй көңілді ақын жандай.

Өмірдің ол шеті мен бұл шетіне

Өресі өрен ойдың тартылғандай.

14-оқушы: Әскери педагогикалық жұмыспен шұғылданып, Кеңес Армиясы Академиясында сабақ берді. Бауыржан Момышұлы – қазақ тарихындағы ең тұңғыш әскери ғылымның теориясы мен практикасын ұштастырған ұстаз-қолбасшы. Ол – қазақ әскери ғылымының маман теоретигі, ғалымы.

Жазылымдар

Өзіңізге ыңғайлы жазылымды таңдаңыз

1 күн

BASIC

790₸
/күн

5 ЖИ / күн

Жасанды интеллект арқылы презентация, тест құрастыру мүмкіндігі

17 Құралдар / күн

Рефлексия, кері байланыс, таймер, топқа бөлу т.б инстурменттерге доступ

5 Материал / күн

Сайттағы 106мың материалға доступ.Кез-келген файлды жүктеп алу.

15 Ойындар / күн

Жазылым бойынша ойын жасау лимиті.

Тиімді

1 ай

BASIC

9 990₸
/ай

50 ЖИ / ай

Жасанды интеллект арқылы презентация, тест құрастыру мүмкіндігі

22 Құралдар / ай

Рефлексия, кері байланыс, таймер, топқа бөлу т.б инстурменттерге доступ

100 Материал / ай

Сайттағы 106мың материалға доступ.Кез-келген файлды жүктеп алу.

100 Ойындар / ай

Жазылым бойынша ойын жасау лимиті.

Реклама - жарнама

Сабаққа арналған ойындар

Сабағыңызға арналған интерактивті ойындарды жасанды интеллект арқылы құрастырыңыз! Тақырыпты жазсаңыз ойын бірден дайын болады