Эмоция әлемі, 1-сыныпқа арналған тәрбие сағаты

Тақырыбы: Психологиялық сабақ «Эмоция әлемі»

Мақсаты: Балалардың көңіл-күйін көтеру,бір-біріне достық қарым-қатынас, көңіл бөлу және қамқорлық жасауға тәрбиелеу,тапсырмаларды бірге орындау.

Амандасу рәсімі: Шаттық шеңбері

Қуанамын мен де ,

Қуанасың сен де.

Қуанайық достарым,

Жарқыраған күнге!

Сабақтың барысы:

Балалар мен сендерді күнде мектепте көргенде қуанамын.Мен бәріңді жақсы қөремін.Ал сендер бір-біріңді көргенде қуанасыңдар ма?

Балалар бүгін бізде ерекше күн.Бізге қонақтар келіп отыр.Олар да сендерді қөргеніне қуанышты,бізде қонақтарға қуанышымызды білдірейік.Кәне,қонақтармен амандасайық.

Балалар мен сендерді саяхатқа Эмоция әлеміне шақырамын.Ол үшін барлығымыз көзімізді жұмып,менің дауысымды ғана тыңдайық.Дайынсыңдар ма? 1,2,3,4,5

Енді, көздеріңді ашуға болады.Балалар біз «Эмоция әлеміне» келдік.

Қаншама суреттер, ашып көріп алайық.

1-сурет Көңілсіз.Бауырсақ жылап тұр.Неге жылап тұр?

2-сурет Ашулы.Балалар сендер қайдан білдіңдер ол ашулы екенін? Балалар сендер ашуланасыңдар ма? Қашан?

3-сурет Көңілді.Балалар қалай ойлайсыңдар суреттегі бауырсақ неге көңілді?

4-сурет Ренішті.Бауырсақ неге ренжіп тұр?

5-сурет Қорқып тұр.Балалар бауырсақ неге қорқып тұр деп ойлайсыңдар? Балалар сендер неден қорқасыңдар?

Ойын: Менің көңілім.

Балалар бейнелеп көрсетеді.

Көбелекке ұқсап ұшыңдар.

Бақа сияқты секіріңдер.

Кішкентай бала сияқты жүріңдер.

Аю сияқты жүріңдер.

Қоян сияқты секіреміз.

Жарайсыңдар, балалар енді біз өз әлемімізге қайтуымыз керек.Көзімізді жұмып, менің дауысымды ғана тыңдаңдар. Дайынсыңдар ма? 1,2,3,4,5. Енді,көздеріңді ашуға болады.Балалар біз мектептеміз, іс-әрекетімізді әрі қарай жалғастыра берейік.

Ал енді балалар қараңдаршы үстелдің үстінде қаншама суреттер қиылған,сол суреттерді жинастырайық.

Жарайсыңдар, балалар мен ұмытып кетіппін ғой біздің мектебімізге хат келіпті соны оқиын ба?

Құрметті балалар біз «Эмоция әлемі елінен» сендерге хат жазып отырмыз. Балалар сендер бізге екі түрлі сурет, біреуі көңілді екіншісі көңілсіз суретін салып, бізге жіберіңіздерші.Балалар сурет салып береміз ба?Сурет салады.

Тамаша, балалар ал енді суреттеріңді қолдарыңа алып, қандай сурет салғандарыңды айтып беріңдер. Айару не салдың? Сенің салған суретің көңілді ме, әлде көңілсіз бе? Жарайсыңдар балалар суреттерді жақсы салыпсыңдар,осы суреттерді біз ертегі саяхатқа жібереміз.

Сергіту сәті

Біз ақылды баламыз,

Айтқан тілді аламыз

Сурет салып отырсақ

Көңілді бала боламыз.