Ең әдемі ару 6 сыныпқа арналған тәрбие сағаты

Күні: 13.03.16

Сабақтың тақырыбы : Ең әдемі ару

Сабақтың мақсаты : қыздардың бойында инабаттылық, сыпайылық қасиеттерді қалыптастыру; эстетикалық талғамын дамыту.

Көрнекіліктер : мультимедиялық аппараттар, слайдтар.

Сабақтың барысы :

1-жүргізуші : Қайырлы күн, қонақтар ! « Ең әдемі ару» атты Көктем аруы байқауына қош келіңіздер!

Міне, тағы да көктемнін алғашқы күндерімен келетін 8-наурыз халықаралық әйелдер күні мерекесімен құттықтаймыз ! Дендеріңізге саулық, баршаңызға береке бірлік тілейміз.

2-жүргізуші : Осы байқау қыздарымызға эстетикалық тәрбие беруді көздейді, өйткені қыздарға жан сұлулығымен қоса тән сұлулығы бірдей болған жарасады. Сондықтан ибалы, инабатты қыздарымыз көбейе берсін деген ниетпен кешімізді бастауға рұқсат етіңіздер.

Аруларға әділ баға қоятын әділ қазы мүшелерімен таныстыру.

1-жүргізуші : Қырмызы қызыл гүлсіңдер ме екен,

Бақытты іздеп жүрсіңдер ме екен,

Құлпырған қыздар қызғалдақсыңдар,

Жұмбақ жансыңдар бір сыр бермеген.

Қызғалдақтарым, қарындастарым,

Жаза алмай жүрген жалын дастаным,

Жанар тау болып жарылды кеудем ,

Жүректің әлди әнін бастадым.

2-жүргізуші : Олай болса , осы байқауға қатысатын аруларымызды құрметпен ортаға шақырайық.

1-жүргізуші : Сабырлы әрі салмақты,

Өзі өнерлі жан-жақты,

Келе жатқан Айжанымыз

Жарысты бүгін жалғапты.

2-жүргізуші : Еңлік қыз құлпырған дала гүліндей,

Жүресің әр кез күлімдей,

Аңсаған армандарыңа жете бер сүрінбей.

1-жүргізуші : Қуантады біліммен бізді,

Арай қызды қол соғып қарсы алайық,

Білімің серік болсын талабыңа

Бүгінгі қабыл болып тілегеніңіз.

2-жүргізуіші :Қыздардың бәрі сұлу салсаң назар,

Бәрі де арманына қолын созар.

Арманың орындалсын Сымбат сенің,

Бұйырса бақыт құсы саған қонар.

1-жүргізуші : Сыпайы оның мінезі,

Ақырын күліп жүреді.

Мектептің болар тірегі деп

Айгерімді ортаға шақырайық.

2-жүргізуші : Шығады мың бұралып Мәдина биші,

Өнерді Мәдина сүйген, бәрің сүйші.

Қыздары бұл сыныптың бәрі өнерлі

Шығады арасынан әнші-күйші.

1-жүргізуші: Өнер қуып арулар өтер деймін,

Бір басына өнері жетер деймін.

Бәсекеге түскен алты ару кезектесіп,

Таныстырып өздерін өтер деймін.

Таныстырсын өздерін,

Тамылжытып сөздерін,

Енді кезек аруларда.

Ән « Көктем келді»

1-жүргізуші: Әділ қазы алқалары , аруларымызға бағаларыңызды беруді сұраймыз.