Ең үздік информатик 5 сыныпқа арналған тәрбие сағаты

Тақырыбы: «Ең үздік информатик»

Мақсаты:

Білімділік: Информатика пәнінен алған білімдерін кеңейту, әртүрлі қызықты сұрақтар қою арқылы, оқушылардың білімдерін жетілдіру, бағалау, өз беттерінше білім деңгейлерін көтеруге жағдай жасау.

Дамытушылық: оқушылардың пәнге деген қызығушылығын арттыру, ізденуін, танымдық деңгейін жоғарлау ойлауын, компьютерлік сауаттылығы мен іскерлігін, танымдық қабілетін, белсенділігін арттыру.

Тәрбиелік: оқушыларды шапшаңдыққа, өз ойларын анық жеткізе білуге, жауапкершілікке, өз бетімен жұмыс істеуге, өз бетінше ұйымшылдыққа, жан-жақты болуға, ізденімпаздылыққа тәрбиелеу.

Көрнекіліктер: Мультимедиялық құралдар, сайыс бойынша дайындалған слайдтар, ДК, таратпа тапсырмалар, интерактивті тақта.

Сайыстың барысы:

І. Ұйымдастыру кезеңі.

• Оқушылармен амандасу

• Олардың назарын сайысқа аудару

• Тыныштандырып, сайыс кезеңдерімен таныстыру

Ойын толқын, айналған қатты ағысқа

Табылғандай танымда, жат дауыста

Біреу озып келеді қатарынан

Біреу қалып жатады асығыста

Ойын толқын жатқанда асып, тасып

Біреу мығым, біреулер шалыс басып

Бұл ойыннан өтеді ғұлама ойлар

Жеңсең де, жеңілсең де қалма жасып – деп сайысымыздың кезеңдерімен таныстырайын.

Сайысымыз 6 кезеңнен тұрады:

1 ші кезең – «Өзім туралы» таныстыру сайысы

2 ші кезең – «Бәйге» сайысы

3 ші кезең – «Пернелерден сөз құрастыру»

4-ші кезең – «Сурет салу» сайысы

5-ші кезең – «Сергіту сәті» сайысы

6-ші кезең – «Мен саған, сен маған» сайысы

Қатысушыларды марапаттау

Қорытындылау

Сайыс сабақтың барысы:

Оқытушы:

Саламатсыздарма, бүгінгі сайыс сабаққа жиналған, оқытушылар мен оқушылар, және қонақтар! Бүгінгі біздің «Ең үздік информатик» атты сайыс сабағымызға қош келдіңіздер! Олай болса сайыс сабағымызды бастаймыз, сіздерді бүгінгі сайыскерлермен таныстыруға рұқсат етіңіздер.

Топты 2 топқа бөліп, оларға ат беріледі. Сайыскерлерге сәттілік тілей отырып, бірінші кезең таныстыруды бастаймыз. Ортаға «Интернет» тобын шақырамыз... Келесі «Программист » тобы қарсы алыңыздар!

1-ші топ «Инетернет », 2-ші топ «Программист».

Ең алдымен сіздерге осы сайыста әділ бағасын берер әділқазылар алқасымен таныстырайық.

Әділ халқым берсін әділ баға

Өнері мен өренін салыстырып

Төрағасы, төбе билер, жюрилер

Әділетпен кеңес құра біліңдер

Қазылар алқасымен таныстыру

Әділ қазы алқасы бірінші кезең бойынша топтардың бағасын берсеңіздер.

Жарысқа қатысып отырған оқушыларға сәт сапар тілей отырып, «Шыңдарға биік қонғайсың» - демекпіз.