Еңбек қуанышы тақырыбындағы сабақ жоспары, 5 сынып

Тақырып: Еңбек қуанышы

Құндылығы: Дұрыс әрекет .

Қасиеттері: Ұқыптылық, өз-өзіне сенімді болу, үнемшілдік.

Мақсаты: Оқушыларға адам еңбекпен шыңдалатынын дұрыс әрекет құндылығы арқылы түсіндіру.

Міндеттері:

1. Білімділік: Оқушыларды ұқыпты болуға үйрету.

2. Дамытушылық: Оқушылардағы өз – өзіне сенімділік қасиеттерін дамыту.

3. Тәрбиелік: Оқушыларды үнемшілдікке тәрбиелеу.

Жағымды күйге келу .

Су асты патшалығына ойша саяхат .

Үй тапсырмасын тексеру.

1. № 13 - сабақ. Өзіңнің бір апта бойы жасайтың еңбегіңнің тізбесін дәптерге жазып көрсет .

2. Келесі сабақ. №14, «Құмырсқаның қанағаты» ертегін оқып келу.

Сұрақтар:

1. Құмырсқаның іс-әрекетінен қандай үлгі алуға болады? 2. Адамға қанағат не үшін қажет?

3. Әңгімеден не түсіндіңіз?

Сабақтың дәйексөзі .

«Еңбек атаулының бәрі де бағалы, өйткені ол адамды ізгілендіреді»

Л. Н. Толстой

Лев Николаевич Толстой ( 28 тамыз (9 қыркүйек) 1828 жыл , Ресей империясы , Тула губерниясы Ясная Поляна — 7 қараша (20 қараша) 1910 , Астапово, Рязань губерниясы , Ресей империясы) - орыс әдебиетінің әлемге аты шыққан жазушысы, ағартушы, публицист

Сұрақтар:

1) Қандай адамды еңбекқор дейміз? 2) Адам бойында қандай қасиеттер болғанда жетістіктерге жетуге болады? 3) Еңбекпен адам шыңдалады дегенді қалай түсінесіңдер

4) Дәйексөзден қандай ой түйдіңіз ?

Мұғалім сыйы

Жомарт

Мысал әңгіме

Атымтай жомарт өзі есепсіз бай бола тұрып, күн сайын бір мезгіл үстіне ескі-құсқы киім киіп, отын кесіп, шөп тасып жұмыс қылады екен. Бір күні өзінің жақын таныстары одан сұрайды:

Жомарт, дәулетіңіз бар, ашқа - тамақ, жалаңашқа - киім, үйсіздерге үй болдыңыз, сөйтіп тұрып өз басыңызды кемшілікке салып, жете алмаған жарлыша отын кесіп, шөп тасығаныңыздың мағынасы не?- деп.

Жомарт айтты дейді:

Әуелгісі: әдемі ат, асыл киім, асқан дәулетті өне бойы әдет етсең, көңілге жел кіргізеді, солжеліккен көңілмен, өзімнен терезесі төмен бейшаралардан жиреніп, көз салмай, кем кетікке жәрдем беруді ұмытармын деп қорқамын.

Екіншісі: бар бола тұрып мен жұмыс қылсам, мұным кемшілік емес екенін біліп, кейінгілер үлгі алсын деймін.