Еңбек құралдары туралы ашық сабақ, мектепке дейінгі топ

Сабақ тақырыбы: Еңбек құралдары

Т және К дыбыстары

Ермексазбен және қамырмен жұмыс

Сабақтың мақсаты:

Білімділік: а)Білім – балаларды еңбек құралдары, атауы, атқаратын қызметі, пайдаланылуы туралы түсінік қалыптастыру;

ә)Білік –еңбек құралдары туралы біліктіліктерін арттыру;

б)Дағды – еңбек құралдарын ажыратып, тануға дағдыландыру.

Түзете-дамытушылық: балалардың танымдық қабілеттерін, зейінін, ауызша сөйлеу тілін, есте сақтауын, ойлауын, байланыстырып сөйлеу тілін дамыту, дыбыстарды дұрыс айтуын қадағалау. Т және К дыбыстарын дұрыс айтуға дағдыландыру.

Тәрбиелік: балаларды ұқыптылыққа, тазалыққа, достыққа, қауіпсіздік ережелерін сақтауға тәрбиелеу.

Көрнекіліктер: плакат, суреттер, интерактивті тақта, еңбек құралдарының макеттері, еңбек құралдары, ермексаз.

Сабақ барысы:

І Ұйымдастыру

Сәлемдесу. Бүгін бізге қонаққа көп апайлар келіпті. Апайлармен сәлемдесіңдер!

Жарайсыңдар, балалар! Орнымызға отырмастан бұрын, біз фонетикалық жаттығу жасап алайық!

Фонетикалық жаттығу

Та______;

То______;

Ту______;

Ти______;

Те______;

Мынау не?

Тау;

Мынау не?

Тақта;

Мынау не?

Терезе;

Мынау не?

Тиін;

Талап терезені ашты.

Таңат тақтаны сүртті.

Жарайсыңдар, балалар! Фонетикалық жаттығу аяқталды. Орындарыңа отырыңдар!

ІІ Өткен тақырыпты қайталау

Балалар біз бүгін жаңа тақырыппен таныспас бұрын, өткенді еске түсірейік? Естеріңе түсіріп көріңдерші, қандай тақырып өткен едік!?

Мамандықтар.

Дұрыс айтасыңдар. Біз өткен сабақта әр түрлі маман иелерімен, олардың қызметімен танысқан болатынбыз. Тақырыпты еске түсіру үшін қазір біз «Ұйқыдағы қала» ойынын ойнайтын боламыз. Ойынның шарты: Кім? Не? Қайда? Не істейді? сұрақтарына жауап беру. Яғни берілген маман иесін атап, оған қажетті құралды тауып, жұмыс орнына орналастыру және не істейтінін анықтау.

ІІІ Жаңа сабақ

Балалар, біз бүгін үй шаруашылығына қажетті, жиі қолданылатын еңбек құралдарымен танысатын боламыз.

Шеге – бір затпен екінші бір затты бекітуге арналған қарапайым құрал.

Балға - соғу, шыңдау жұмыстарына арналған қол аспабы. Үй жағдайында шегені қағу үшін қолданады. Оның бір жағы балғаның басы, екіншісі сабы деп аталады. Атқаратын қызметіне қарай пішіні әр түрлі болып келеді. Балғаның басын көміртекті болаттан жасайды, кейде ағаштан да жасайды.

Балта - ағашпен жұмыс істегенде шабуға, жаруға қолданылатын өткір жүзді, металдан жасалған ағаш сапты шапқыш құрал.