Мемлекеттік рәміздер туралы ашық сабақ, мектепке дейінгі топ

«Ақжелкен» тобына арналған ашық тәрбие сағатының технологиялық картасы

Күні: 04.06.2019

Білім беру саласы: Таным

Бөлімі: Менің өлкем Қазақстан

Тақырыбы: «Мемлекеттік рәміздер».

Мақсаты: Қазақстан Республикасының мемлекеттік рәміздерімен таныстыру. Потриатизмге тәрбиелеу. Отанды сүюге, рәміздерді құрметтеп, қадірлеуге шақыру. Ана тілінің қадір-қасиетін түсініп өскен баланың жақсылыққа жаны құмар, таза, инабатты, сыпайы болып өсетіндігін және ұлттық қасиеттерімізді жоғалтпаудың бірден-бір қайнар көзі екендігін айтып түсіндіру.

Үштілділік: Отан-Родина-Homeland, Ту-флаг-flag, елтаңба-герб-coat of arms, әнұран-гимн-anthem.

Іс - әрекет кезеңі

Тәрбиешінің іс- әрекеті

Балалардың қызметі

Мотивациялық талаптану.

Ақыл ойы дананың,

Ана тілден аламын,

Ана тілім ардақты,

Ақ сүтіндей анамның,

Өсірген ой білімді,

Сүйем туған тілімді,

Мақсат етем әр сөздің,

Мәнін терең білуді.

Ұйымдастырушылық

ізденушілік

Балалар Әнұран орындайды.

Балалар біз қандай Республикада тұрамыз?

Қазақстанның рәміздерін атаңдар?

Біз қай ұлтпыз?

Біздің ұлтымыз қазақ.Біздің тіліміз қазақ тілі.

Сергіту сәті.

Отан деген – атамекен,

Отан деген – туған жер.

Отан – ана,

Отан – үлкен

Қазақстан – туған ел!

Суреттермен жұмыс.

Бұл не? Тудың түсі неге ұқсайды?

Мынау ҚР мемлекеттік елтаңбасы. Елтаңбада не бейнеленгенін қарандар.

« Тәуелсіз мемлекет» ұғымына түсінік беремін. Мемлекетіміздің Ата заңы Қазақстан азаматтарының құқықтарын оның ішінде балалардың да құқықтарын қорғайды, сонымен қатар азаматтар заңының ішіндегі баптарды білуге, орындауға міндетті.

Біз Қазақстан Республикасында тұрамыз.

- Кең байтақ тәуелсіз мемлекет.

Қазақ.Қазақ тілі өмірдегі ең бай тіл.

-Мемлекеттік рәміздер: Ту, Елтаңба, Әнұран. Бұл халық бірлігінің белгілері. Мемлекеттік рәміздерді құрметтеу әрбір азаматтың міндеті. Қазақстан Республикасының Мемлекеттік туы көгілдір түсті. Ортасында қалықтап ұшқан қыран бейнеленген. Бұл түс ашық аспанның, тыныштықтың белгісін көрсетеді. Тудың ортасында алтын күн баршаға ортақ нұр сәулесін төгеді. Қыран құс ерліктің белгісі. Ою-өрнек біздің халқымыздың тыныштығы мен байлығының белгісі.

Қазақстан Республикасының Мемлекеттік елтаңбасында шаңырақ бейнеленген. Шаңырақты айнала күн сәулесіндей тарап уықтар шаншылған. Жоғарғы жағында жарық жұлдыз, бақыт жұлдызынан нұр шашып тұрғанын белгілейді. Қанатты қос тұлпар қазақтың аңыз ертегісінен алынған. Бидай сабақтары тоқшылықты, молшылықты білдіреді. «Қазақстан» деген сөз еліміздің әлемге танымал екендігін білдіреді.