Еңбек тәрбиесі басты капитал мектепалды топтарына жоба

Тақырыбы:

Әзірлеуші:

Кожагалиева Гульдана Женисовна

2018 жыл

«Еңбек – білім беру жүйесіндегі білім берудің мықты тәрбиешісі».

А.К Макаренко

Кіріспе

Еліміздің Президенті ұсынған «Болашаққа бағдар: рухани жаңғыру» бағдарламасы еліміздің өткен тамырын қастерлей отырып, бәсекеге қабілетті ұрпақ тәрбиелеп, Қазақстанды дамыған 30 елдің қатарына кіріктіру мақсатымен айқын. Осы орайда «баланы жастан» деген тұжырымдама бекер айтылмаса керек.

Мектепке дейінгі жастағы балалар кезеңі жеке қасиеттерді қалыптастырудың ең негізгі кезеңі. Мектепке дейінгі жастағы балалардың тұлғалық қалыптасуында еңбек тәрбиесі мардымды рөл атқарады. Егер дәл осы еңбек тәрбиесі отбасынан басталып, ерте жастан орындалып келсе, балалар үлкен өмірде еңбексүйгіштік қасиетіне ие болады. Баланың еңбекқорлық көрсеткіштері (қызмет мақсатын білу және оған жетудегі табандылық; бастаған істі аяғына дейін жеткізуге дайындылық; еңбекке эмоциялық жағынан оң көзқарастың көрінісі; өнімділікті барабар бағалау; мұқияттылық, еңбекқорлық, еңбек құралдары мен өнімдеріне мұқият қарау) мектепке дейінгі кезең мен кіші кезеңдерде қалыптасып, жетілмесе (Р.С. Буре, Г.Н. Година, М.В. Крулехт, В.И. Логинова, Т.А. Маркова, В.Г. Нечаева, Д.В. Сергеева), оқушылардың алдағы уақыттағы оқу-танымдық қызметі мен өзіндік еңбек қызметіне бейімделуге кедергі болады. [1]

Жобаның атауы: «Еңбек тәрбиесі – басты капитал»

Жобаға қатысушылар: 1 тәрбиеленуші, ата-ана.

Жоба түрі: ата-анамен өзара әрекеттесуге бағытталған орта мерзімді әлеуметтік-педагогикалық жоба.

Әзірленген жылы: 2017-2018 жылдар.

Жобаның қысқаша сипаттамасы:

Жобаның өзектілігі:

Ата-аналардың көбісі балаларды шамаға шақ, бірлескен жұмысқа тартпайды, өз бетінше әрекет етуге мүмкіндік бермей, бала жасай алатын жұмысты өздері жасайды. Соның нәтижесінде, балалар еңбек етуге дағдыланбай, еңбекке деген қызығушылығы төмендейді. Білім берудің өзекті жемісі саналатын функционалды сауаттылықты ерте жастан бастап тәрбиелеу маңызы - жобаның өзектілігін айқындайды.

Жобаның мақсаты:

Мектеп жасына дейінгі балалардың жұмысқа деген оң көзқарасын дамытып, дербес еңбек етуге тәрбиелеу.

Жобаның міндеттері:

Өз бетінше жұмыс атқару мен қабілетті болуға ынта, қиындықтармен күресуді, басқаларға көмектесуді тәрбиелеу.

Баланы әртүрлі жұмыс түрлеріне белсенді қатысуына, оның мүмкіндіктерін кеңейтуге жәрдемдесу.

Балалардың мәдени-гигиеналық дағдыларын нығайту.

Балалардың еңбек қызметін ынталандыруды жоғарылату үшін үйде жағдай жасау.

Күтілетін нәтиже:

Мектеп жасына дейінгі балалардың жұмысқа деген оң көзқарасын дамып, дербес еңбек етуге тәрбиеленеді.

Жобаны іске асыру жоспары:

Бірінші кезең – Даярлық кезеңі

Мақсат, міндеттерді айқындау.

Жобаны іске асыру бойынша жұмыс бағдарларын айқындау:

Баланы жұмысқа бейімдеу: күнделікті ойыншықтарды ойын кейіпкерін қолдана отырып, түрінде жинастыру; жапсырғыштармен, белгішелермен мадақтау.

Бау-бақшадағы еңбекке баулу.

Қысқа өлеңдерді пайдаланып баланы жуынуға, гигиенаға дағдыландыру.

Таза ауадағы продуктивті қызмет: «Қардан мүсіндерді жасау», «Жолды қардан тазалау», «Құстарды тамақтандыру».

Табиғаттағы еңбек, эстетикалық тәрбие барысындағы еңбек тәрбиесі: үй өсімдіктерін күту.

Салауатты өмір салтын қалыптастырудағы еңбек: ойын барысындағы еңбек.

Оқу арқылы еңбек тәрбиесін қалыптастыру: «Жазып үйренемін», «Оқып үйренемін», «Сурет салып үйренемін», «Үштілділі балақай: қазақ, орыс, ағылшын тілдерін үйренемін».

Қол еңбегі: Ұсақ моториканы дамыту ойындары.

Екінші кезең – Жобаны жүзеге асыру кезеңі

Жобаны іске асыруды бастамас бұрын сәйкес әдебиеттер сараланып, ең үздік еңбек тәрбиесі мысалдары іріктелді. Баланың қажеттіліктері мен қызығушылықтарына сәйкес бағдарлар бойынша жасалынып, жетістікке жету жағдайлары жасалды. Жоба барысында жеңілден қиынға қарай деңгейлі «шиыршық» әдісі қолданылды. [2]

Баланы жұмысқа бейімдеу: күнделікті ойыншықтарды ойын кейіпкерін қолдана отырып, ойын түрінде жинастыру; жапсырғыштармен, белгішелермен мадақтау.

Баланың ойыншықтармен ойнағаны қаншалықты пайдалы болса, ойын соңында ойыншықтарды жинастыру соншалықты пайдалы. Бұл баланы алдағы уақытта өз заттарына ұқыпты қарап, жинақылықты дамытуға тәрбиелейді.

Бау-бақшадағы еңбекке баулу.

Баланы бау-бақшадағы еңбекке баулу – баланың байқау, барлық тірі ағзаларға, табиғатқа сүйіспеншілікпен қарауға баулиды. Баланың физиологиялық дамуына, төзімділіктің артуына және дене күшінің дамуына ықпал жасайды.…