Еңбек түбі береке ашық сабағы мектепке дейінгі топқа

Іс-әрекет

Тәрбиешінің іс-әрекеті

Балалардың іс-әрекеті

Мотивациялық қозғаушы

Шаттық шеңбері

Біз балдырған тең басқан,

Дос құшағын елге ашқан.

Тілегіміз тыныштық,

Ашық болсын кең аспан.

Мықты болсын іргеміз,

Бәріміз де біргеміз.

Қазір бізде еңбек оқу іс-әрекеті болады. Оқу іс-әрекетті бастамас бұрын, сендерге жұмбақ жасырғым келеді, шешуін ойланып табыңдар.

Ақ қар еріп, су көбейіп,

Сай-салаға толады.

Ағаш басы бүршік атып,

Гүл бәйшешек толады,

Бөбектерім айтыңдаршы,

Бұл қай мезгіл болады?

-Дұрыс, бұл - көктем мезгілі.

-Көктем мезгілі неше айдан тұрады? Атап бер.

-Көктем мезгілі мен қыс мезгілінің айырмашылығы кім ажыратып әңгімелеп береді?

Әуен естіледі.

-Балалар, бұл ненің дыбысы? Бізге қарай біреу келе жатқан секілді.

Осы кезде Карлсон ұшып келеді.

-Қош келдің, Карлсон , сен мұнда қайдан жүрсің?

Карлсон:

-Сәлем, балалар, мен аспанда ұшып жүріп, мұнда жиылып отырғандарыңды көріп, төмен түстім. Мен күн сайын сендердің балабақша ауласында ойнап жүргеніңді көріп, қызығушы едім. Балабақшаларың маған қатты ұнайды. Сендермен бірге оқығым келеді. Мені қалдырасыңдар ма?

- Әрине, Карлсон, қазір біздің балалар ағаларымен, әкелерімен бірге балабақша ауласын көркейтіп еңбек етпекші.

Карлсон:

-қандай жақсы болды мен еңбек еткенді ұнатамын.Сендер еңбек туралы мақал-мәтел, тақпақ білесіңдер ме?

Шаттық шеңберіне тұрып, бір-біріне қуанышты көңіл-күй сыйлады.

Жұмбақтың шешуін таба алды.

Қыс мезгілі мен көктем мезгіліндегі ерекшеліктерді әңгімелеп берді.

Көктем ханшайымымен сәлемдесті.

Яна:

Еңбекті сүй, құрметте

Береке болар еңбекте

Еңбек етсең емерсің

Жақын болшы еңббекке

Бекболат:

Жалқау болсаң, жасыңнан

Ұйқы қалмас, жасыңнан

Еңбек сүйсең табылар

Бар жақсылық жаныңнан.

Дильназ:

Гүл өсірсең терлеп,

Мұның аты-еңбек

Кесте тіксең зерлеп

Мұның аты-еңбек

Қиындықтың бәрін

Еңбек қана жеңбек

Абай:

Ерінбей еңбек етсең —Ернің асқа тиеді.Ерініп ілбіп кетсең,Иегің тасқа тиеді.

Еңбексіз тапқан малЕсепсіз кетер.

Елдос:

Еңбектің наны тәтті.Жалқаудың жаны тәтті.

Кедейлік кетсін десең еңбек ет

Молшылық жетсін десең, еңбек ет,

Нұрдос:

Еңбек адамды бүтіндейді.Жалқаулық адамды түтіпжейді.

Берекесіз бейбақтарТерлеп еңбек етпейді.Терлеп еңбек етпегенТілегіне жетпейді.

Ізденіс ұйымдастырушы

-Балалар, ендеше, суретке қарайықшы, не бейнеленген?

-Көктемде қандай еңбек түрлерін жасайды екенбіз? Сурет бойынша кім әңгімелеп береді?

-Балалар, балабақша ауласы көрікті , әдемі болу үшін не істеуге болады?

-Дұрыс айтасыңдар, Ағаштардың пайдасы өте көп, Ауадағы газды, түрлі ластықтарды өзіне тартып, оның орнына оттегі, яғни таза ауа бөліп тұрады. Ыстықты, аязды басып, ылғалдылықты сақтап,топырақтың құнарлылығын арттырады. Сонымен қатар, ағаштар құстар мен жәндіктерге қорек беріп, пана да болады. Біз қазір жеміс ағаштары мен гүлдерді егетін боламыз. Ол үшін суретке қарап олар туралы не білесіңдер, еске түсіріп алайық.

-Мынау қандай жеміс ағашы? Алма ағашы туралы кім түсіндіріп береді?

-Жарайсыңдар балалар, енді осы ағаштарды үш тілде атап көрейік.

Алма ағашы-дерево яблони- tree of apple

Шие ағашы – дерево вишни- tree of cherry

Алмұрт ағашы-дерево груши- tree of pear

Егетін жеміс ағаштарымен танысып алдық, енді гүлдермен танысып алайық.

Роза гүлі- -хош иісті,ең әдемі гүлдердің бірі. Ол гүлдердің патшасы және нәзіктіктің символы.Роза гүлдерін қыздар мен аналарға сыйлайды.

Роза гүлі – цветок Роза –

a flower is a rouz

Шафран гүлі- хош иісті гүлдердің бірі. Түсі сары қызғыш түсті болады. Көктем мезгілінде егіледі. Аулаға сән беріп тұрады.

Шафран гүлі – цветок шафран-

a flower is a saffron

-Петуния гүлі туралы кім бізге түсіндіріп береді

Петуния гүлі- цветок петуния-

a flower is a petunia

-Барқыт гүлі туралы кім айтып береді?

Барқыт гүлі- цветок бархатцы –

a flower is a marigolds

«Райхан гүл» ертегісін сахналату.

Сергіту сәті.

Шаршағанда ырғалып,

Гүлге ұқсап демалам

Қолдарымды қозғалтып,

Гүлдей болып жайқалам,

Шөліркемей гүл тұрсын

Далам мәңгі құлпырсын

Нұрын шашып біздерге

Көкте мәңгі күн тұрсын.

Денемізді шынықтырып алдық, қазір біз алма, шие және алмұрт ағаштарын егетін боламыз. Ал, барқыт гүлі мен петуния гүлдерінің көшетін арнайы ыдысқа отырғызамыз. Алдымен бізге қажетті құралдармен танысып алайық.

*алжапқыш

*күректер

*носилка

*тастар

*құнарлы топырақ

*су

*суқұйғыш

Енді егу әдісімен біліп алайық.

*Жеміс ағашын отырғызар алдында шұңқыр қазамыз.Ол үшін жоғарғы қабаттың топырағын бір жағына, астыңғы қабаттың топырағын екінші жағына үю керек.

*Астына сәл ғана майда тастар саламыз және су құямыз. Құнарлы топырақ салуға болады.

*содан кейін, әуелі астыңғы қабаттың топырағымен көміп, үстін астыңғы қабаттан алынған топырақпен жабады.

*топырақтың жиегін көтеріп, ортасын шұңқырлап оған суқұйғышпен су құяды. Су тез кеуіп кетпеуі үшін шымтезек немесе ағаш үгіндісін себеді.

Гүл көшетін ыдысқа отырғызу әдісі:

*ыдыс ішіне майда тастар саламыз, содан соң құнарлы топырақпен толтырамыз.

*кішкене күрекпен ұяшықтар жасап, гүл көшетін отырғызамыз.

*суқұйғышпен абайлап суарамыз.

Балалар, қазір 2 топқа бөлінеміз.

1. Қыздар гүл көшетін ыдысқа отырғызады.

2. Ұлдар жеміс ағаштарын жерге отырғызады.