Еңбек және экология ел амандығы тәрбиелік материал

Тәрбие сағатының тақырыбы: «Еңбек және экология ел амандығы»

Мақсаты:

Табиғатты қорғау, экологиялық тәрбие негіздерін қалыптастыру

Қоршаған ортаның сапасы және ластануы туралы, сыртқы ортаның барлық факторларының бір-біріне байланыстылығы, оның ішінде біз және табиғат байланыстылығын білуге үйрету және Еңбек адамгершілік құндылығы туралы түсініктерін кеңейту және еңбектің адам өміріндегі мәні туралы түсінік беру; - еңбек етуге қызығушылықтарын дамыту; - еңбексүйгіштікке тәрбиелеу; Өз бетімен жұмысқа дағдылануға, өзін-өзі тануға, тіл мәнерін, ой-өрісін дамытуға бейімдеу.Табиғатты қорғай алатын адамгершілігі мол, ізгілікті, мәдениетті ұрпақ тәрбиелеу

Көрнекілігі: Табиғат пен еңбек туралы қанатты сөздер, слайдтар,видеоролик, түрлі суреттер, мақал мәтелдер, жұмбақтар.

Әдіс-тәсілдер: сұрақ-жауап, әңгімелеу, түсіндіру, топпен жұмыс.

Ұйымдастыру кезеңі:

Кіріспе сөз

Видеоролик көрсету,талдау

Дәйексөзді талдау

Тәрбиленушілердің «Экология» және «Еңбек» туралы түсінік беру

Көрнекі заттар мен жұмыс

Сергіту сәті «Біз жаңбыр тамшыларымыз»

Бір біріне тапсырмалар беру

«Болашақта» сурет салу

Күз ағашына өз тілектерін жапсыру

Қорытынды.

Кіріспе сөз:

Тәрбиеші сөзі :

Табиғат - қоғамның қорғаны. Алғашқы қауымнан қазіргі ғарыш дәуіріне дейін адам баласының өмір сүруге қажет барлық мұқтажын табиғат өз қазынасымен жомарттықпен өтеуде. Өміріне, экономикалық –географиялық жағдайына, тарихи дамуына қарай қазақ халқы табиғат қойнауында бірге өсіп, біте қайнасып келе жатыр.Мұндай жақындық оларды табиғатың бауыры, жанашыры етіп жіберген. Халықтың табиғатты қадірлеп-қастерлеуге сезімін бүкіл өмір тағылымынан кездестіреміз.Сонымен біздің ашық тәрбие сағатымыз ашық жариялаймыз

Жүрісі:

Тәрбиеленушілерді 2 топқа бөлінеді. «Еңбек» және «Жасыл ел» Тәрбиеленушілерге екі түрлі белгі үлестіріледі, әр тәрбиеленуші соған сәйкес өз тобын анықтап орындарына отырады.

Видеоролик көрсету «Табиғатты қорғайық,аялайық!» (талдау)

Тәрбиеші:

-Жақсы, балалар олай болса, біз тәрбие сағатымызды бастамас бұрын мына дәйексөзге қарайық бұл жерде мақал берілген «Адамның табиғатсыз күні жоқ, табиғаттың оны айтар тілі жоқ» бұл мақал не туралы айтып тұр (балалар өз ойларын айтады)

Тәрбиеші:

- Балалар, бізге Мөлдір мен Құралбек еңбек пен экология туралы түсінк беріп өтсін, біз тыңдайық

1 топ «Жасыл ел»

Бүгінгі тақырып табиғатқа, Жер экологиясына, оның ішінде Қазақстан экологиясына яғни біздің өлкеміздің экологиясына арналғанын ұққан шығарсыңдар. «Жасыл ел » тобы Экология туралы шағын ғана айтып өтеді, Экология дегеніміз не Қазақстан экологиясы қазір қандай жағдайда Экология - «эйкос» - үй, «логос» - білім – қоршаған орта туралы білім деген сөзді білдіреді. Қоршаған ортамен байланысты ең айқын проблемалардың бірі ағаштарды кесу мәселесі болып табылады, негізінен Сібір ормандары сияқты тың жерлерде. Ағаштар Жердің өкпесі деп саналады. Олар ауадағы барлық ластаушы газдарды қайта өңдейді және атмосфераға оттегін қайтарады, атмосферада тұрақты көміртекті циклді құрады. Дегенмен, біздің ормандардағы ағаш кесу көрсеткіштері қауіпті деңгейге жетті. Адамдардың күнделікті өмірі қоршаған ортаға және жаһандық жылынуға әсер ететін фактор болып табылады. Бензинді жанатын автокөлік қозғалысы ғаламдық климатқа әсер ететін көмірқышқыл газын шығарады. Жерді ластайтын болсақ, біз тек климатымызға әсер етпей, сонымен қатар жер бетінде өмір сүретін жануар әлемін де бұзамыз. Егер біздің әлемді құтқарғымыз келсе, оны сақтау үшін жағымды шаралар қабылдауымыз керек . Экология біздің өмірімізде өте үлкен

Қоршаған ортаның зиянды заттармен, техногенді қалдықтарымен ластауда Қазақстанның мына кәсіпорындары ерекше зиян тигізуде: Батыс Қазақстан мұнайгазконденсат кен орындары, Өскемен қорғасын - мырыш комбинаты, Зыряновск полиметалл комбинаты, Жамбыл суперфосфат заводы, Жамбыл фосфор заводы, Балқаш тау-кен комбинаты, Жезқазған тау-кен комбинаты, Павлодар алюминий заводы, Екібастуз энергетикалық комплексі, Қарағанды металлургия заводы, "Фосфор" Шымкент өндірістік бірлестігі, Шымкент қорғасын заводы, т.б.

Өндіріс сарқынды суларының әсерінен Ертіс, Орал т.б. өзендерінің суы зияндылығы жөнінен нормативтік көрсеткіштерден әлдеқайда асып түседі.

Қоршаған ортаның республикамыздағы халықтың науқастануына тигізер әсері 60% шамасында. Ол әсіресе тау-кен өнеркәсіп орналасқан қалаларда жоғары. Қалаларда экологиялык, ауру түрлерінің өршуіне ықпал етуде. Арал өңірінің экологиясы, Арал қасіреті республика аумағынан асып, бүкіл планетаның бас ауруына айналып отыр.

Аралдың бұрынғы 66000 шаршы шақырым су айдынынан, қазір не бары, шамамен 25 шаршы шақырымға жуық су айдыны қалып отыр. Бір кездері арнасынан асып - тасып жатқан алып теңіз, бүгінде жыламсырап ағады. Теңіз ұлтанынан ұшқан тұзды шаң әлемнің түкпір-түкпіріне жетіп жатқаны туралы суық хабарлар барған сайын қатерлі де қорқынышты сипат алып барады.

Экологиялық апат аймағында отырған ел ең алдымен ауыз су тапшылығын көріп отыр. Теңізбен қоса Арал төңірегіндегі жергілікті тұрғындарды да құтқару керек.

Экологиялык, зардап аймағына айналған тағы бір өлке ол - "Байқоңыр" ғарыш аймағы. Байқоңырмен шектес Ұлытау даласының қай түкпіріне үңілсеңіз де, әртүрлі зымырандардың сынығынан аяқ алып жүру қиын. Бұлар зымырандардың бірінші ұшу сатысынан айырылып, жерге құлаған бөлшектері. Зымырандардың отын құрамында хлорлы қосылыстар жиі кездеседі. Аспаннан от жалынға оранып түскен қалдықтар 3-4 гектар аумақты улап, өртеп, тып-типыл етіп кететіндіктен, ұзақ жылға дейін, қу тақырларға айналған бұл жерлерде ештеңе өспейді. Байқоңыр ғарыш аймағының аумағында зымыран бөлшектері құлайтын 39 аудан белгілі және ол 105 мың шаршы км-ден асады.