Энергия және қозғалыс тақырыбындағы ашық сабақ, 5-сынып

Дата:

Сабақ

Мектеп:

Мұғалім:

Оқушы саны:

Қатыспаған оқушылар:

сынып: 5

Сабақ тақырыбы:

Қозғалыс

Сабақ түрі

Жаңа тақырып оқып үйрену және тақырып бойынша білім-біліктерін қалыптастыру

Сабақ мақсаттары:

Тірі және өлі табиғаттағы қозғалысқа мысал келтіру және оның түсіндіру;

Жануар қаңқасының ерекшелігін зерттеу;

Қозғалыс себебін анықтау.

Сабақ міндеттері:

Оқушылар қарапайым эксперименттер орындайды;

Орындаған жұмысты талдайды;

Тапсырманың берілгені бойынша талдап қорытынды жасайды;

Бағалау критерийлері:

Егер оқушы төмендегілерді орындаса мақсатқа жетеді:

Механикалық қозғалысқа анықтама бере алады;

Тірі және өлі табиғаттағы қозғалысқа мысал келтіре алады;

Жануар қаңқасының құрылысын сипатттап, себебін түсіндіре алады;

Қарапайым бақылау орындап, қорытынды жасай алады;

Құндылықтар

Оқушылардың дүниетанымын кеңейту;

Сауаттылығын арттыру;

Өздік оқу кезінде жеке жұмыс жасауын қамтамасыз ету;

Логикалық ойлауын, қорытындылау, салыстыру дағдыларын дамыту;

Тілдік мақсаттар:

Оқушылар:

Дененің қозғалысын сипаттау үшін физикалық терминдерді қолданады (жылдамдық, жол, уақыт);

Қозғалыс терминінің мағынасын біледі;

Қозғалыс мысалдарын сипаттау үшін дұрыс терминологияны қолданады;

Зерттеу нәтижелерін ауызша және жазбаша түрде сипаттайды және қорытындылайды.

Пәнаралық байланыс:

Биология сабақтарында әртүрлі ортаға бейімделе алатын, тірі ағзалардың ерекшеліктерін, қаңқасын қарастырды;

Математика сабақтарында қозғалыс тақырыбына есептер шығарды.

Өткен сабақ материалдары:

Өткен сабақта оқушылар энергия ұғымын және түрленуін қарастырды.

Жоспар

Жоспарланған уақыт

Жоспарланған шаралар

Ресурстар

0-5мин.

Ұйысдастыру кезеңі

Сабаққа психологиялық дайындық.

Миға шабуыл:

Суретке қарап, оларды не біріктіретінін түсіндіріңіз?

Оқушылар өздерінің пікірлерін білдіреді.

Барлық суреттер қозғалысты сипаттайды. Сіздер қозғалыс деген ұғымды түсіндіре аласыз ба?

Бір немесе бірнеше оқушы қозғалысты қалай түсінетінін айтады. Мұғалім басқа оқушыға тақтаға анықтамасын жазуды сұрайды. Оқушылар көмегімен алғашқы анықтама құрастырылады.

Сабақ мақсаты мен тақырыпты хабарлау. Оқушылардың ЖАДА анықтау үшін қолданылады.

Дидактикалық материал

Маркер, тақта, презентация

5-15 мин.

Табиғаттағы қозғалыс. Жаңа тақырыпты түсіндіру.

Мақсаты: Тірі және өлі табиғаттағы қозғалысқа мысал келтіру және оның түсіндіру;

Ұғымды жалғастыру:

Су ағады….

Құс ұшады…

? Ойланыңыз:

Неге қозғалыс тіршілік негізі болады;

Организм үшін қозғалыс неге маңызды;

Әр түрлі жануарлардың қозғалыс ерекшеліктері қандай.;

Неге жануарлар әртүрлі қозғалады

«Қозғалыс-өмір негізі»

Расында да айналамызға көз жүгіртсек, бізді қоршаған ортадағының бәрі де үздіксіз козғалыста болатынын байқаймыз. Қала мен ауыл көшелеріндегі адамдар, дала мен орман-таулардағы жан-жануарлар, теңіздер мен көлдердегі балықтар — осылардың бәрі де козғалыста болады. Сондай-ақ өсімдік бойындағы органикалық заттар, адамның қан тамырларындағы қан үнемі козғалыста болады.

Бұдан шығатын қорытынды: дене кейбір денеге қатысты тыныштықта болғанымен, басқа бір денеге қатысты қозғалыста болады, сондықтан денелердің тыныштығы да салыстырмалы болып табылады. Демек, табиғатта абсолют қозғалмайтын дененің болуы мүмкін емес, болмайды да.