Ер жеткен уақытта ата-анаға көңіл бөлу 9-сынып тренингі

ШҚО, Тарбағатай ауданы, Кіндікті ауылы.

«Ғани Мұратбаев атындағы орта мектебі» КММ

Психолог: Бижасанова Шұға Санатқызы

«Ер жеткен уақытта әке-шешемізге қаншалықты көңіл бөлеміз?» тренинг

Ата-ана - әрбір адамның қайтып соғар қазығы. Оған деген сүйіспеншілік тек жүректен шығу қажет. Әсіресе, тіршіліктің қайнар көзі, махаббаттың шуақ күні, мейірімнің кәусар бұлағы – Ана есіміне қатыссыз дүниеде ештеңе жоқ. Халқымыздың байырғы ұғымында баланың ата-ана алдындағы парызын өтеуі «Ана сүтін ақтау» деп аталады.«Әкеге бағыну – тәңірге бағыну» деп әкені одан бетер дәріптеген. Ендеше бүгінгі әңгіме-сұхбатымызда адам өмірінің мәні мен сұлулығы, адамның келешегіне сенімділігі – баланың ата-анасын ардақ тұтып, өзінің перзенттік парызын бір сәтке де есінен шығармауына арналады..

Постер қорғау.

1.Әке деген кім?

2.Ана деген кім?

3.Ұл бала деген кім?

4.Қыз бала деген кім?

Бейне жазба көрсету

Сұрақтар

1.Жанұяда сенімен көп сырласатын кім ?

2.Жанұяда шешімді кім қабылдайды?

3.Үйден шыққанда қайда баратыныңды айтасыңба?

4.Жанұяның кіріс-шығысын кім есептейді?

5.Жанұяда өз орның қандай, қандай міндеттерің бар?

6.Сенің мектептегі оқу үлгерімің, жетістіктерің ата-анаңды қызықтырама?

7.Егер сен әке болсаң....

8.Егер сен ана болсаң....

Оқушылардың ата-ана алдындағы парызы туралы пікірлерін айтқызу

1. «Баламның табанына кірген шөңге менің маңдайыма кірсін» - дегенді қалай түсінесіңдер?2. «Анаңды Меккеге үш рет апарып келсең де ана сүтін ақтай алмайсың» - дегенді қалай түсінесіңдер?3. Ата-ананың үміт – арманы баламен бірге жасайды дегенді қалай түсінесіңдер?

4. Атасы тұрып ұлы сөйлегеннен без,

Анасы тұрып, қызы сөйлегеннен без дегенді қалай түсінесіңдер?

Ситуатциялық жағдай

1) Әкесі көп ішеді анасы екеуі көп жанжалдасады әкесі баласына көп көңіл бөлмейді анасының көңіл бөлуге уақыты жоқ жұмыста. Шешесінің табысымен күн көреді егер сен сол жанұяның әкенің маскүнемдіктен арылып отбасына көңіл бөлуіне жанұяда берекемен тыныштықтың орнауына сол отбасының баласы ретінде сен қандай үлес қосар едің.

2) Әкесі мен шешесі жақсы жұмыс жасайды ақша көп табады, бірақ балаларына сабақ үлеріміне бос уақытын қалай өткізгеніне, сырласуына уақыттары жоқ, олардың саған көңіл бөлуіне қалай ықпал етер едің.