Ересек топқа арналған дәрумендермен дос болайық сайысы

Бекітемін:

Күні:

Мақсаты: Балаларға дене шынықтырудың пайдасын, адамның дені сау, сергек болуына көмектесетінін түсіндіру. Тепе-теңдікті сақтау, икемділік, кеңістікті бағдарлау дағдыларын жетілдіру. Шынықтыру жаттығуларына, қимылды ойындарға деген қызығушылықтарын арттыру. Жемістер мен көкөністердің пайдасын түсіндіру. Дәрумендермен дос болуға шақыру.

Жүргізуші: Тыңдаңыздар, тыңдаңыздар! Мұнда назар аударыңыздар! Барлық ұлдар мен қыздарды көңілді жарысқа қатысуға шақырамын. Балалар, жарыста шапшаңдықты, ептілік пен қайсарлықты, тапқырлықты көрсете біліңдер! Олай болса сайысымызды бастаймыз!

Таңғажайып сәт: Есік қағылады.

Жүргізуші: Кім келді екен! Ой, балалар бізге хат келіпті! «Құрметті балалар, сендерді бүгінгі мерекемен құттықтаймын! Ешқашан ауырмаңдар! Жемістер мен көкөністерді үнемі жеп, спортпен айналысыңдар! Сәлеммен: дәрігер апай. Балалар естідіңдер ме! Ауырмас үшін не істеу керек!

Балалар: Үнемі спортпен айналысу керек! Дұрыс тамақтану керек!

Жүргізуші: онда балалар көңіл күйді көтеріп сайыста жеңу үшін жаттығу жасайық!

Жаттығулар жиынтығы:

«Хайуанаттар бағына барамыз»: жай жүріс, қолды сәл бүгіп жүру.

«Аюлар арқасын ағашқа тигізеді»: иықты кезекпен, содан кейін бірге жоғары көтеру.

«Маймылдар ағаштан банан жұлады» Өкшені көтеріп қолды жоғары созу.

«Тырнаның жүрісі»: Қолды жан-жаққа жіберіп 4қадам алға, 4қадам артқа жүру.

«Қояндарды қуып жетеміз»: Шеңбер бойымен жүгіру.

«Алаңқайдағы қояндар!»: екі аяқпен секіру.

Жүргізуші: Сайыс 6 кезеңнен тұрады:

«Такси» бір бала такси жүргізуші обручтің ішінде болады. Оған екінші баланы кіргізеді, мәреге дейін апарады.

«Кедергілер» обручтан секіру. Тақтай үстінен қолмен тартылып, ішпен сырғанау.

« Кім жылдам» үлкен доппен секіріп барып, обручтағы жемістер мен көкөністерді ажыратып өз обручына салу.

«Кім секіргіш?» Сырғанақтан сырғанап, биікте өсіп тұрған сары және қызыл алмаларды секіріп алу.Өз тобының қорабына салу.

«Кім епті?» Ыдыста тұрған жұмыртқаны қасыққа салып алып, мәреге дейін түсірмей апару.

«Кім көп шар жинайды?» Кедергілер арасынан самокатпен өтіп қызыл және сары түсті шарларды өз тобының қорабына салу.

Әділқазылар сайланады.

Жүргізуші: Тамаша, енді жарысқа қатысушы екі топты ұранын тыңдайық!

Қырандар тобы: Жас қырандар балапан,

Жайып қанат ұмтылған!

Көгершіндер тобы: Бейбітшілік әніміз,

Бауырласпыз бәріміз!

Жүргізуші: Сайыста жеңіп шығу үшін тату болу керек. Жаттығуларды бірге орындағанда ғана топ жеңіске жете алады. Олай бьолса сайысымызды бастайық!

Жүргізуші: Жарайсыңдар, балалар!