Еркеайым қыздар сайысына арналған сыныптан тыс жұмыс

Сайыстың тақырыбы: «Еркеайым - 2019» (сайыс)

Сайыстың мақсаты:

Білімділік: Қыздарымызды сайыстыра отырып өнерлерін арттыру. Ізденушілік қабілеттерін, ой — өрісін, қызығушылықтарын арттыру.

Дамытушылық: Ұйымдастырушылық қабілетін дамыту;

Тәрбиелік: қазақ халқының қыз тәрбиелеу салт-дәстүріне байланысты әдептілікке, инабаттылыққа, ізеттілікке тірбиелеу.

Көрнекілігі: Қыз баласының тәрбиесіне байланысты мақал — мәтелдер, шар, плакаттар, ән шашу, сыйлық.

Өтілу формасы: сайыс

ӨТІЛУ БАРЫСЫ

Ұйымдастыру:

1 – жүргізуші. «Отан отбасынан басталады» десек, сол әрбір кіші отанның ұйытқысы, берекесі болатын – әйел адам. Ұлттың адаспай, ұлт болып қалуы, қоғамның ырғақты дамуы, мемлекеттің өркендеуі – соңында келіп әйелге, келешек Ана болар қыздардың қалай тәрбиеленетініне байланысты болмақ.

2 – жүргізуші. Қай ұлттың әйел затына бөлетін орнын қазақ қоғамында бөлінген орнымен салыстыруға келмейді. Қыз баланы кішкентайынан төрге шығарып отырған қазақ оның болашақтағы Ел анасы боларына кәміл сенген. Қазақ қыздары даланың ерке елігіндей бұлаңдап өскен.

1 – жүргізуші. Армысың, өнер сүйер асыл халқым,

Мереке құтты болсын ауылдасым.

Тағыда келіп жетті сайысымыз

Жырлайтын қазағымның дәстүр салтын.

2 – жүргізуші. Армысыздар ұлағатты ұстаздар мен қадірменді оқушылар!

1 – жүргізуші. Қымбатты аналар, ұстаздар, ару қыздар, қонақтар бүгінгі 1 – сыныптар арасында өтіп отырған «Еркеайым - 2019» сайысына қош келдіңіздер!

2 – жүргізуші. Айгерім, ендеше сайысқа бағын сынайтын аруларымыздың бойындағы нағыз қазақ қызына тән қасиеттерін сайыс барысында байқайтын боламыз.

Туған жер азаматтың мекені екен,

«Лицей аруы» бас бәйгеге кімдердің бағы жанып жетеді екен?

Намысты бермеу үшін қолдан өзі

Мінеки, арулар да сынға түседі екен – демекші аруларымызды қршеметпен шақырайық.

1 реттік санда Мың бұралған биші, 1 а сыныбының аруы Атабаева Жанерке

2 реттік санда Үйінің еркесі, 1 а сыныбының еркесі Дүйсенғазы Айым

3 реттік санда 1 ә сыныбының мақтанышы, сүйкімді аруымыз Әнтаева Еркенұр

4 реттік санда Ата-анасының көзайымы, 1 ә сыныбының көріктісі әдемі аруымыз Мамадиева Кәусар

5 реттік санда 1 б сыныбының қылықты қызы күміс көмей әнші Тұрлыбаева Жаннұр

6 реттік санда 1 б сыныбының намысын қорғап келген ауымыз Жайлауғалиева Аружан

7 реттік санда 1 в сыныбының ақылды, сүйкімді аруы Қабкен Інжу

8 реттік санда Болашағынан үміт күттірерлік қызымыз, 1 в сыныбының оқушысы Нұрғазы Нұрмария

2 – жүргізуші. Сайыста бақ сыналар, бап сыналар,

Бас жүлдені өнерлі, тапқыр алар.

Кім өнерлі, кім тапқыр, шешу қиын,

Қазылар алқасы болмаса нық сыналар. Сайысымыздың әділ-бағасын беретін қазылармен таныстырып өтсек.

1 – жүргізуші.

1. Директордың тәрбие жұмысы жөніндегі орынбасарлары: Анар Ахметқалиқызы, Лаура Мұратбекқызы

2. Мектебіміздің аға тәлімгері Әсем Маратқызы

3. Шағын орталықтың әдіскері: Айнагүл Булатқызы

4. Мектебіміздің музыка пән мұғалімі: Нағима Қауысқызы.2 – жүргізуші.

Ал енді сайысымыздың кезеңдерімен таныс болыңыздар.1 — сайыс: «Мен қазақтың қызымын», (өзін — өзі таныстыру)2 — сайыс: «Ақылына көркі сай», (Сұрақ-жауап)

3 — сайыс: «Өнерлі өрге жүзер», ( Әрбір сайыскер өз өнерлерін ортаға салады).4 — сайыс: «Қыздарға әсемдік жарасады», (Сән үлгісі)

1 – жүргізуші.

Көп сөйлеп жөн - жобадан аспайық біз,Қандай сайыс болса да, қашпайық біз.Ал, енді, халқым, рұқсат етсеңіздер.“Еркеайым” сайысын бастайық біз.

2 – жүргізуші. Өнер қуып арулар өтер деймін,Бір басына өнері жетер деймін.Бәсекеге түскен арулар кезектесіп,Таныстырып өздерін өтер деймін.

«Мен қазақтың қызымын».

Байқауымыздың бұл бөлімінде аруларымыз өзін - өзі таныстырады. Бұнда аруларымыздың көркемдігі және сырт сымбаты, жүріс - тұрысы сынға түседі.

1 – жүргізуші.

Мың бұралған арулар билей басып,Келеді міне ортаға толқып тасып,Аруларын сыйлаған халқым менің,Көңілді қошеметпен қарсы алайық!