Қыз сыны байқауы, 9-сыныпқа арналған сыныптан тыс жұмыс

Түркістан облысы Шардара ауданы «Ұзын-Ата» жалпы орта мектебінде «Тәуелсіз елдің аруы» атты ұлттық мәдени эстетикалық байқау

1 Жүргізуші:

-Армысыздар, ұстаздар, қонақтар!

2 Жүргізуші:

-Бармысыздар, оқушылар! Ұлттық құндылықтарды қастерлейтін, ұрпақ тәрбиесіне жауапкершілікпен қарайтын қыздарға дұрыс бағыт-бағдар сілтеу, жастар арасында ұлттық салт-дәстүрімізді насихаттау, жас буынды патриот етіп тәрбиелеу мақсатында өткізілгелі жатқан «Тәуелсіз елдің аруы» атты байқауына қош келдіңіздер!

1 Жүргізуші:

Арулар – асыл жандар, сағыныштар,

Өкініштер, құшақтар, жалыныштар…

Жек көрсе олар жүрегін мұз жасайды,

Жақсы көрсе балқытып, жанына ұстар.

Арулар – аяулылар, ардақтылар,

Өмірдің жылуы боп қалмақ бұлар.

Арулар – тіршілікке күре тамыр,

Өмірді бір-біріне жалғап тұрар!

2 Жүргізуші:

-Ендеше, осы байқауға қатысатын, кешімізге нәр беретін аруларымызды ортаға шақырайық.

Жақсы адам кімге болсын болар пана,

Мол оның тал бойында ақыл, сана.

Көркіне ақылы да сай келетін –

Бірінші келе жатқан – бұл _____________.

Шығады мың бұралып ______________ биші,

Өнерді _______________ сүйген бәрің сүйші.

Қыздары бұл топтың бәрі өнерлі,

Шығады арасынан әнші, күйші.

Қуантады білімменен бізді _____________ қыз,

Қол соғып қарсы алайық енді оны біз.

Білімің серік болсын талабыңа,

Бүгінгі қабыл болып тілегіміз.

Құлпырған дала гүліндей _____________қыз,

Жүресің әркез күлімдей.

Арманыңа аңсаған,

Ақ ниетпен жет сүрінбей.

Қыздардың бәрі сұлу салсаң назар,

Бәрі де арманына қолын созар.

Арманың орындалсын ______________ сенің,

Бұйыртса бақыт құсы саған қонар.

Бәріміз жақсы көретін,

Жарыста демеу беретін,

Келесі біздің ______________қыз,

Шырқап ән салып беретін.

Сабырлы әрі салмақты,

Өзі өнерлі, жан-жақты.

Келе жатқан ____________ қыз

Жарысты бүгін жалғапты.

1 Жүргізуші:

-Қыздарымыз түгел келіп орындарына жайғасты.

2 Жүргізуші:

-Құрметті жиналған қауым! Бүгінгі «Тәуелсіз елдің аруы» сайысының әділқазылар алқасымен таныстыруды рұқсат етіңіздер!

1 Жүргізуші:

-Сонымен, сайысымыз бес кезеңнен тұрады:

1 кезең. «Өнерлінің өзегі талмас»Таныстыру. Байқауымыздың бұл бөлімінде аруларымыз өзін - өзі таныстырады. Бұнда аруларымыздың көркемдігі және сырт сымбаты, жүріс - тұрысы сынға түседі (2 минут)2 кезең. «Жаны сұлудың тәні сұлу»- Сән салтанат –ұлттық киім сәні, ерекше дизайн, өзгешілігі бағаланады (дефиле)3 кезең. «Атадан қалған дана сөз....» Викториналық сұрақ-жауап ; (тарих,әдебиет беттерінен және ұлттық салт-дәстүр, әдет-ғұрыптан алынған)4 кезең. «Қыз еркем кестесімен көркем» - қыздар өздері жасаған ою-өрнек, тоқыма, тігін, жапсырма туындыларын бастап қойып сахна үстінде аяқтайды, технологиясын түсіндіреді.

5 кезең. «Он саусағынан бал тамған....» Бұл бөлімде дайындап алып келген тағамды қалай жасағанын түсіндіру, ұсыну, этикалық көрінісі-сахнада

2 Жүргізуші:

-Сонымен, қатысушы қыздарға ақ жол тілеп, сайысымызды бастаймыз.