Ерлік ұрпаққа ұран тәрбие сағаты 9 сынып

Тәрбие сағаты №4

Ерлік – ұрпаққа ұран

Мақсаты: 1) Өз Отанына шексіз берілген,

патриоттық рухы жоғары, қайсар жауынгер ағалар ерлігін үлгі ету; 2) Ауған соғысында опат болған

боздақтар рухына тағзым етуге, есімдерін қастерлеуге тәрбиелеу. Түрі: Дәстүрлі емес. Көрнекілігі: Тақырыптық көрме, слайдтар.

Ж. Аида: Қайырлы күн ағайын!

Бердімұрат: Есенсіздер ме, құрметті қонақтар!

Ж. Аида: Адам баласы бір жақсы қасиетті туған жердің топырағынан алады деген ұғым бар. Туған топырағынан жаралған әр адамзаттың болашаққа деген сенімі мен көзқарас еркіндігі тек қана бейбіт өмірге қамтамасыз етілген елде қалыптаспақ.

Бердімұрат: Жанын қиған сен үшін Тоқта достым сабыр ет. Үнсіз тұрып бір минут Басыңды иіп, тәжім ет. Ауған жауынгерлерін 1 минут еске алайық./Үнсіздік минуты/ Рахмет Бейбіт өмір! Осынау сөздің астарында азаттық пен еркіндікті және бас бостандығын білдіретін үлкен мағына жатыр. Бұл сөзде қай халықтың болмасын жердің бүтіндігі мен елдің амандығы үшін, бейкүнә сәбилердің тыныш ұйқысын қорғау үшін небір тар жол тайғақ кешуден өткенін баяндайтын тарихы жатыр. Бейбіт өмір қалыптасқан жерде әрбір ұлттың жер бетінде жасауы да сан ғасырларға жалғаса бермек.

Ж. Аида: Ия, Әрбір елдің болашағы өз Отанына шексіз берілген , патриоттық рухы жоғары, ержүрек, қайсар ел азаматын тәрбиелеуден бастау алады. Соғыс - зұлымдық. Жазықсыз төгілген қан. Тарих жылнамасынан өзінің қаралы нәубет жылдарымен орын алған зұлматтың бірі Ауған соғысы еді.

Бердімұрат: 1979 жылы желтоқсанда Л. И. Брежнев басшылық еткен Кеңес үкіметінің ұйғаруымен Ауғанстан жеріне Кеңес әскерлерін енгізу туралы шешім қабылданды. Бұл соғысқа өзгеде одақтастар мен бірге біздің 22000 қазақстандық қатысты. Соғысқа аттанған өрімдей жастардың алдында үлкен мақсат тұрады. Ол – Ауғанстан жеріндегі дұшпандар басқыншылығына тойтарыс беріп, бейкүнә халықтың тыныштығын қорғау немесе өзінің Отан алдындағы интернационалдық борышын қалтқысыз өтеу болады.

Ж. Аида: Кеңес әскерінің Ауғанстан жерінен шығарылған күніне арналған бүгінгі кешімізді ашық деп жариялаймыз.

Ән «Қазақстан»

Бердімұрат: Ер қадірін назардан тасалаудан Қай ел опа тауыпты? Ия, Ерлікті жасамаудан Бағаламау әлдеқайда қауіпті! – деп Мұхтар ағамыз жырлағандай, қанда қырғын мен боздақтардың қаралы хабарына нүкте қойған 1989 жылдың 15 ақпаны әр жыл сайын дәл осындай күндері атап өтіліп келеді. Бейбіт өмірімізді қорғайтын жастарымыздың бойына отансүйгіштік сезім мен патриоттық рухы ұялар майдангер азаматтар қай уақытта да үлгі - өнеге, тәрбие мектебі.

Ж. Аида: Өтер жолдар, уақыт тағы алыстап,