Ермек Өтетiлеуұлының Мейірбан мәтініне сабақ жоспары

Алматы облысы Қарасай ауданы «Қ.Қошмамбетов атындағы орта мектебі» КММ

Мерзімі:

Пән: Өзін-өзі тану

Сынып : 3 « Г »

Мұғалім:

ІІІ-тарау: Адам болам десеңіз

Сабақ: №19-20.Ақкөңілділік туралы

Тақырып: Ермек Өтетілеу ұлы «Мейірбан» мәтіні.

Құндылық: « сүйіспеншілік» Қасиеттері: «жақсылық», «адалдық», « сыйластық»,«мейірімділік»

Сабақтың мақсаты:

Оқушылардың «жақсылық», «адалдық», «жанашырлық»,«мейірімділік» туралы түсініктерін кеңейту және «сүйіспеншілік» құндылығы жайлы мағлұмат беру.

Міндеттері:

Білімділік: Даналық нақыл сөздердің адам өміріндегі маңыздылығын түсіндіру,

Дамытушылық: Адамилық жақсы қасиеттерді баланың бойына дарыту,қамқорлық, жақсылық жасау, жанашырлық қарым-қатынастарын дамыту,

Тәрбиелік:Оқушыларды намысшыл,ұлтшыл болуға ,адалдыққа, дұрыс әрекетке,қуаныш сыйлай білуге тәрбиелеу.

Сабақ барысы:

1.Ұйымдастыру кезеңі:Сәлемдесу.Түгендеу.Ұстанымды еске түсіру.Қайталау.

«Т» ұстанымы

Тәртіп,талап,тыныштық,тазалық,татулық

Тыныштық сәті.(2-3минут )

Нұрға бөлену.

Ыңғайланып отырыңыздар! Денелеріңізді түзу ұстаңыздар.Аяқ-қолыңызды айқастырмаңыз.Қолыңызды тізеңізге немесе үстелге қоюға болады.Көздеріңізді жұмуларыңызды өтінемін.Елестетіп көріңіз:Күн нұры сіздің төбеңізден өтіп,кеудеңізге қарай бойлап барады. Кеудеңіздің орта тұсында гүл түйнегі орналасқан.Гүлдің түйнегі нұрдан баяу ашылып келеді.Балғын және таза әсем гүл сіздің әр ойыңызды,әр сезіміңізді,эмоцияңыз бен тілек қалауыңызды шайып, жүрегіңіздің қауызын ашты.Нұр сәулесі сіздің бойыңызға ақырын тарай бастағанын елестетіңіз.Ол біртіндеп күшейе түсуде.Осы нұр бүкіл әлемге:барлық адамдарға,жан-жануарларға, өсімдіктерге,барлық тірі жанға таралсын... Ғаламның барлық түкпір-түкпіріне нұр бағыттаңыз.Ойша айтыңыз: «Мен нұрлымын... Нұр менің ішімде... Мен нұрмын». Осындай Нұр,Махаббат және Тыныштық күйінде отыра тұрыңыз...Енді осы нұрды жүрегіңізге орналастырыңыз. Нұрға толы бүкіл әлем сіздің жүрегіңізде.Оны осындай әсем қалыпта сақтаңыз. Жаймен көзіңізді ашуға болады.Рахмет

1.Оқушылар осы тыныштық сәтінде қандай сезімде болдыңдар? (Оқушылардың өз ойларымен бөлісуі)

Ресурстар: музыка

2.Үй тапсырмасын тексеру: Тақырыпты түсініп оқу,мазмұнын айту. Мәтін мағынасы жайлы сұрау,талдау.

Ермек Өтетілеу ұлы «Рахым» мәтіні.

Мәтін бойынша түсінік беру.

Сұрақтар:

1.Сағаттың іс-әрекетінен нені түсінуге болады?

2. «Рахым» дегенді қалай түсінесіңдер?

3.Ертай неліктен мұндай жағдайға тап болды?

4.Әжесі неліктен Сағаттың әрекетін құптады деп ойлайсыңдар?

5.Тақырыптан өзің қандай нәрсе үйрендіңдер ?

(Оқушылардың пікірлерін тыңдау).

Сабақ барысын талқылау:

3.Дәйек сөз.

« Ақкөңілділік –адам ойының тазалығының көрінісі»

Жүсіп Баласағұни.

Дәйек сөзбен жұмыс.Оқу.Мағынасын ашу. Сұрақ: Ал,осы дәйек сөздің мағынасын қалай түсінесіңдер?