Ермек Өтетілеуовтің Мақтанышым Астанам ашық сабағы

Пән: Әдебиеттік оқу(ашық сабақ)

Бөлім: Сәулет өнері

Күні: 5.12.2018

Сынып: 3 Г

Мектеп: Талғар қаласы №7 лицей орта мектебі

Мұғалімнің аты-жөні: Шулгаубаева Назгуль Куныпиевна

Қатысқандар саны: 25

Қатыспағандар саны:

Сабақ тақырыбы

2.9. Түрлі дереккөздерден ақпарат алу

Ермек Өтетілеуов «Мақтанышым - Астанам»

Оқу мақсаты

3.2.9.1 шығарманың мазмұнына сәйкес түрлі дереккөздерден: әдеби кітаптар, мәтіннен нақты ақпаратты табу және ақпаратты сызба түрінде беру.

3.2.1.1 шығарманы дауыстап түсініп, мәнерлеп, теріп оқу;

Сабақ мақсаты

Барлық оқушылар: өлеңді мәнерлеп оқиды, өлеңнің мазмұнына сәйкес сызбаны толтырады.

Көптеген оқушылар: өлеңді түсініп, мәнерлеп оқиды, түрлі дерекөздерден ақпаратты табады және сызбаға сәйкес мәлеметтерді жинақтайды.

Кейбір оқушылар: өлеңге сай ырғақты таңдап оқиды, өлеңдегі көркем сөздерді қолданып өз ойын айтады, түрлі дереккөздерден жинақтаған мәлеметтерді сызба толтыруда, мәтін құрастыруда қолданады.

Бағалау критерийлері

Өлеңді мәнерлеп, түсініп оқиды.

Мәтіннен нақты ақпаратты табады және сызба түрінде көрсетеді;

Тірек сөздер

Әсем сәулет өнері, Астана келбеті.

Құндылықтарды дарыту

Топтық, жұптық жұмыс жасату арқылы оқушылар ортасында ынтымақтастықты қалыптастыру, жеке тұлға бойында «Қазақстандық патриотизм мен азаматтық жауапкершілікті» сіңіру.

Пәнаралық байланыстар

Өз ойын білдіруде сөйлемдерді дұрыс құрастырады, сөйлемдегі сөздердің байланысын сақтау кезінде қазақ тілі пәнімен байланыс жасалады. Астана қаласының көрікті жерлерін, өзендерді картадан ткөрсету арқылы дүниеттану пәнімен байланыс жасалады. Астана туралы әндерді тыңдау арқылы музыка пәнімен байланыс жасалады.

Алдыңғы меңгерілген білім

Шығарманы түсініп оқиды, дереккөздерден ақпаратты тауып, сызбаға түсіре алады, шығарма мазмұны бойынша сұрақтараға жауап бере алады.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

1-12минут

Астана қаласының көрнекті сәулет орындары бейнеленген суреттерге сәйкес топтарға бөлінеді.

1.«Бәйтерек»

2. «Нұр Әлем» сферасы

3. Бейбітшілік және келісім сарайы

4. Ақорда.

Психологиялық дайындық

Әр оқушыға ақ парақ беріледі бүгінгі көңіл күйін смайлик арқылы білдіреді. Күліп тұрса көңілдерің бүгін бұдан да жақсы болсын, реніш болса осы сабақта көңіл күйің көтерілуге тілектеспін деп айтамын.

Білу «Сен білесің бе?» өтілген тақырыптар бойынша «Фант» ойынын ойнау.

Фант деген сөз кепіл деген мағынаны білдіреді

Ойыншыларға арнап алдын ала қағаздарға тапсырма жазып, ол қағаздарды қалпаққа, не қапқа салып қояды. Содан кейін барып ойыншылар кезекке тұрып, өзіне тапсырма суырады. Мұнда «фанттар» кепіл заты ретінде жинап алынады.( әр топтан бір зат)

Берілген сұрақтар:

1-топ

Бақыт құсы қайда болады?

(Оқушылардың өз ойын айтуы)

Ахмет Ясауи туралы не білесің?

(Ақынның туған жері қазіргі Оңтүстік Қазақстан облысының Сайрам ауданы. Әкесі Ибрахим мұсылманша сауаты бар, сөз қадірін білетін білікті адам болған. Бала Ахметтің басты ұстазы, тәрбиешісі аталас туысы болып келетін Арыстанбаб болды. Ол өмірден қайтқаннан кейін Ахмет 17 жасында Йасы қаласына келеді. Дәл осы кезден бастап араб, шағатай, парсы, түркі тілдерінде өлеңдер жаза бастайды.)

2-топ

1.-сұрақ. Керемет күмбез туралы қандай мәлімет білесің?

(Қожа Ахмет Ясауи қайтыс болғаннан кейін, әйгілі Ақсақ Темір оның басына Орта Азияда теңдесі жоқ керемет күмбез салдырыды. Ғимараттың биіктігі 37 метрдер асады. Бұл кесене әлі күнге дейін аспанмен таласып, сән- сәулеттін бұзбай, асқақ тұр. Керемет күмбез қазір әлемдік мәдени мұнаралар қатарына енген.)

2-сұрақ Ясауи деп аталуы

(Ахмет он жеті жасқа толған соң, ақын тұған жері Түркістанға оралып, сол кезде аты ғана бар «Ясы» деген жерге қоныс тебеді. Содан сол жерге жұрт біртіндеп жиналып, қалаға айналады. Кейінгі ғасырларда Ясауидің аты жайылған соң, бұл мекен дін мен мәдениет орталығы ретінде танылды.)

3-топ

1-сұрақ. Қазақстанда тағы қандай сәулетті ғимараттар бар?

Алматыдағы Қазақ Халық Музыкалық Аспапатары Музейі

Мәңгілік Ел монументі

Айша Бибі кесенесі

Тәуелсіздік монументі

Халықтар бірлігі

2- сұрақ. Мағжан Жұмабаев кім?

М.Жұмабаев ақын, жазушы,педагог. Солтүстік қазақстан облысы қазіргі М.Жұмабаев ауданында туған.Өлеңдерімен қазақ жастарын білімге, өнерлі болуға шақырған.

4-топ

1-сұрақ. Кейіптеу дегеніміз не?

Табиғат құбылыстарын адам кейпіне келтіріп суреттеуді кейіптеу деп атайды.

2- сұрақ. «Жас уақытта –көңіл гүл» деп кім айтқан?

(Абай Құнанбае)

Түсіну

Сабақтың тақырыбы мен мақсатымен таныстыру;

Сабағымыздың мақсаты: Білетініңді сызбаға түсіресің

(Слайда Астана қаласының көрікті жерлері көрсетіледі)

Суреттегі сәулетті ғимараттар қай қалада орналасқан?

Астана.

Оқулықпен жұмыс

1- тапсырма. Қала атауына қатысты берілген дыбыстардан басталатын сөз тіркестерін ойластыр

А- ардақты астана

С- символы Бәйтерек

Т- Тәуелсіз ел

А- абыройлы елім

Н- намысшыл халқым

А - асқақтаған рухым

2- тапсырма. Ширату тапсырмасы. (ТЖ) – Олай болса, Астана қаласы туралы білгенмізді ортаға салып, топтаса отырып, бес жолды өлең құрастырайық.

Синквейн стратегиясы (бес жолды өлең):

Құрылымы көрсетіледі.

Мысалы

Зат есім

Астана

Сын есім

Көрікті, сәулетті, жас

Етістік

Көркейеді, гүлденеді, өркендейді.

4 сөзден тұратын сөйлем

Еліміздің ертеңі- арман қала.

Тақырыпты ашатын синоним сөз

Елордасы

Бес жолды өлеңді құрастыруда оқушылар Астана туралы білгендерін естеріне түсіріп, ортаға салады. Алдыңғы білімдерін жинақтауға мүмкіндік береді.

Астана қаласының көрнекті сәулет орындары бейнеленген суреттер: «Бәйтерек»

«Нұр Әлем» сферасы

Бейбітшілік және келісім сарайы

Ақорда.

Слайд №1-3

әрбір топқа А4 форматтағы парақтар.

Астанадағы ғимараттар туралы

суреттер (слайдта)

Қосымша №1

5 жолды өлең құрауға сызылған кесте беріледі, оқушылар бос орынға өлең жолдарын жазады.

Сабақтың ортасы

12- 20 минут

20-25 минут

25-27 минут

Қолдану

3-тапсырма «Бірлесіп оқу» әдісі бойынша «Мақтанышым - Астанам» (Ермек Өтетілеуов) мәнерлеп оқу.

Оқушыларға мәнерлеп оқудың талаптары беру;

Іштей оқу;

Дауыстап түсініп оқу;

Оқу барысында түсініксіз сөздерді түртіп алу;

Сөздікпен жұмыс.

Өлең мазмұнына сәйкес өз ойларын білдіру.