Ермексазбен бейнелеуді оқу қызметінде пайдалану баяндама

Қостанай облысы Амангелді ауданы Қабырға ауылы

Н.К.К.рупская атындағы негізгі орта мектебі

2019 ж

ПЛАСТИЛИНОГРАФИЯНЫ- МҮСІНДЕУ, АППЛИКАЦИЯ ОҚУ ҚЫЗМЕТІНДЕ ПАЙДАЛАНУ

Баяндама

Дабылова Мейрамкүл Толеуовна

«Тәрбиешінің міндеті – балада шығармашылықтың қандай түріне ынта бар екенін тауып, сол ынтасын, сол түр туғызатын сұлулық сезімдерін өркендету»

Мағжан Жұмабаев

Мектепалды даярлық тобында балалардың сурет салу, мүсіндеу, аппликация сабағындағы шығармашылығын дамыту әрекеті оқу мен тәрбие үрдісі өзара тығыз байланысты жүргізілгенде ғана жүзеге асады. Балаларды шығармашылықтың қандай да бір әдіс-тәсілдеріне үйрету – эстетикалық тәрбиенің ең басты міндеті болып есептеледі.Соның ішінде шығармашылық саласы бойынша, өз тәжірибеме мүсіндеу, сурет салу және аппликация сабағына, осы бір жаңа бағыт – пластилиногафия әдіс- тәсілін қосып жүрмін.

Пластилинография дегеніміз не?

Бұл әдіс біз көріп отырғанымыздай көлемдік емес, бірақ салыстырмалы тегіс сурет. Мысалы, белгілі бір техниканың көмегімен картонның бір бөлігіне саз балшықтары қолданылады, әртүрлі дәрежелі күрделілік суреттеледі.

Пластилинмен жұмыс жасау – балалардың қызыға жұмыс істеу әрекеті. Олар саусақтың икемді машықтарын қолдана отырып, кез келген бейненің формасын, түстерін келтіру, сәйкестендіру, ойлау, сөйлеу қабілеттерін дамытады. Сонымен қатар бұндай жұмыс олардың бақылау, фантазиялық кеңістіктерін дамытады. Кезінде Антон Семенович Макаренко: «Адамның тіршілік әрекетіне ең жақын, қажетті саз, ағаш, қағаз және т.б. материалдар, себебі олардан біз өзімізге қажетті құндылығымыз бен мәдениетімізді жасаймыз.... оларда шексіз фантазиялар жатыр»,- деп жазған.

Пластилинмен жұмыс жасағанда бала тек қана бір обьектіні қарастырмайды, сонымен қатар сезінеді. Жұмыс барысында неғұрлым сезім мүшелері белсенді қызмет атқарса, кез келген ақпаратты бейнелей отырып қабылдауы белсендірек болады. Нәтижесінде әрбір бала өзіндік көзқарасын, ойын, ұстанымын көрсете алады.

Пластилинмен жұмыс істеу оңайырақ, себебі ол қатпайды, нысана

нәтижелі шықпай қалса, қайта бұзып жасауға болады.

Менің балалармен пластилинмен жұмыс жасауымның мақсаты- аппликация сабағында балалардың белсенділік, танымдық, шығармашылық қабілеттерін арттыру болды.

Онымен жұмыс істеу үшін ең алдымен оның шығу тарихымен танысып алғанымыз жөн. Оны ең алғаш ойлап тапқан- Вильям Харбут, Англиялық өнер мектебінің оқытушысы.