Алтын жұмыртқа тақырыбында сурет салу оқу қызметі

Ашық оқу қызметі

Күні:24.01.2019

Білім беру саласы: Шығармашылық

Бөлімі: Сурет

Тақырыбы: Алтын жұмыртқа

Мақсаты:

Білімділік:Қылқаламмен жұмыртқаны бояуға үйрету.

Дамытушылық:Қол маторикасын дамыту.

Тәрбиелік:Ұқыптылыққа тәрбиелеу.

Көрнекіліктер: «Шұбар тауық» ертегісі үстел үсті театры, үлгі материал жұмыртқа.

Қажетті құрал-жабдықтар: Жұмыртқа, қылқалам, гуашь, сүлгі,қылқалам тіреуіш

Кейіпкерлер: Ата

Билингвальды компонент: жұмыртқа-яйцо.

Әрекет кезеңдері

Тәрбиешінің іс -әрекеті

Балалардың іс -әрекеті

Ынталандырушы- оятушы

Армысың, Алтын күн!

Армысың, Жер Ана !

Армысың баршаға!

Жылуыма жылу қос,

Міне менің қолым бос

Балалар шаттық шеңберіне тұрып,тәрбиешімен бірге қайталайды. Қолдарынан ұстап жылу таратады

Ұйымдастырушы – ізденуші

- Балалар қазір жылдың қай мезгілі?

-Қыс мезгілінде неше ай бар?

-қыс мезгілінде қандай өзгерістер бар?

-дұрыс айтасыңдар балалар Мен сендерге бүгін «Алтын жұмыртқа» ертегісін оқып бергім келіп тұр. Мұқият тыңдаймыз ба?

-Ендеше орынымызға жайғасамыз.

- Ерте, ерте, ертеде ата мен әже болыпты. Олардың шұбар тауығы бар екен. Бір күні шұбар тауық жай емес алтын жұмыртқа тауыпты. Алтын жұмыртқаны ата мен әжесі ары-бері ұрғылап сындыра алмапты. Сөйтіп отырғанда үстелдің үстінен жүгіріп өтіп бара жатқан тышқан құйрығымен жұмыртқаны қағып кетіп, сындырып алыпты.

Жұмыртқаның сынып жарамсыз болып қалғанына ата мен әженің көңілдері түсіп, жылайды. Мұңайған атасы мен әжесіне шұбар тауық:

-Ата, әже көңілдеріңізді түсірмеңіздер мен сіздерге көп жұмыртқа тауып беремін.-деп, ата мен әжесін қуантыпты.

-Балалар ертегі ұнады ма?

Күтпеген сәт

(Қонаққа ата кіреді)

Ата:

-Амансыңдарма балалар! Мен ертегілер елінен келдім. Шұбар тауығымыздың тапқан алтын жұмыртқасын тышқан сындырып алған болатын, тауығымыз бізге берген уәдесін орындап алтын емес көп жұмыртқа тауып берді. Бірақ уйдегі әжелерің алтын жұмыртқа болса ғой деп жылап отыр.

Тәрбиеші:

-ата бізге келгеніңіз дұрыс болды. Біздің балалар саусағынан бал тамған шебер балалар, қазір-ақ жұмыртқаларыңызды алтын жұмыртқаға айналдырып береміз. Балалар, ата мен әжені көмектесеміз бе?

-ендеше барлығымыз шеберлік үстелімізге отырайық. Ата сіз де бірге отырып үйреніңіз.

-балалар бізге алтын жұмыртқа жасау үшін қылқалам, су, сары түсті гуашь және жұмыртқа керек.