Ерте жастағы балаларға арналған заманауи білім беру технологиялары

«Ерте жас балаларымен жұмыс жасаудағы заманауи білім беру технологиялары».

Хожбанова Жұлдызай Сатывалдиевна

«Еліміздің ертеңі-бүгінгі жас ұрпақтың қолында, жас ұрпақтың тағдыры-ұстаздың қолында»

Н.Ә.Назарбаев

Балалардың ең алғашқы даму кезені, оқыту мен тәрбиелеуде таным қабілеттерін дамуының ең алғашқы сатысы балабақша екені сөзсіз.

Ерте жас балаларының ерекшелігі (икемділігі,оның дамуының кең ауқымы,бала дамуының жеделдігі) мектеп жасына дейінгі баладан нақты білім беру нәтижелеріне жету және мақсатты әдістемелік нұсқаулар түрінде білім беру бағдарламасын игеру нәтижелерін анықтауды қажет етеді

Бала қоршаған заттарға қызығушылық танытады және олармен белсенді әрекет етеді; Ойыншықтармен және басқа заттармен іс-әрекетте эмоционалды түрде араласады,өзінің іс-әрекетінің нәтижесіне жетуде табандылық танытуға тырысады.

Жалпы педагогикалық технологиялар мен инновациялық құралдар мектепке дейінгі ұйымдарда балалардың жас ерекшеліктерін ескерген,балалардың қабылдау мүмкіндіктерін ескерген жағдайда ғана пайдалануға болады.Мектепке дейінгі балалардың есте сақтау қабілеті әлсіз,қабылдау процесі тұрақсыз келеді.Сондықтан олар затты қолмен ұстап,көзбен көргенді ұнатады.

Біздің балаабақшада ерте жас топтарында педагогикалық технологиялардың ішінде Монтессории технологиясы элементтері мен ойын технологиясы және денсаулық сақтау технологиялары кеңінен қолданылады.

Бизиборд тақтайшасы Монтессоридің педагогикалық әдістемесінің жарқын мысалы болып табылады. Бизиборд – бұл дамыту тақтайшасы немесе сабақ өткізуге арналған тақтай. Тақтайша бала қолының ұсақ моторикасын дамытуға әсер етеді. Сақинамен ойында балалар қозғалыстар тепе-теңдігі мен көзөлшемін қалыптастырады. Бизиборд ерте жастағы балалардың төзімділігінің қалыптасуына ықпал етеді, балалар құрылғыларды ұзақ қарап, өздеріне ұнаған іс-әрекеттерді бірнеше рет жасап, оларды автоматтандыруға жеткізе алады.

«Бала өмірінде ойынның маңызы зор, ол ересектердің қызметінде, жұмысында, қызмет бабында қандай мәнге ие болса, мұнда да сондай мәнге ие болады. Бала ойнағанда қандай болса, есейгенде жұмыста да көп ретте сондай болады», - деп орыс ұлтының ұлы педагогі А.С.Макаренко айтқандай баланың қол ептілігі, байқампаздығы, өнер тапқыштығының алғашқы сатылары осы бала кездегі ойыннан қалыптасады. Сондай-ақ қазақ әдебиетінің жарқын жұлдызы, ақын М.Б.Жұмабаев «Баланы өз күшіне сендіріп үйрету керек» деп әр уақытта балаға үлкен демеу беру керектігін айтқан. Сенің қолыңнан келеді деп үнемі алға талпындырып, балаға сенім беруіміз керек екен.