Заманауи білім беру технологиялары туралы мақала

Заманауи білім беру технологиялары

Қазіргі таңда егеменді еліміздің тірегі – білімді ұрпақ десек, жаңа дәуірдің ең басты мәселесі – білім беру, ғылымды дамыту болып отыр. Өркениеттің өзегі, ғылым, тәрбие екендігіне ешкімнің дауы жоқ.

Осы тұрғыда білім ордасы – мектеп, ал, мектептің жанашыры – мұғалімдердің негізгі міндеті – оқушыларды бастауыш сыныптан бастап өз ұлтының тарихын, мәдениетін, тілін қастерлейтін және оны жалпы азаматтық деңгейдегі рухани құндылықтарға ұштастыра білетін тұлға тәрбиелеп шығару. Мұғалімдердің алдына қойылып отырған міндеттердің бірі – оқытудың әдіс-тәсілдерін үнемі жетілдіріп отыру және заманауи педагогикалық технологияны меңгеру. Осыған орай, Қазақстан Республикасының «Білім туралы» Заңында «Білім беру жүйесінің басым міндеттерінің бірі – білім берудің заманауи технологияларын енгізу, білім беруді ақпараттандыру, халықаралық ғаламдық коммуникациялық желілерге шығу» деп атап көрсетілген.

Заманауи білім беру технологиялары – мұғалімнің кәсіби қызметін жаңартушы және сатыланып жоспарланған нәтижеге жетуге мүмкіндік беретін іс-әрекеттер жиынтығы. Заманауи технологияларда басты міндет – оқушының оқу-танымдық әрекетін жандандыра отырып, алға қойған мақсатқа толықтай жету. Оқыту үрдісін жандандыру оқушылардың оқу материалының теориялық мазмұнын игеру жөніндегі еңбекті тиімді ұйымдастыру және олардың тәжірибелік іскерлігі мен дағдыларын қалыптастыру болып табылады. Оқу үрдісінің тиімділігі мен сапасы мұғалімнің әдістемелік дайындығы және сабақ жүргізу тәсілдері мен әдістеріне, заманауи білім беру технологияларын игерулеріне тікелей байланысты болады.

Яғни, заманауи білім беру технологиялары – оқушының оқуын, танымдық әрекетін жандандыра отырып, алға қойған мақсатқа толықтай жету болып табылса, педагогикалық технология кәсіптік қызметтің ерекше түрі болып есептеледі. Оқытудың жаңа технологияларын меңгеру мұғалімнен орасан зор іскерлік пен шығармашылыққа негізделген ізденістерді талап етеді. Осындай мақсатты көздеген жүйелі ізденістер мұғалімнің жаңа технологияны меңгеріп, инновациялық жетілуіне жол ашады.

Заманауи педагогикалық технологиямен жұмыс істеу үшін төмендегідей алғышарттар болуы керек. Олар оқу үрдісін интенсивтендіруді жаппай қолға алу, ғылыми-әдістемелік, оқыту-әдістемелік, ұйымдастырушылық себептеріне үнемі талдау жасап, оны назарда ұстау, жаңа буын оқулықтарының мазмұнын зерттеп білу, пәндік білім стандартымен жете танысу, бастауыш сынып оқушыларынан бастап, білімді деңгейлеп беру технологиясын игеру арқылы оқушыларға білімді мемлекеттік стандарт деңгейінде игертуге қол жеткізу. Сонымен қатар, оқу үрдісін ізгілендіру мен демократияландыруды үнемі басшылыққа алып отыру.

Заманауи білім беру технологияларының педагогикалық негізгі қағидалары ол, оқушыға ізгілік тұрғысынан қарау, оқыту мен тәрбиенің бірлігі, баланың танымдық күшін қалыптастыру және дамыту, оның өз бетімен әрекеттену әдістерін меңгерту және танымдық, шығармашылық икемділігін дамыту. Оған қоса, әр оқушыны оның қабілеті мен мүмкіндігіне…