Ертегілер еліндегі жаңа жыл балабақша сценарийі

Зал іші мерекеге сай безендірілген. Көңілді әуенмен балалар кіреді.

1– бала:

Уа , жараңдар , жараңдар!

Бәрің бермен қараңдар.

Балабақша басы – Ханзада

Сізге сәлем жолдайды,

Кештеріңді қолдайды.

Уа, жараңдар, жараңдар

Айналаға қараңдар.

Жаңа жылдың бұл тойын

Салтанатқа санаңдар!

Музыка ойнайды, ертегідегі Фея келеді.

Сәлем, бар адамдарға!

Аяулы аналарға

Ардақты ұл – қыздарға

Бүлдіршін балаларға

Жарқырап жастар әні

Болсын той маскарады!

2 – бала:

Аспан жерге төгеді

Ақ күмісін уыстап

Жаңа жылда келеді

Бізге қарай жылыстап.

3 – бала:

Берсін біздей балғынды

Көңілденсін ол енді

Шырқатайық ән жырды

Шырқатайық өлеңді.

4 – бала:

Сәлем беріп сіздерге

Бар өнерді саламыз

Өнерлі бала бар деп

Әлемге жар саламыз!

Фея: Балалар қараңдаршы шыршамыз көңілсіз ғой. Қане жақсы, жылы сөздер айтып әсем шамдарын жағайық.

Балалар: Қуант бізді таңырқат,

Шамдарыңды жарқырат!

Ну – ка елка встрепенись

Ну – ка елка улыбнись

Ну – ка елка раз, два, три

Светом радости гори!

5 – бала:

Әдемілеп біз ілген

Ойыншықтар тізілген

Қандай жақсы шыршамыз

Ән шырқайық баршамыз

6 – бала:

Кел достар бастайық

Бастайық жыл басын

Қызықтан бос қалып

Кей бала қалмасын.

Фея:Тоқтаңыздар, тоқтаңыздар! Аяз ата да, Ақшақарда жоқ. Оларсыз жаңа жылды қалай қарсы аламыз? Балалар, Аяз ата мен Ақшақарға не болғанын білу үшін сіздерді таңғажайып оқиғаларға толы ертегілер еліне шақырамын.

Қысқы ертегілер елі, Тауық жұмыртқа басып отыр.

Тауық: Қо, қо, қо, қоқ

Балапаным әлі шыққан жоқ!

2013 – жылы бір – ақ шығайын деп жатқан жоқ па өзі?

Қо, қо, қоқ. Жаңа жыл болса келіп қалды, шырша жаны тып – тыныш. Тұрғындар қандай дайындық жасап жатыр? Қарап келейін, сені мына шыршаның жанына тасалап қояйын, ешкім байқамас! Бөбегім, мен тез келемін, жарай ма?!

Шыршаның қасына қойып кетіп қалады. Айнала тып – тыныш.

Тауық: Қо, қо, қоқ,

Жыл әлі неге жоқ?

Жұмыртқамды жегесін

Барлық бала тоқ

Құрт – құмырсқа жемтігім,

Жоқ ешбір кемтігім,

Жаңа жылда би билеп

Шаршамаңдар ентігіп.

Ой, бүгін ертегілер елінде тып – тыныш қой, аңдар қайда? Сайраған құстар қайда? Олар шырша тойы болатынын білмей ме?

Қарға: Қарқ, қарқ не болды сонша орманның тыныштығын бұзып? Не жаңалық әкелдің?

Тауық: Шырша тойы болатынын білмеуші ме едің? Мына орманның көңілсіздігіне таң қалып тұрмын. Шыршаның әдемісін – ай. Ал Аяз ата мен Ақшақар жоқ. Барлығына не болған?

Қарға: А – а, білдім мен олардың неге келмей жатқанын! Мыстан жылда келіп балаларды ренжітетін. Биыл да тағы бір жамандық жасаған шығар.

Тауық: Әне, Қоян келе жатыр.Ол да көңілсіз ғой. Не болды екен?

Фея: Қоян, саған не болған? Бүгін мереке ғой, Жаңа жыл! Ал сен көңілсізсің, неге?

Қоян: Көжектерімді көрмедіңдер ме? Көжектерім, кішкентай бөбектерім, келіңдер, менің жаныма жиналыңдар!

Қолдарына сәбіз ұстаған көжектер ортаға жиналып билейді.

Қоян: Үлпілдегім, мамық жүндім, жұмсағым, аппағым, кішкентайым, ұзын құлағым..... Қандай көпсіңдер? (Санайды)

Біреуі жоқ, ең кенже Көжегім жоқ. Не істеймін, қайдан табамын?

Фея: Қане, балалар, қоянның көңілін көтеріп «Сәбізді жалғастыр» ойынын ойнайық.

Қоян: Менің көжегім кішкентай және қорғансыз. Оны түлкі немесе қасқыр жеп қоймай тұрғанда тезірек тауып алайық.

Фея: Олай болса жүріңдер, көжекті іздейік.

Көз салыңдар әуелі

Шыршамызға мәуелі

Ал қанеки шырқалсын

Жаңа жылдың әуені.

Ән: «Шырша»

Шыршаның артынан көжек шығады. Секіріп ойнап келе жатып Көжек үлкен жұмыртқа тауып алады.

Көжек: Ой, мынау не? Қандай қызық! Бұл Тауық апайдың жұмыртқасы шығар, тезірек айтуым керек қой, жоқ мүмкін ішінде үлкен сәбіз немесе қырыққабат бар шығар! Әлде бұл айдахардың немесе өлмес Кащейдің жұмыртқасы ма?! Әй, біреулер келе жатыр. Тығылып қалайын.

(Алиса Түлкі мен Базилио Мысық келеді).

Базилио мысық: Жаңа жыл келіп қалды, ал мен әлі тамақтанған жоқпын. Қарнымның ашып тұрғаны – ай....

Алиса түлкі: Тс – с тыныш! Мен бір иіс сезіп тұрмын. (Жан – жағын иіскейді) Базилио, Қоянның етін жегің келе ме?

Мысық: Жегім келеді.

Түлкі: Онда ізде, ал менің аяғым ауырып кетті, демалып алмасам болмайды. (Таяғына сүйеніп шашын жөндейді. Мысық жан – жағын тіміскілеп іздейді)

Мысық: Сарыбас, мен қоянның етін жемеймін өзің жей бер, ал мен омлет жеймін.

Түлкі: Сен не, менімен бөліскің келмей ме?

Мысық: Бөлісе алмаймын, жұмыртқа біреу – ақ, ал біз екеуміз.

Түлкі: Ал мен екеумізге тең бөлемін.

Мысық: Бермеймін, сен мені алдап өзіңе көп алып қоясың.

Түлкі: Мен бе алдайтын? Сен өзің балаларды алдап жүрсің. Көзің көрмейді деп көзілдірік киіп жүрсің. Бірақ, көзің тамаша көреді.(Көзілдірігін жұлып алады)

Мысық: Сарыбас, көзілдірігімді қайтар, әйтпесе....

Түлкі:Әйтпесе не істейсің? Бермеймін!

Мысық: Олай болса, аяғыңды сындырамын, өтірік ақсамай шын ақсайтын боласың.

Түлкі: Жаман мысық, мен болмасам қоқыстың ішінен тышқан аулап жүруші едің. Мә саған! (Мысықты таяғымен ұрады, екеуі төбелеседі. Түлкінің лақтырған таяғы тығылып жатқан көжекке тиіп кетеді де ол ытқып шығады)

Көжек: Ай, ауырды ғой!

Түлкі: Базилио, ұста ананы (көжек қашады, түлкі мен мысық оны қуады)

Қоян:Алақай, көжегім табылды ғой!(Қоян мен көжек құшақтасады)

Жүргізуші:

Шыршаны айнала әндетіп

Би билейік сәнді етіп

Қандай жақсы Жаңа жыл

Өткізейік мәнді етіп.

Ән: «Зырлайды шанамыз»(Залдағы жарық сөнеді, қорқынышты әуен естіледі)

Фея:Балалар, бұл кім? Қандай қорқынышты, шыршамызда сөніп қалды. (Ортаға мыстан кемпір келеді)

Мыстан: Аспанда қайдағы бір тікұшақтар, ұшақтар ұшып жүр ғой. Тіпті аспанды жауып кетіпті. Ту, милициялар нені қарап жүр? Сыпырғышымды сындырып алдым. (Үстін қағады) Ерте қуанып жатырсыңдар. Мен Аяз ата мен Ақшақар келмес үшін, ормандағы жолдарды шатастырып қойдым, енді олар біздің мейрамымызға келер жолды таба алмайды.(Сыпырғышының сынған қалдықтарын жинап, балаларға жұдырығын түйеді.)

Кім шығынын өтейді? Жаңа сыпырғыш қайдан аламын? Қаншама топтиған тәтті, әдемі балалар көп екен мына жерде! Жаңа жылға мені шақырмай өздерің тойлап жатырсыңдар ма? Мерекені болғызбаймын! (Жерді тепкілеп шыршаға қарайды)

Тағы қандай жамандық жасасам екен?! (Анда – мұнда жүріп жұмыртқаға тап болады)

Ей, мынау жұмыртқа ғой! Кащей өмірін жоғалтып алған ба? Ха – ха – ха! Ә, бәлем, қолға түстің ба? Мен сенің өмірің үшін ақша сұраймын.