Ертегілер еліне саяхат, 1 сыныпқа арналған кітапхана көрмесі

Үш ұры

Бір ата базарға сатамын деп есекпен ешкі əкеле жатыпты. Ешкінің мойында қоңырау байланған екен. Бұларды жолда үш ұры көріпті.

Ұры деген біреудің затын ұрлап жаман үйренген жалқаулар.Олар өздері жұмыс істемейді,елдің затын ұрлап,алдап иемденіп алғысы келетін ниеті жаман адамдар. Оларды батыр ағалар ұстап алып ұрып, қамап, зынданға, түрмеге тастайды. Жақсы адамдар ешқашан да ұрлыққа бармайды.

Сонымен жаңағы ұрылар өзара келісіп біреуі айтады : мен мына атаның ешкісін ұрлап аламын депті. Екінші ұры айтады, ал мен есегін ұрлап аламын, үшіншісі мен онда атаның үстіндегі киімдерін ұрлап аламын дейді.

Сөйтіп олар ақылдасып алып,іске кіріседі.

Бірінші ұры ешкіні ұрлау үшін барады. Ол ешкінің мойнындағы қоңырауды алып,есектің құйрығына тағады да,ешкіні атаға байқатпай шешіп алады .

Ата оны біраздан соң көріп таң қалып, ешкім қайда кетті деп ойланып тұрғанда,оған екінші ұры кеп сұрайды:

- Не жоғалттың ата?

Ата оған жайын айтады,ал өтірікші ұры: иә,иә мен көрдім, жаңа ғана бір ешкі орманға кіріп кетті дейді,ата сеніп қалып орманға қарай жүгіріп есегін іздейді,сол уақытта өтірік айтқан ұры есекті ұрлап кетеді.

Ата қайтып келсе есегі жоқ .Ол алданғанына қатты өкініп ренжиді,осылай ренжіп келе жатып, жол бойында ағып жатқан өзенге келіп су ішіп,бетін жуайын деп тоқтайды. Ол сол жерде бір адамды көреді. Бұл отырған жаңағы үшінші ұры еді. Ол атаны былай деп алдайды:

- Мен, бүгін таңертең мына суға бір қапшық алтынымды түсіріп қойдым, енді ала алмай отырмын,өйткені суда жүзе алмайтын едім,егер сен жүзе алсаң сол қапшықты судан алып шығып берші ,мен саған ақысына 20 алтын берейін дейді.

Ата ойлайды:

- Мен, барлық сатуға алып шыққан малдарымнан айрылдым. Енді үйге құры кетпей,мына адамның алтынын судан алып берейін, сөйтіп 20 алтын табыс табайын деп ойлайды да суға шешініп түсіп, суда ары- бері ұзақ жүзіп, алтыны бар қапты іздейді.Таппай қойып судан шығып қараса, жағада жаңағы адам да,шешіп қойған киімі де жоқ боп шығады. Ол мұны алдап киімін түгел ұрлап кетіпті.