Есір Айшуақұлының Көк төбе күйі ашық сабағы

Маңғыстау аудандық балалар өнер мектебі

Есір Айшуақұлы

«Көк төбе»

(ашық сабақ)

Домбыра сыныбы

Мұғалім: Көпбаева Гүлжайна

Оқушысы: Ордабаева Айдана

2-сынып оқушысы

Шетпе 2019 жыл

Сабақ тақырыбы: Есірдің күйі Көктөбе

Сабақтың жүрісі:1.Ұйымдастыру

2.Үй тапсырмасы

3.Жаңа сабақ

4.Қорытынды

Сабақтың мақсаты: Оқушының алған білімін тексере отырып, күйші туралы әңгімелесу. Қазақ халқының күй өнеріне деген қызығушылығын арттыру.

Сабақтың көрнекілігі: Құрманғазының суреті, үн таспа, дискілер. Маңғыстау күйшілерінің суреті.

Сабақтың барысы:

1. Ұйымдастыру кезеңі: Оқушының құрал – жабдығынқадағалау, сынып тазалығына, киім тазалығына, оқушының дұрыс отыруына көңіл бөлу және күнделігі тексеру.

2. Үй тапсырмасы: Оқушыдан үйге берілген тапсырманы сұрау.

1.Құрманғазы «Алатау» күйін жатқа ойнау.

2.Х.Тастанов «Би» шығармасын жатқа ойнау, күйсандықпен сүйемелдеу, қате тұстарын түзету. Саусақтарына, қағыстарына, санап ойнауына көбірек көңіл бөлу, ескерту.

3. Жаңа сабақ:

Өткен сабақтарымызда Дәулеткерей, Дина, Тәттімбет, Құрманғазы және қазақтың халық күйлерімен таныс болдық. Соған қоса бүгінгі сабағымызда Маңғыстау күйшілерімен олардың күйлерімен таныс болу. Жалпы Қазақстанның батыс аймағында, әсіресе Маңғыстаудың өңірінде аңыз-әңгімелер мен жырлар, халық әндері мен күйлері мол сақталған. Маңғыстаудың атақты күйшілері Абыл Тарақұлы, Есір Айшуақұлы, Құлшар Ерназарұлы, Қалмағанбетұлы Өскенбай және т.б.күйшілердің күйлері де атадан-балаға мұра болып қалып келеді.

Маңғыстау күйлерінің ерекшелігі қағыстары мен жесттерінде. Ал Маңғыстаудың қазіргі күйшілері Сержан Шәкірат,Роза Айдарбаева, Қаршыға Ахмедияров, Жаңбыршы Айтберген және т.б. Осы айтылған күйшілеріміз де өздерінің күйлерін қосуда. Бүгін біз Маңғыстау күйшілерінің ішінен Есір Айшуақұлына тоқталамыз.

Есір Айшуақұлы 1840-1904 жж.

Есір Айшуақұлы 1840 жылы Маңғыстау өлкесінің Жыңғылды жерінде дүниеге келген. Әкесі Айшуақ ерте дүние салып, жас кезінен әкесінің ағасы Манатаудың тәрбиесінде болған. Есір өзі қарапайым шаруа болған. Өмір бойы ұсталық, зергерлік өнерді кәсіп етіп, ауыл маңына егін егумен айналысқан.

Есір өмір бойы домбыраны жансерігі етіп өтседе, сыбанып топқа түсіп, өзге мен күй өрлестірген адам емес. Алайда, бір қуаныш, бір өкінішсіз өмір болмаған соң, басынан өткерген сезім әсерін күй тілімен түсіріп, домбырасымен сырласып өткен. Есірдің күйлері көп болғанымен, бізге жеткендері санаулы-ақ.