Ескі естеліктердің адамға әсері туралы мақала

Ескі естеліктерді ұмыту оңай ма?

Ескі естеліктерді ұмыту адамдарға көбіне қиындық тудырады. Әр адам өмірінде түрлі естеліктерге ие болады, олар позитивті де, жағымсыз да болуы мүмкін. Позитивті естеліктер адамды бақытты сезіндіреді, ал жағымсыздары қорқыныш, стресс пен мазасыздық тудыруы мүмкін. Өткен шақтың ауыр оқиғалары психологиялық жарақат қалдырып, адамды травмаға ұшыратуы ықтимал.

Естеліктерді еске түсіретін факторлар көп: иіс сезу, өткен оқиға орнын көру, таныс дыбыстарды есту. Мысалы, көп адамдар белгілі бір иіспен байланысты естеліктерді еске алады. Жазушы, ақын әрі тарихшы Диана Аккерман өзінің атақты *A Natural History of the Senses* кітабында: "Адам иіс сезуден ешқашан шатаспайды, бірақ оны өзгеге суреттеп беру мүмкін емес. Иіске жауапты ми бөлігі мен гиппокамп (ұзақ мерзімді есте сақтау қабілетіне жауапты лимбиялық жүйе бөлігі) байланысы басқа сезім мүшелеріне қарағанда әлдеқайда күшті," - деп жазады.Естеліктер мида нейрондар арасындағы байланыс арқылы сақталады. Синапс деген сөзді көп естіген боларсыз. Егер естелік жиі қайталанса, бұл байланыс күшейеді, ал ұмытылу кезінде әлсірейді немесе жойылады. Бұл мидың қажетсіз ақпараттан құтылу механизмі ретінде түсіндіріледі.Естеліктердің адамның өміріне әсері өте жоғары. Біз өткендегі қателіктеріміз бен жетістіктерімізді ескеріп, әр шешімімізді қабылдаймыз. Егер адам жиі теріс естеліктерді есіне алса, бұл созылмалы стресске әкеліп, иммундық жүйенің