Жасанды зерденің қоғамға әсері туралы 11 сынып мақаласы

15.01.2025 жыл

№127 Басылым

Еркем Үні жинағы

Жасанды интеллекттің білім саласына әсері

Қәзіргі кезде жасанды интеллекттің қарқынды дамып келе жатқанын бәріміз байқадық. Онысы анық, бірақ осыған байланысты бірде – бір сұрақ туындаған жоқ па ?

Жасанды интеллект білім беру саласын қалай өзгертеді деп ойлайсыздар ?

Қазіргі заманда білім алу – жай ғана мектепке барып, мұғалімнің түсіндіргенін жаттау емес. Оқу дегеніміз – шексіз мүмкіндіктер әлемі. Бірақ біз бұл мүмкіндіктерді толық пайдаланып жүрміз бе? Жасанды интеллект (ЖИ) білім саласын төңкеріп, оқудың жаңа деңгейін ашып жатыр. Ал бұл өзгерістер бізге қалай әсер етеді? Қызық па? Ендеше, бірге қарастырайық!

Заманауи технологиялар адамзат өмірінің барлық саласына еніп, оны жаңа деңгейге көтеріп келеді. Соның ішінде жасанды интеллект (ЖИ) білім беру саласын түбегейлі өзгертуде. Бұл тек қана автоматтандыру емес, сонымен қатар, білім беру процесінің мазмұны мен әдістерін қайта қарауға мүмкіндік беретін революциялық қадам. Енді ЖИ-дің білім саласына әсерін жан-жақты қарастырайық.

Білім беру процесін жекелендіру

Әрбір оқушы немесе студенттің қабілеті, қызығушылығы және қарқыны әртүрлі. Дәстүрлі оқыту бұл ерекшеліктерді ескеруде шектеулі. Жасанды интеллект білім алушыларға жекелендірілген оқу бағдарламаларын ұсына отырып, әрқайсысына жеке назар аударуға мүмкіндік береді.

•Мысалы, ЖИ арқылы оқыту платформалары студенттердің деңгейіне сәйкес тапсырмаларды автоматты түрде ұсынады. Khan Academy, Coursera сияқты платформалар осы технологияны сәтті қолдануда.

Сал Хан (Khan Academy негізін қалаушы) айтқанындай:

“Жасанды интеллект оқыту процесін жекелендіруде төңкеріс жасайды. Әр оқушыға оның жеке қарқыны мен қажеттіліктеріне бейімделген тәсілдер ұсынып, білім беру саласын мүлдем басқа деңгейге көтереді.”

•ЖИ оқушының прогресін талдап, қай тақырыптарда қиындық көріп жатқанын анықтап, оны жетілдіру жолдарын ұсынады.

Бірінші сұрақ – жасанды интеллект мұғалімдерді ауыстыра ала ма? Мұғалімдер сабақты түсіндіреді, бізді шабыттандырады, әр оқушыға көңіл бөледі. ЖИ ондай қабілетке ие бола ала ма?

Жауап: Жоқ, ЖИ мұғалімдерді алмастырмайды, бірақ олардың ең жақын көмекшісі бола алады! Мысалы:

•ЖИ бағалау жұмысын жеңілдетеді: тесттерді тексеріп, оқушының қателіктерін талдап, нәтижені көрсетеді.

•Ол мұғалімдерге әр оқушының деңгейіне қарай жеке сабақ жоспарын жасауға көмектеседі.

Көз алдыңызға елестетіп көріңіз: сіз математикадан қиналып жатсаңыз, ал досыңыз үшін бұл пән жеңіл. ЖИ сізге көбірек практика беріп, ал досыңызға күрделі тапсырмалар ұсына алады. Бұл әдіс сізді жетістікке жетелемей ме?

Тағы бір сұрақ: Онлайн білім шектеу ме, әлде еркіндік пе ?

Кез келген уақытта, кез келген жерде біліміңді қарқынды толтыру керемет, бірақ шынайы түрде, практика арқылы білім алуға әрине де жетпейді ғой.

Не дегенмен ЖИ - дің білім саласына әсері мен артықшылықтарын айта кететін болсақ.

Мұғалімдердің жұмысына қолдау көрсету

ЖИ мұғалімдерге тек көмекші құрал ретінде емес, олардың негізгі серіктесіне айналып келеді. Ол мұғалімдердің уақытын үнемдеп, олардың оқыту әдістемелерін жетілдіруге мүмкіндік береді.