факультатив көркем жазу, 2 сынып

Түсінік хат.

Қазақстан Республикасының дүниежүзілік білім кеңістігіне енуі , қоғам дамуындағы

жаңа бағыттар еліміздің болашағы, бүгінгі мектеп оқушыларын оқытуға жаңа міндеттер

қойып отыр. Мұның өзі әрбір мұғалімнен оқу үрдісін қайта қарауды , сонымен қатар

қалыптасқан әдістер мен технологияларды жаңа өмір талабына сай өзгертілген түрлерімен

ұтымды ұштастыруды қажет етеді .Жана үрдістерді әр сабақтың мақсат- міндетіне сәйкес

тиімді қолдану мұғалімнің шеберлігіне, ізденісіне байланысты .

Сауатты және көркем жазу оқушыларды нақтылыққа баулиды. Оқушы қабілетінің

ерекшелігіне, психологиялық жағдайына жазу тікелей байланысты. «Көркем жазуды»

оқытудың басты мақсаты – оқушылардың оқу және жазу дағдыларын қалыптастыру,

әріп әлементтерін дұрыс жазу, сөздерден сөйлем құрастыра білу, грамматикалық мағлұ-

маттарды меңгерту.

«Көркем жазу» дәптері 34 сабаққа негізделіпжасалынған, 5 бөлімнен тұрады . Әр

сабаққа тақырыптың деңгейіне қарай 4-5 жаттығудан берілген.

Бірінші жаттығуда – үлгідегі әріп элементтерін және сөздерді көркем жазуға негізделген.

Бұл тапсырманы оқушы өз бетімен орындайды.

Екінші жаттығуда – өлеңдерді, мақал-мәтелдерді, жұмбақ- жаңылтпаштарды жаттай

отырып, қатесіз әрі көркем етіп көшіруге негізделген.

Үшінші жаттығуда – Сауатты, көркем етіп көшіріп жазуға ынталандыру мақсатында

ауыстырылып берілген сөздерден сөйлем құрастыру, сөздерге дыбыстық талдау жасау,

сөздерді буынға бөліп жазу жаттығулары ұсынылған.

Төртінші, бесінші жаттығуларда – оқушының шығармашылық қабілетін ашуға,

танымдық ойлау шеберлігін шыңдауға бағытталған. «Венн диаграммасы», «Топтастыру»,

«Ішіне-сыртына», «5 минуттық эссе жазу» әдіс-тәсілдері, сонымен қатар «Сөз терім»,

«Оқиық, ойланайық» ойындары, ой әсемдігін мәнерлі жазбаша тілде жеткізуге, қысқаша

мәтін құруға, сурет бойынша әңгіме жазуға негізделген.

Жыл аяғында оқушылар көркем жазуды, қатесіз көшіріп жазуды сапалы және нақты орындауға үйренеді.

Оқу пәнінің мақсаты :

Оқушылардың оқу және жазу дағдыларын қалыптастыру, әріп элементтерін дұрыс

жазуын, әдеби сауаттылығын, көркемдік эстетикалық талғамын арттыру, грамматикалық

мағлұматтарды меңгерту.

Міндеттері :

1. Оқушының тұлға ретінде қалыптасуына, ақыл –ойының дамуына, интеллектуалдық

және ерік пен сезімге қатысты белсенділігін қалыптастыруға мүмкіндіктерін туғызу .

2 .Зерделеу, есте сақтау, түсіну дағдыларын дамыту. Өзіне деген сенімін арттыру.

3. Оқушыны белгілі бір тақырып көлемінде ой жүйесін құруға, образға ену, топпен

талқылауға бағыттау.

4.Әріптерді қосып, буын, сөз жазу машықтарын жетілдіріп, жазу жаттығуларын ұдайы

жүргізу .

5. Жеке сөздерді,сөйлемдерді қатесіз көшіруге және айтылуы емес жазылуы бойынша

дұрыс жазуға машықтандыру

Күтілетін нәтиже :

1. Әріп әлементтерін, әріптерді көркем жазуға қалыптасады

2. Оқушылар көшіріп жазу әдісі, сызықтық әдіс, генетикалық әдіс, теріп жазу әдістерін

саналы түрде және нақты орындауды меңгереді.

3. Мәтінді көшіріп жазу, өлеңдерді , мақал – мәтелдерді, жұмбақ – жаңытпаштарды

жатқа жазу, ойдан әңгіме құрастыру біліктіліктері дамиды .

4. Таным белсенділігі артып,шығармашылық қабілеттері мен мүмкіндіктері

дамиды.

5. Оқушы өздігінен ізденуге үйренеді, көркем жазуға қалыптасады

6. Оқушының өзін-өзі тану қабілеті дамып, оқу әрекеті және оның нәтижелері бойынша

өзіне-өзі ұдайы талдау жасауға, өзіне баға беруге қалыптасады.

7. Жазбаша тапсырмаларды орындау арқылы шығарма, эссе немесе хат жазу, өлең

құрастырады, сұрақтарға жазбаша жауап береді. Қатесіз, көркем жазуға дағдыланады.

Пәнді меңгеру деңгейінің талаптары:

1. «Көркем жазу» сабағында үйрету жұмыстарын дұрыс ұйымдастыра білу;

2. Пәннің мақсаты комплексті түрде ескерілуі тиіс.

3. Берілген тапсырмалар жоспарлы түрде,белгілі бір жүйемен,оқушылардың басқа

пәндерден алған білімдерінің негізінде жүргізілуге тиіс.

4. Психологиялық,педагогикалық және гигиеналық талаптар ескерілуі тиіс.

5. Берілген жаттығулар оқушы дайындығының деңгейіне сәйкес болуы және

денсаулығын сақтауға бағытталуы тиіс.

6. Оқушының өзіндік жұмысына құрметпен қарау.

7. Оқушы шығармашылығына дұрыс бағыт-бағдар беріп отыру.

Таңдау сабағының тақырыбының мазмұны.

Оқушыларға жазу дағдыларын меңгертуде алдымен сөздерді, сөйлемдерді, мәтінді,

өлең жолдарын мән беріп оқығанын, жете түсінуін қадағалау. Әрбір сөзді қатесіз , көркем

жазу үшін мәтіндегі, өлеңдердегі түсініксіз сөздерге түсініктеме берілуі қажет.

Оқушының көшіріп көркем жазуға , жатқа жазуға қызығушылығын арттыру мақсатында

қызықты өлең жолдары , жұмбақтар , жаңылтпаштар , мазмұнды мәтіндер енгізілген.

«Көркем жазу» дәптерінің соңғы жаттығуларында оқушыны ынталандыру үшін мәтін

құрастыруға, эссе жазуға, сурет бойынша сөйлем құрастыруға тақырыптардың атына

сай суреттер енгізілген. Тақырыпқа сай берілген суреттер оқушыны жан- жақтылыққа,

танымдық ойлау шеберлігінің шыңдалуына, ой әсемдігін көркем жаза білуіне жетелейді.

Оқу пәнінің мазмұны 5 бөлімнен тұрады.

Бірінші бөлімде -- жуан айтылатын дауысты дыбыстар.

Екінші бөлімде -- жіңішке айтылатын дауысты дыбыстар.

Үшінші бөлімде – қатаң дауыссыз дыбыстар.

Төртінші бөлімде – ұяң дауыссыз дыбыстар.

Бесінші бөлімде – үнді дауыссыз дыбыстар.

Әр бөлімде дауысты, дауыссыз дыбыстардың айтылуы мен жазылуы туралы мағлұмат

беріледі.

Оқушы дыбыстық талдауға, көп нүктенің орнына әріптерді қоя білуге, сөздерді буынға бөліп

жазуға, өлең жолдарын, мәтіндерді қатесіз, көркем жазуға үйренеді.

Осындай жаттығулар арқылы оқушының жазба тілі қалыптасып, жазуға деген ептілігі арта

түседі.

Оқушы мәтін құрастыруға, сөзжұмбақтар шешуге, сурет бойынша әңгіме құрастыруға

қызығушылық қабілеті артады.