Фермаға саяхат тақырыбына балабақша сабақ жоспары

«Балбөбек» шағын орталығының «Құлыншақ» тобына ұйымдастырылған оқу қызметінің технологиялық картасы

Тәрбиеші: КенжетаеваСымбат

Білім беру саласы: «Әлеумет»

Ұйымдастырылған оқу қызметі:Қоршаған ортамен таныстыру.

Тақырыбы: Фермаға саяхат.

Мақсаты: 1.Үй жануарларымен таныстыру.

2.Үй жануарларының адам өміріндегі маңызы туралы түсінік беру.

3.Үй жануарлары деген қамқорлық сезімдерін тәрбиелеу.

Қолданылатын көрнекі құралдар: үй жануарларының бейнелері, жануарлардың пайдасын бейнелейтін суреттер, мольберт, үлестірмелі материалдар.

Сөздік жұмыс: ферма.

Билингвальды компонент: үй жануары-домашнее животное,сиыр- корова, ешкі-коза, тауық-курица.

Оқу іс-әрекетінің кезеңдері

Педагогтің іс-әрекеті

Балалардың іс-әрекеті

Мотивациялық-қозғаушылық

Педагог көңілді әуенмен фермердің киімін киіп шығады.

-Сәлеметсіңдер ме! Мен Әсет атты фермермін. Біздің сабағымыз өте қызықты болмақ, бірақ алдымен танысып алайық

Оқу іс-әрекетіне кіріседі. Балалар қызығушылығын көрсетеді..

Ұйымдастырушылық-ізденістік

1.Білімді өзектендіру:

-Ферма дегеніміз не?

-Фермада қандай жануарларды ұстайды?

2.Үй жануарлары және олардың пайдасы туралы әңгіме.

-Ферма- барлық үй жануарларын өсіріп ұстайтын шаруашылық орын. Үй жануарларын адам күтіп баптайды. Жануарлардың еті , сүті,жұмыртқасы – азық, ал жүні, терісі және мамығынан қаншама тұрмысқа қажетті заттар жасалады.

3. Билингвальды компонент: үй жануары-домашнее животное,сиыр- корова, ешкі-коза, тауық-курица.

Үй жануарлары деп үй жануарларын айтамыз. Олар: қой, ешкі,сиыр, түйе, жылқы.

Түйенің төлі-ботақан.

Қойдың төлі- қозы.

Ешкінің төлі-лақ.

Жылқының төлі-құлын.

Сиырдың төлі-бұзау.

4.Үй жануарлары туралы өлеңді оқу.

Шөре,шөре, лағым,

Секеңдеме, деміңді ал.

Тентек болма, шырағым,

Селтеңдемей құлағың.

-Өлең ненің төлі туралы?

-Ешкінің қандай пайдасы бар?

Әукім-әукім әукешім,

Сипайыншы әукесін.

Енең, әне, келеді,

Ақ мамасын береді.

-Сиырдың қандай пайдасы бар?

5.Динамикалық үзіліс.

«Шип-шип шөжелерім» әнін үнтаспадан тыңдатады.

6.Үлестірмелі материалдармен жұмыс.

Тасырманы қалай орындау керектігін түсіндіреді.

7.Жеке жұмыс өткізеді.

Педагогтің айтқандарын мұқият тыңдайды.

Қайталайды.

Төлдердің аттарын қайталап айтады.

-Өлең ешкінің төлі – лақ туралы.

-Ешкінің еті, сүті-тағам болады.

-«Әукім –әукім» деп сиырдың төлі-бұзауды шақырамыз.

-Сиырдың сүті,еті – тағам. Сүтінен ірімшік ,құрт,айран,май алады.Терісіне тұрмысқа қажетті заттар жасайды.

«Балапандар» биін билейді.

Тапсырманы орындайлы.

Рефлексиялық – түзетушілік

Сұрақ-жауап әдісі арқылы оқу іс-әрекетін қорытындылайды.

-Үй жануарларын атаңдар.

Неге адамдар жануарларға күтім жасайды?

Педагогпен бірге сабақты қорытындылайды.

Күтілетін нәтиже: