Ғарыш тақырыбындағы математикалық ашық сабақ, орта топ

№55балабақшасы.

Білім беру саласы: «Таным» Қарапайым математика ұғымдарын қалыптастыру.

Тақырыбы: «Ғарышқа математикамен бірге»

Орта топ «Құлыншақ»

Тәрбиеші: Ерғазиева Н.

2018-2019жыл.

Тақырыбы: «Ғарышқа математикамен бірге»

Білім беру саласы: «Таным»

Оқу қызметі: Қарапайым математика ұғымдарын қалыптастыру.

Мақсаты: Ғарыш, ғарышкер туралы түсініктерін қалыптастыру және мағлұмат беру. Балалардың сандар, геометриялық пішіндер туралы білімдерін беркіту, үлкен-кіші ұғымдарын ажырата білу дағдыларын қалыптастыру. Ғажайып саяхат арқылы балалар қиялдарын шыңдау. Әртүрлі тапсырмаларды орындай отырып, баланың логикалық ойлау қабілетін дамыту, тапқырлығын арттыру

Әдіс-тәсілдері: түсіндіру,көрсету,сұрақ-жауап.

Көрнекілігі:Геометриялық пішіндер, сандар, суреттер. Билингвалды компонент:Ғарыш- космос, зымыран- ракета,ғарышкер- космоновт.

Жылулық шеңбері.

Арайлап атқан таңға сәлем!

Жылуын шашқан күнге сәлем!

Қайырлы таң апайлар!

Қайырлы таң балалар!

(Балалар шеңберге жиналып, қызығушылықпен айтады).

-Балалар қазір жылдың қай мезгілі?

-Көктемде табиғат қандай құбылыстарға өзгереді?

-Көктемнің неше айы бар? Айларын атаңдар.

-Сәуір айында қандай мереке бар, естеріңе түсіріңдерші?

-Иә, бұл сәуір айында үлкен мереке бар. Ол – ғарышкерлер күні деп аталады.

Тосын сәт.

Балалар, біз қазір аспан әлеміне барамыз. Кәне, барлығың еркін отырып, көздеріңді жұмып, көз алдарыңа аспанда ұшып жүргендей болып елестетіңдер (үнтаспадан музыка әуені естіледі). Біз ұшаққа отырып, аспанға көтерілдік. Аспанда күн бізге күлімсіреп қарап сәулесін шашып тұр. Кенет аспан әлемінде ай көрініп, жымыңдап жұлдыздар да көріне бастады. Біз жоғарыға көтерілген сайын суық ауаны сезіне бастадық. Денеміз тоңғандай болды. Біздің қасымыздан қатты жылдамдықпен бір құс ұшқандай болды. Ол құс ғарыш кемесі – зымыран екен. Балалар біз аспан әлеміне келдік. Көзімізді ашайық.

Жұлдыз: Салеметсіздер ме балалар. Аспан әлеміне қош келдіңіздер. Мен аспан әлеміндегі әдемі жұлдызбын. Балалар ендеше мен сендерге аспан әлемі туралы әңгімелеп берейін.

Балаларға аспан әлемі туралы түсінік беру.

Мынау аспан әлемі. Аспан әлемінде көптеген жұлдыздар, шоқ жұлдыздар бар.

Аспан әлемінде 9 ғалам бар. Сол ғаламның үшіншісі Жер деп аталады. Ал біздер сол Жер ғаламында өмір сүреміз.

-Балалар сендер қандай әуе көліктерін білесіңдер?

-Иә, ғарышкер ағаларымыз ғарышқа зымыранмен ұшады екен. Оны ғарыш кемесі деп те атаймыз. (зымыран суреті мен макетін көрсету). Олар ғарышқа ұшып барып, аспан әлемін зерттейді.

Слайд арқылы әңгімелеу. Ең бірінші адамдар айға ұшпас бұрын тірі дененің баруы үшін Лайка деген итті ғарышқа ұшырған екен. Жерге қонғаннан кейін оның денесіне, қанына тексеру жүргізіп, ғарышқа адамның да баруға болатынын білген.

Ең алғаш ғарышқа ұшқан Ресей азаматы ол Юрий Гагарин. Ол 1961 жылы 12 сәуірде тарихта тұңғыш рет «Восток» ғарыш кемесімен Байқоңыр ғарыш алаңынан ғарышқа ұшты.