Ғажайып алаң тәрбие сағаты, 4 сынып

Тақырыбы: «Ғажайып алаң» білімділер додасыМақсаты:

Білімділігі: Білімді, жан - жақты болуға үйрету. Білуге үйренуге деген қызығушылығын арттыру.

Дамытушылығы: Жарысуға, жарыста жеңімпаз болуға ұмтылуын дамыту. Тәрбиелігі: Білімді, дарынды, озық болуға тәрбиелеу.Әдісі: сұрақ - жауап, ойын түріндеБарысы:Құрметті жиналған барша қауым, ұстаздар, оқушылар, көрермендер! Бүгінгі «Ғажайып алаң» білімділер додасына қош келдіңіздер! Әр турда үш оқушыдан қатысып отырады. Кім ең бірінші дұрыс жауап берсе, сол жеңімпаз болып, келесі турда шыққан жеңімпаздар мен жарысады. Кім дұрыс жауап берсе сол оқушы жеңімпаз болады. Ендеше ойынымызды бастайық.Ойынның шарты:

Ойында бір – бірлеріңізге көмектесуге болмайды.

Ұпайларыңызды әділқазы алқасы санайды.

Барабанды айналдырғанда, айтқан әріпіңіз дәл келмеген жағдайда ойын келесі ойыншы жалғастырады.

Ойын барысында барабанды тек бір рет қана айналдырамыз.

«с» -сыйлық – ойыншы сыйлықты таңдап, ойынды тоқтатуына болады.

«+» - қосу – ойыншы жасырылған сөздің кез келгенін ашуға мүмкіндік алады.

«-» – азайту алған кезде ойыншы келесі ойыншыға кезегін береді.

Ойын 3 турдан тұрады, оның ішінен 3 жеңімпаз анықталады, ол 3 жеңімпаздың ішінен «Нағыз» жеңімпазды соңғы мәреге ойынына және супер ойынға өз қалауы бойынша шақырамыз.

І турдың тапсырмасы.

Білімнің ұшқырлығын танытатын,

«Ғажайып алаңда» сайыскер жаңылмағын.

Уакыт деген зымырап, өтіп кетер,

Асып, тасып, асықпа, қалыспағын.

Жапырағы адам денесінің температурасын түсіреді, жөтелге, бүйрек ауруына көмектесетін өсімдік? (қалақай)

ІІ турдың тапсырмасы.

Мәңгі бақи есте қалар,

Ғажайып бір сайыс болсын.

Білімдірек шәкірт озар,

Қиынырақ сұрақ болсын.

Жер құрылысы мен қабатын және ондағы пайдалы қазбаларды табумен айналысатын ғалым? (геолог)

ІІІ турдың тапсырмасы.

Ойын толқын, айналған қатты ағысқа,

Табылғандай танымда, жат дауыста.

Біреу озып келеді қатарынан,

Біреу қалып жатады асығыста.

Ойын толқын жатқанда асып, тасып,

Біреу мығым, біреулер шалыс басып.

Бұл ойыннан өтеді ғұлама ойлар,

Жеңсе де, жеңілсе де қалма жасып.

М.Әуезовтың «Жетім» әңгімесіндегі басты кейіпкер? (Қасым)

Көрермендермен ойын.

Көрермен жиналған бұл тамашаға,

Құр қарап жай отыру жараса ма?

Туыс-досқа, сыныптас, танысқа емес.

Соқ қолыңды «Көрермен Жеңімпазға»