Бұл ғажайып табиғат тәрбие сағаты 4 сынып

Сыныптан тыс жұмыс

Тақырыбы: Бұл-ғажайып табиғат

Мақсаты:Оқушылардың ой-өрісін тереңдете отырып,білім-білік дағдыларын қалыптастыру.

Оқушылардың ойлау қабілетін, ой ұшқырлығын, оқуға ынтасын арттыру. Көрнекі іс-әрекеттік, сөздік-логикалық,ойлау әрекеттерін дамыту, шығармашылық қабілеттерін қалыптастыру. Оқушыларды шапшаңдыққа, икемділікке, ұжыммен жұмыста ұйымшылдыққа, жауапкершілікке, белсенділікке тәрбиелеу. Сөздік қорларын арттыру.

Құрал-жабдықтары:интерактивті тақта,видеороликтер

Түрі: ойын сабақ

Жұмыс барысы:

I.Ұйымдастыру кезеңі

-Оқушылардың амандасуы /қазақша, орысша ағылшын тілде/

-“ Таныстыру” жаттығуы

- Қар қиыршықтардан сөз құрау

Бүгінгі сабағымыздың тақырыбы “Бұл ғажайып табиғат”. Бұл сабағымызда ең ғажайып табиғат –қыс мезгілі.Ол мезгілдің кереметтері мен ғажайыптары біле отыра, қысқы ойындарды ойнаймыз.

II.Негізгі бөлім

Қыс. Бұл мезгілде адамдар табиғаттың құпиясын, ерекше бір ұмытылмас сәттерін тамашалайды. «Қыстың көзі қырауда» деген халқымыздың тамаша сөзі осы бір мезгілді айна-қатесіз баяндап тұрғандай немесе Абайдың «ақ киімді, денелі, ақ сақалды…» деп келетін өлең жолдары да қыстың басқа жыл мезгілдерінен ерекшелігін паш етеді. Табиғаттың әрбір маусымы ерекше болатыны сөзсіз. Әр маусымға тән сейіл-серуені де болады. Жазда адамдар суға шомылып, күнге қыздырынса, қыста шаналарын арқалап, биік жоталарға, таулы қыраттарға бет түзейді. Дала төсінде қолдан сырғанақ жасайтын қызықты сәттер де – өз алдына бір әңгіме. Барлығы қыстың суықтығын емес, бейнебір жылы нұрын, ыстық тартар сәулесін тауып алғандай қуанысады. Биік қыраттан төмен қарай аппақ қардың үстінде ізін қалдыратын шанасымен ызғиды.Қыстың ғажайып ұмытылмас шақтары адам жанына шуағын шашып, нұрын төге түскендей, осындай көтеріңкі көңіл күй сыйлайтын мезгіл.

Ойын “ Қар атыспақ”

Ойын шарты: бір-бірілеріңе қар лақтыра отырып , сұрақ қоясындар?-Келесі бала жауап беріп, ол қарсыласына қарсы сұрақ қояды.

-Қазір қай жыл мезгілі?

-Қыс айларын ата?

-Қыста қандай киім киеміз?

-Қыста өсімдіктер не істейді?

-Қыс мезгілінде ауа –райы қандай болады?

-Қыста жануарлар мен жәндіктер не істейді?

-Жылдың төрт мезгілін ата?

2. Ойын: “Аққала соғу”

Шарты: жұмбақ шешіп, геометриялық фигуралардан аққаланы құрастыру

3.Ойын: “ Мәнерлеп сырғанау”

Шарты: Мәнерлеп өлең-шумақтарын айтқызу.

Сергіту сәті:

4. “ Шаңғы тебу ”ойыны

Ойын шарты: 2 оқушыдан шығып суреттерден артығын тауып шаңғымен жарысады