Ғажайып білім әлемі сабақ жоспары мектепке дейінгі топ

КМҚК «Айналайын» сәбилер бақшасы

Тақырыбы: «Ғажайып білім әлемі»

Ересек «Гүлдер» тобы

Тәрбиеші: Касымова Г.Б.

Аққулы 2021ж.

Біліи беру саласы: Таным

Бөлімі: Математика негіздері

Тақырыбы: «Ғажайып білім әлемі »

Мақсаты: Сандарды санау, салыстыру, геометриялық пішіндер туралы білімдерін бекіту, ойлау қабілеттерін, қиялын, есте сақтап түсіну, сұрақтарға толық жауап беру дағдысын қалыптастыру. Балалардың білімге деген қызығушылығын арттыру, бірлікке, татулыққа тәрбиелеу.

Көрнекіліктер: Буратино, математика, жұмбақтар, геометриялық пішіндер, үйшіктер.

Балалар қараңдаршы , бізге қонақтар келіпті, қане алдымен сәлемдесіп алайық. Балалар шаттық шеңбер құрып амандасады

Бәріміз енді тұрайық,

Үлкен шеңбер құрайық

Жақсы – жақсы сөздерді,

Қонақтарға сыйлайық!

Табиғат біздің анамыз,

Табиғатқа баламыз.

Иіліп сәлем береміз,

Біз әдепті баламыз.Тәрбиеші: Жақсы балалар бүгінгі күнімізді мейіріммен, қуанышпен бастайық.

Тәрбиеші: Балалар қазір жылдың қандай мезгілі?

Балалар: Күз мезгілі

Тәрбиеші: Күздің қандай айы

Балалар: Қараша айы

Тәрбиеші: Балалар күз мезгілінде табиғатта қандай өзгерістер болады? Балалар: Күз мезгілінде күн суытып салқындайды, кейде жаңбыр жауады, жел соғады, жер балшық болады, құстар жылы жаққа ұшып кетеді, адамдар жылы киіне бастайды.

Тәрбиеші: Балалар біздер күзді неге алтын күз, жомарт күз деп атаймыз? Балалар: Күзде өсімдіктер, астықтар піседі, көкөніс пен жеміс жидектер көп болады.

Тәрбиеші: Жарайсыңдар балалар, ал енді біз сендермен «Ғажайып білім әлеміне» саяхатқа шығамыз ба?

Балалар: Иә

Тәрбиеші: Балалар саяхат кезінде бізге әртүрлі қиындықтар кездеседі, сол қиындықтарды бірге жеңе білейік. Ол үшін бір- бірімізді сыйлап , тыңдауымыз керек. Балалар қане енді паровозға мініп, жолға шығайық.

Тәрбиеші: Балалар міне біз 1-ші аялдамаға да келіп қалыппыз.

Бұл бірінші аялдама: «Математика» аялдамасы екен. Бірінші аялдама бізге мынадай тапсырмалар тапсырыпты: 1-3ке, дейін 3 тілде тура және кері санау. Геометриялық фигуралардың пішіндерін ажыратып, түстерін ата. Үйшіктің терезелерін тауып жабыңдар.

2-ші аялдама бізге жұмбақтар жасырыпты. Екінші аялдама «Жұмбақтар» аялдамасы екен.

Бой жаза алмай, ойнай алмай

Денең мұздап тоңады.

Бөбектерім айтыңдаршы

Бұл қай кезде болады? (Күз)

Таңмен көзін ашады

Әлемге нұрын шашады. (Күн)

Тырс- тырс тамады

Сайға қарай ағады. (Жаңбыр)

Дидактикалық ойын: «Сандарды тап»