Ғажайып қыс сыры ашық сабағы мектепке дейінгі балаларға

Бөлімі: Тіл дамыту

Білім беру саласы: «Қатынас »

Тақырыбы: Ғажайып қыс

Мақсаты: Балалардың қыс мезгілі туралы түсініктерін кеңейту. Өз ойларын еркін жеткізе білуге үйрету. Сөздік қорын , сөйлеу мәдениетін, логикалық ойлау қабілеттерін, тапқырлығын дамыту.

Басталған нәрсені аяқтауға, еңбекті бағалауға тәрбиелеу, адамгершілік қасиеттерін қалыптастыру, өзін – өзі бағалауға үйрету.

Өмірде көргендерін ойын арқылы көрсете білуге, оны қолдана білуге өзара көмектесуге,

бір- біріне сеніммен қарауға, сыйлай білуге ойынға деген қызығушылықтарын арттыру.

Әдіс -тәсілдері: Әңгімелесу, түсіндіру, сұрақ - жауап, көрсету, ғажайып сәт, ойын , сергіту сәті, тақпақтар.

Көрнекілік: Жаз, күз, көктем,қыс мезгілдері және жыл мезгілдеріне сәйкес киінген адамдар- дың суреттерін көрсету.

Сөздік жұмысы: Мұз, көктайғақ, қар.

Балаларды шеңберге тұрғызып , бір-біріне деген жылулығын білдіру.

Шаттық шеңбері: Қуан шаттан алақай,

Қуанатын кез келді .

Қайырлы таң,

Қайырлы күн

Сәлем достар.

Балалар орындарына отырады.

Тәрбиеші: Балалаар мен сендерге бір өлең жолдарын оқып берейін , мұқиат

тыңдаңдар: Ақ киімді денелі, ақ сақалды,

Соқыр мылқау танымас тірі жанды .

Үсті басы ақ қырау түсі суық ,

Басқан жері сықырлап келіп қалды.

Тәрбиеші: Бұл кімнің өлеңі ? Сендер бұрын естіп пе едіңдер ?

Балалар: Ия, бұл қыс мезгілі туралы айтылған Абай атамыздың «Қыс» деген өлеңі.

Тәрбиеші : Дұрыс айтасыңдар , балалар қыстың ерекшелігін білесіңдерме?

Балалар: Қыс –жыл мезгілінің бірі . Қыс мезгілінде қар қалың жауады ,

күн суық болады, аяз, боран соғады.

Тәрбиеші: Ал балалар қыс мезгілінде қанша ай бар? Кім айтады?

Мирас қол көтереді .

Жауабы: Желтоқсан, қаңтар, ақпан.

Тәрбиеші: Жарайсың жауабың дұрыс.

Балалар сендерге қыс мезгілі ұнай ма?

Қыс мезгілінің ұнайтын жақтарын атаңдаршы?

Балалар : ұнайтын жағы: Жаңа жыл келеді , шаңғы , коньки тебеміз , шанамен

сырғанап ойнаймыз, қар жауады .

Тәрбиеші: Қандай ойындар ойнайсыңдар?

Балалар: Қар лақтырып, аққала жасап, шанамен сырғанақ тебеміз.

Тәрбиеші: Балалар қыста ауа таза болады. Сондықтанда сендер ауырмас үшін,

денсаулықтарың мықты болу үшін, таза ауада ойнауларың керек.

Ойын арқылы денелерің шынығады.