География пәнінен Ғажайып алаң сыныптан тыс жұмысы

«Атбасар ауданы білім бөлімі

Сепе орта мектебі» КММ

Мырзағалиев Сейден Ноянұлы

Тарих және география пәні мұғалімі

Білімі: жоғары

Санаты: екінші

«ҒАЖАЙЫП АЛАҢ» ОЙЫНЫ География пәнінен іс -шара

Ойынның мақсаты: Оқушылардың меңгерген білім деңгейін анықтау, ойлау қабілеттерін дамыту, сөйлеу мәдениетін жетілдірy, білімді, жан-жақты болуға үйрету.

Ойын шарты: Ойынға әр оқу топтарынан өз еріктерімен 9 оқушы қатыстырылады. Оларды 3 оқушыдан 3 турға бөлеміз. Олардың міндеттері; тақтада жасырылған сұрақтарды тауып, дұрыс жауабын беру (әріптеп немесе бірден). Ойын кезекпен жүргізіледі. әрбір турда жасырылған сұрақтың жауабын тапқан оқушы финалға өтеді. 3 тур аяқталғаннан соң көрермендерге де сұрақтар беріледі. Финалға шыққан 3 оқушы финал сұрағына жауап береді. Финалдан жеңіп шыққан 1 оқушы ақтық сынға қатысады. Ойын кезегін күтпей жауап берген оқушы ойыннан шығарылады немесе бірден жауап берген кезде бір әріптен қате жіберсе ойыннан шығады.

Армысыздар ма, құрметті ұстаздар, оқушылар және ойынға қатысушы сайыскерлер!

1.Айналмалы барабан, сұрақтар

2. Ойынның жүргізілу жолдарымен таныстыру

3. Қатысушылармен таныстыру

4. Барабанды айландыру

5. Бағыт түскен санды ұпайларды есептеу

6 Ұяшықтағы әріптерді табу

7. Егер қатарынан 3 әріп табылса ойыншыға екі қобдиша ұсынылады /сыйлықтарымен/

8. «С» (Сыйлық) сандықша көрсетіледі егер сыйлықты алатын болса ойыннан шығады.

алмаған жағдайда барабанды қайта айландырады.

9.. «Б» (Банкрот) бүкіл ұпай сандары «0» ге теңеледі. Келесі ойыншы бастайды.

10. + 1 таңдаған әріпін ашуға құқылы

Ойын толқын, айналған қатты ағысқа,

Табылғандай танымда, жат дауыста.

Біреу озып келеді қатарынан,

Біреу қалып жатады асығыста.

Ойын толқын жатқанда асып, тасып,

Біреу мығым, біреулер шалыс басып.

Бұл ойыннан өтеді ғұлама ойлар,

Жеңсе де, жеңілсе де қалма жасып.

«Білекті бірді жығады, білімді мыңды жығады» деген дана халқымыз. Біз білім теңізінен жүзіп өткенде ғана еліміздің тірегі, сүйеніші боламыз! Сондықтан да бүгінгі «Ғажайып алаң» ойынына қош келіпсіздер!

Нұрлы үмітпен арқалаған арқаға,

Жан сәулесін тарататын баршаға.

Шын пейілмен құрметімізді көрсетіп,

Сайыскерлерді шақырайық ортағы

Алдымен «Ғажайып алаң» ойынын бастамас бұрын сайыскерлерімізді таныстырып өтейік.

1.Ноян Жайна

2.Саханов Алқадыр