Ғажайып суретшілер әлемі сыныптан тыс жұмысы

«Ғажайып суретшілер әлемі»

(сыныптан тыс шара)

Мақсаты: Оқушыларға бейнелеу өнерінің қыр-сырын жан-жақты үйрету.Олардың дүниетанымын, эстетикалық талғамын кеңейту.Сурет салу дағдысын, логикалық ойлау, еске түсіру, елестету қабілеттерін және шығармашылығын арттыру. Өнерді құрмет тұту, оған сүйіспеншілігін арттыру. Өнерге баулу, шығармашылыққа тәрбиелеу.Әдісі: топтық сайыс, сұрақ-жауап, топпен жұмыс, құрастыру, тақырыпқа сурет салу.Көрнекілігі: Өнер жайлы нақыл сөздер, слайдтар, құрастырма суреттер, суреттер.Құрал-жабдықтар: плакат, қарындаштар, қайшы, желім, акварель бояулары, қылқалам.

Сайыстың барысы:

Армысыздар құрметті ұстаздар, сайысымызға қатысушы оқушылар.

Бүгінгі бейнелеу өнері сабағынан 3 сынып оқушылары арасындағы «Ғажайып суретшілер әлемі» атты сайыс сабағына қош келдіңіздер.

Жүзден жүйрікті, мыңнан тұлпарды анықтайтын әділқазы алқасымен танысайық.

Ортамызда екі топ сайысқа түспекші.

І топ «Бояулар»

ІІ топ «Қарындаш»

М: Өнер десе өртеніп жанып тұрар,

Сусындап сол өнерден қанып тұрар.

Сегіз қырлы, бір сырлы сайыскерлер,

Кез келді өзін-өзі таныстырар, — дей келе сайысқа түспекші екі топпен танысайық.

М: Өнерпазды жарау аттай баптасын,

Халқымыздың асыл мұрасын сақтасын.

Өнерімен танылып бүлдіршіндер,

Ел сенімін еңбекпенен ақтасын, — деп сайыстың түрлерімен таныстырып өтейін.

Сайыс кезеңдері:

1. «Сан сұраққа саяхат» сұраққа жауап беру.

2. «Біз тапқырмыз» жұмбақ шешуінің суретін салу.

3. «Сәйкес пе ..» Бір бала шығып,көріп тұрған затты ымдап түсіндіреді, қалғандары соны салады

4. Ғажайып суретшілер (топпен жұмыс)

М: Ендеше сайысымызды бастайық:

І кезең. «Сан сұраққа саяхат» сұраққа жауап беру

Әр топқа 5 сұрақтан қойылады. Соған жауап берейік.

1 топқа:

Бейнелеу өнері дегеніміз не? (Айналамыздағы өмір көріністерін жазықтықта әрі кеңістікте бейнелеу арқылы суреттейтін өнер түрі)

Табиғат көрінісін бейнелейтін шығарма. (Пейзаж)

Суға тез еритін бояу. (Акварель)

Қарындаш дегеніміз не? (Сырты ағаштан, өзегі графиттен жасалған сурет салу құралы)

Аспан мен жердің қиылысатын сызығын не дейміз? (көкжиек сызығы)

2 топқа:

Бейнелеу өнерінің түрлерін ата. (кескіндеме, графика, мүсін, сәулет өнері, қолданбалы сәндік өнер)

Адам келбетін бейнелейтін жанр қалай аталады? (портрет)

Түстер неше түрге бөлінеді және қандай? (2-ге, жылы және суық)

Жануарларды бейнелейтін көркем шығарма. (анималистік жанр)