Геометриялық пішіндер бойынша ашық сабақ, мектепке дейінгі

Слямбекова Калияш Турлиновна

«№6 «Нұрсауле» ясли– бақшасының тәрбиешісі

Тақырыбы: Геометриялық пішіндерБілім беру саласы:«Таным»

Бөлімдері: Қарапайым математика

Мақсаты: Балаларды 5 –ке дейін санауға жаттықтыру геометриялық фигуралар (шеңбер, шаршы, үшбұрыш) жайлы балалардың білім деңгейін анықтау; заттарды өсу және кему ретіне қарай салыстыруға жаттықтыру; бөлшектерден бүтін зат құрастыруға үйрету; «бір» және «көп» деген ұғымдарды ажырата алу қабілеттерін нығайту.

Демонстрациялық материалдар:

Үйдің суреті;

Геометриялық пішіндердің (шеңбер, шаршы, үшбұрыш) ертегілік кескіндері;

Бөліктерді қою үшін қажетті ақ шаршы;

Түрлі түсті бөліктерге бөлінген шаршылар.

Жұмыс материалдары:

Түрлі түсті қарындаштар

Барысы:

-Бүгін мен сендерге «Үйшік»(теремок) ертегісінайтып беремін. Бұл ерекеше ертегі.

Тақтада үйшіктің көрінісі. Үшбұрыш пайда болады:

«Жазда далада аласа да, биік те емес ерекше бір үйшік тұр. Сол үйшікке қарай бір үшбұрыш жақындап келеді. Оның үйшікке кіргісі келеді. Бірақ есікте құлып тұр.

-Ей , құлып, жылдам ашыл. Менің үйшікке кіргім келеді, - дейді үшбұрыш».

-Егер үшбұрыш сөйлей алған болса, өзі жайлы не айтар еді? (түсі, 3 бұрышы, 3 қабырғасы).

-Үшбұрыштың үйшікке кіргісі келіп еді, сиқырлы дауыс оған: «Балалармен ойын ойнасаң, кіргіземін», - деді.

«Біреу және көп» дидактикалық ойыны.

Мақсаты: «Біреу және көп» ұғымын ажырата алуға үйрету.

Тәрбиеші балалардан заттардың арасынан бір және көп заттарды табуды өтінеді. Мысалы: сағат біреу – ойыншық көп; тақта біреу – парта көп; бір аквариум – көп гүл.

Үшбұрыш үйшікке кіріп, жарықты жағып, сонда тұра бастады. Бір уақытта біреу есікті қағады. Үшбұрыш: «Бұл кім?» деп сұрайды. Шаршы көрінеді. Балалар оны атайды, егер балалар атын атауға қиналса, тәрбиеші өзі атайды. Бәрі бірге оның бұрыштарын санайды, барлық қабырғаларының бірдей екендігін атап өтеді.

Шаршы да үйшікке кіруге рұқсат сұрайды, сонда үшбұрыш: «Балалармен ойын ойнасаң, жіберемін», - дейді.

«Шаршы құрастыр» дидактикалық ойыны.

Мақсаты: балаларды бөлшектерден бүтін бір зат құрастыруға үйрету.

Балалар ақ шаршының үстіне бөліктерге бөлінген түрлі –түсті шаршыны құрастырып қояды. Бөлшектерден бүтін бір зат жасайды. Балалар қиналған жағдайда тәрбиеші оларға көмектеседі. Шаршының қанша бөліктен тұратынын санайды, құрастырылған…