Геометриялық пішіндер мен санауға арналған сабақ жоспары

Білім беру саласы: Таным

Тақырыбы: «Шаршы, үшбұрыш, дөңгелек. Бір және көп. Үлкен- кіші».

Мақсаты: Балаларды 5-ке дейін санауға жаттықтыру, геометриялық фигуралар жайлы балалардың білім деңгейін анықтау; «бір» және «көп» деген ұғымдарды ажырата алу қабілеттерін нығайту.

Сөздік жұмыс: Шаршы, үшбұрыш, дөңгелек, бір және көп

Қолданылатын әдіс- тәсілдер: ойын, сұрақ жауап, түсіндіру.

Көрнекіліктер: Үйдің суреті, геометриялық пішіндердің ертегілік пішіндері, бөліктерге бөлінген шаршылар.

-Ұйымдастыру кезеңі

-Шаттық шеңбері: «Ақ тілек!»

Адал жақсы ниетпен,

Бар адамға бақ тілеп,

Жарып шыққан жүректі,

Сөздің бәрі ақ тілек!

-«Бұл қай кезде болады?» ойыны

Бүгін мен сендерге «Үйшік» ертегісін айтып беремін. Бұл - ерекше ертегі. Тақтада үйшіктің көрінісі. Үшбұрыш пайда болады: «Орманда аласа да, биік те емес ерекше бір үйшік тұр.Сол үйшікке бір үшбұрыш жақындап келеді.Оның үйшікке кіргісі келеді. Бірақ есікте құлып тұр. Қане, балалар үшбұрышқа есікті ашуға көмектесейік.

«Құлып» саусақ жаттығуы.

-Егер үшбұрыш сөйлей алған болса, өзі туралы не айтар еді?(Түсі, 3бұрышы, 3 қабырғасы).Үшбұрыштың үйге кіргісі келіп еді,сиқырлы дауыс оған «Балалармен ойын ойнасаң,кіргіземін», деді.

«Біреу және көп» дидакт. ойыны

Мақсаты: «Біреу және көп» ұғымын ажырата алуға үйрету.

Үшбұрыш үйшікке кіріп, жарықты жағып, сонда тұра бастады. Бір уақытта біреу есікті қағады. «Бұл кім?» деп сұрайды. Шаршы көрінеді. Шаршы үйшікке кіруге рұқсат сұрайды, сонда үшбұрыш: «Балалармен ойын ойнасаң, жіберемін», дейді.

«Шаршыны құрастыр» дид. ойыны

Мақсаты: бөлшектерден бүтін бір зат құрастыру.

Сергіту сәті: «Бәріміз біргеміз»

Оңға бір қадам,

Солға бір қадам

Шапалақ ұрамыз.

Алға бір қадам,

Артқа бір қадам,

Шапалақ ұрамыз.

Үшбұрыш пен шаршы бірге тұрып жатты. Сонда үйшіктің маңына жаңа қонақ пайда болды.

Балалар, бұл кім?

Дөңгелек қандай болады, ол не істей алады?

Шаршы мен үшбұрыштың дөңгелектен қандай айырмашылығы бар?

Дөңгелектің қолында кәрзеңкесі бар екен. Кәрзеңкесінде не бар? Ол қанша саңырауқұлақ, қанша гүл терді санайық. Үйшікте қандай пішіндер тұрады?

Қайсысы көп?

Дәптермен жұмыс:

Жұмыс дәптеріндегі тапсырманы орындау.

Күтілетін нәтиже:

Білуі керек: Геометриялық пішіндерді ажырату,бір және көп ұғымы