Гимнастика туралы мақала мектепке дейінгі балаларға

Гимнастика

Не үшін гимнастиканы ұнатамыз? Гимнастика барлық аурудың емі деп айтуға болады. Ол бізді шынықтырады және денсаулығымызды жақсартады. Сонымен қатар, біз қайсарланып, өз-өзімізге сене бастаймыз. Сондықтан, дамыңыздар, гимнастикамен шұғылданыздар. Қандай түрі болмасын, мысалы спорттық, көркем, атлетикалық гимнастика – бәрінің адам денсаулығына пайдасы зор.

Гимнастика – біздің денсаулығымыздың, сұлулығымыздың кілті. Ғылыми дәлелденгендей, аптасына 2 рет спортпен шұғылданған адам жүрек ауруынан 70% сақтанады.

Гимнастикамен шұғылданған адамның тірек-қимыл, қозғалыс аппараты дамиды, қан жүйесі нығаяды, эмоциялық көңіл-күйі жақсарып, өзі сабырлы, мейірімді болып келеді.

Гимнастика ежелден келе жатқан жаттығудың бір түрі. Егер, аптасына 2-3 сағат гимнастикамен шұғылданса, адамның дене бітімі де әдемі болады. Адамның бұлшық еттерін нығайтады және сыртқы бейнесін көріктендіреді.

Қазіргі компьютерлік технология уақытында гимнастика - нағыз қажетті нәрсе. Балалар, енді есейіңкіреп, жүре бастаған кезден бастап телефон, компьютер, планшеттерге үйір. Ал олай болмас үшін баланы кішкентай кезінен спортпен шұғылдануға баулыған жөн болады.

Мектеп жасына дейінгі баланың қимыл-қозғалыс дағдылары толық қалыптаспаған. Көп отыру, отырған кезде омыртқа бағанын дұрыс ұстамау, сондай-ақ қимыл-қозғалыстың аздығы баланың бой-тұлғасына, денсаулығына тікелей әсер етеді.

Гимнастика иммунитетті жақсартады және организмнің еңбекке қабілеттілігін арттырады.

Осының бәрін ескере отырып, «Нұрорда» балабақшасының әкімшілігі балаларға арнайы гимнастика үйірмесін де ашқан.

Балалар гимнастикаға қуана-қуана барады. Кішкентай ғана тәрбиеленушілер спорттағы бірінші қадамдарын бастап жатыр. Олар гимнастиканың жалпы дамыту жаттығуларымен танысып, әртүрлі қимыл-қозғалыс ойындарын ойнайды. Аударылып түсу, секіру, тік тұру балаларға өте ұнайды, мұғалімнің сүйелмелдеуімен шпагатқа отыруға да тырысып жатады. Балалар арқан, доп, сақина және басқа да гимнастикаға арналған құрал-жабдықтармен жаттығады. Жаттығуларды музыканың сүйемелдеуімен орындайды. Әр жаттығуды дұрыс орындауға тырысады, бір-бірімен жарысып жатады. Бұл тек гимнастикамен шұғылдану ғана емес, сонымен қатар, балалар бір-бірін тыңдауға, шыдамдылықпен күтуге, сабырлылыққа, ұйымшылдыққа үйренеді, командалық рухы тәрбиеленеді.

Гимнастика балалардың эмоциялық, психомоторлық, ойлау жүйесінің дамуына игі әсер етеді. Гимнастика міндетті түрде баланың мүсінін сымбаттандырады, ерте жасынан гимнастикамен шұғылданған баланың жүріс-тұрысында, келбетінде ақау болмайды, көңіл-күйін көтереді, мінез-құлқына да жақсы әсер береді. Егер біздің кеңесімізді тыңдасаңыз –…