Графика және графика түрлері ашық сабағы 7-сынып

Шығыс Қазақстан облысы Күршім ауданы Күршім ауылы

№3 Күршім гимназиясы КММ

Автор: Толыкбаева Гульнур Сериковна

Пән: информатика.

«Графика.

Графика түрлері»

Түсінік хат

Еліміздің білім беру жүйесіндегі даму іс-әрекеті – білім мазмұны мен сапасын арттыру, білім беруде жаңаша педагогикалық көзқарас қалыптастыру секілді кешенді шараларға байланысты. Қолдауды қажет ететін бүгінгі күннің білімінің орнына елімізді алға тартатын, жастарымызды дұрыс жолға бағыттайтын инновациялық білім керек.

Қазіргі кезде тұлғаны жан-жақты білімді, ізденімпаз, ойы ұшқыр, саналы, зерек, жауапкершілігі зор, қоғам талаптарын қанағаттандыратындай етіп қалыптастыру ең маңызды мәселелердің бірі болып отыр. Оны шешу үшін білім беру мазмұнын жаңартып, озық әдіс-тәсілдерді пайдалану керек. Сол себепті білім беруді мектептен бастап, оқушыларды өз бетімен білім іздеуіне дағдыландыруымыз абзал. Білім алған оқушы өзін еркін ұстап, ойын дәл жеткізе алатын, сыни тұрғыдан ойлай алатын, тұжырым жасай білетін, бірін-бірі бағалай алатын, көшбасшы бола алатындай тұлға бола алатындай тұлға болып қалыптасатынына күмәніміз болмайды.

Бүгінгі күнде менің жұмыс жасап жүрген проблемалық тақырыбым – ақпараттық-коммуникациялық технологияларды пайдалана отырып оқушылардың өз беттік жұмыстарын ұйымдастыру. Ұсынып отырған ашық сабағымда осы проблемалық тақырыбым негізінде Кембридж университеті бағдарламасының әдіс-тәсілдерін, жеті модульді ықпалдастыра отырып, топтық жұмысқа негізделген 7-сынып оқушыларымен өткіздім.

Сабақтың тақырыбы: Графика. Графика түрлері. Бұл тақырып оқу бағдарламасының маңызды бөлімдерінің бірі және осы тараудағы бірінші сабақ. Кейінгі сабақтара практикалық бөлімдері жүреді.

Сабақтың типі: жаңа сабақ. Сабақтың түрі: аралас сабақ. Сабақтың мақсаты: оқушыларға графика ұғымын беру, графиканың түрлерімен таныстырып, оларды бір-бірінен ажырату дағдыларын қалыптастыру.

Нәтижелілігі: оқушылар графика ұғымымен танысады. Оның түрлерін біліп, жекелей мысал келтіріп, бір-бірінен ажырата алады.

Қолданылған әдіс-тәсілдер: сұрақ-жауап, әңгімелеу, «мозаика», «көрші бейнесі» стратегиясы, баяндау, түсіндіру, иллюстрация, талдау, қорыту, формативті бағалау

Қолданылған модульдер: оқыту мен оқудағы жаңа тәсілдер (өткен материалды қайталау барысында сұрақ- жауап арқылы диалог), сыни тұрғыдан ойлауға үйрету («мозаика» стратегиясы арқылы топқа бөлінуде, өткен материалды қайталау барысында дайындап келген макеттерін қорғауда, жаңа сабақты меңгеру барысында мәтінмен танысып кесте толтыруда, жаңа сабақты бекітуде деңгейлік тапсырмалар орындауда, аннаграммадан өтіліп жатқан материалға қатысты сөздерді іздеуде оқушылар сыни ойлады), оқыту үшін бағалау және оқуды бағалау (бүкіл сабақ процесінде формативті бағалау мұғалімнің тарапынан қолдап-қолпаштау сөздері арқылы жүзеге асты, сәйкестендіру кестесін толтыру барысында бағаланды, топ арасында бір-бірінінің мәлімдемелеріне келісетін не келіспейтіндіктерін айту барысында өзара бағаланды және топ басшысының бағалау парағында көрсетілген критерийлер арқылы бағалауы мен мұғалімнің жиынтық бағалауы көрініс тапты), оқыту мен оқуда АКТ-ны пайдалану (АКТ білім беру процесінің әр кезеңінде презентация арқылы қолданылса, жаңа сабақты бекітуде практикалық тапсырмаларды компьютерде жұптық жұмыс барысында қолданылды және сабақты қорытындылау кезеңінде аннаграмма шешуде интерактивті тақта қолданылды), талантты

басқару және көшбасшылық (әр топ басшысының сабақта өзін-өзі ұстауы көшбасшыға сай болды).

Көрнекілігі: презентация, интерактивті тақта, таратпа материалдар, дербес компьютер, кесте, сәйкестендіру кестесі, аннаграмма, проектор, бағалау парағы, топтауға арналған қағаз қиындылары, дәптер.

Ресурстар: 1. сөздік - https://kk.wikipedia.org/ 2. Информатика негіздері журналы, №3, 2015ж, 6 бет. 3. Асхат Алимов «Оқытудың интербелсенді әдістемесі». 4. Т.О.Перемитина «Компьютерная графика».

5. Рукаводство CorelDRAW Graphiks Suite.

Сынып: 7А.

Пән: информатика.

Сабақтың тақырыбы: Графика, графика түрлері.

Сабақтың мақсаты оқушыларға графика ұғымын беру, графиканың түрлерімен таныстырып, оларды бір-бірінен ажырату дағдыларын қалыптастыру. Күтілетін нәтиже оқушылар графика ұғымымен танысады. Оның түрлерін біліп, жекелей мысал келтіріп, бір-бірінен ажырата алады. Көрнекілігі презентация, интерактивті тақта, таратпа материалдар, дербес коммпьютер, проектор, бағалау парағы, топтауға арналған қағаз қиындылары, дәптер. Қолданылған әдіс- тәсілдер

сұрақ-жауап, әңгімелеу, «мозаика», «көрші бейнесі» стратегиясы, баяндау, түсіндіру, иллюстрация, талдау, қорыту, формативті бағалау

САБАҚ БАРЫСЫ

Сабақ кезеңдері Мұғалім іс-әрекеті Оқушы әрекеті 1. Ұйымдастыру.

Шаттық шеңбері.

Топқа бөлу, «мозаика» әдісі

Топ басшысын сайлау

Оқушылармен сәлемдесу, түгендеу.

мақсаты: жағымды психологиялық ахуал қалыптастыру Музыка қосып, оқушыларға қалам, қағаз ұстатып көршілерінің суретін салуды тапсырады.

Оқушыларға қағаз қиындылары ұсынылады. Тұтас сурет құрастыру арқылы олар топтасу керек. Әр топқа басшыларын сайлап, бағалау парағы тапсырылады.

Амандасады, кезекші мәлімет береді.

Көршілерінің арқасына дәптерлерін қойып шеңбер бойымен айнала бастайды, арттағы оқушының суретін қозғалып бара жатып салу керек. Шарт: тоқтауға болмайды, шеңбер жүруін тоқтатқанша суретті сала беру керек, суретке ренжуге болмайды. Оқушылар шеңберге тұрып, дәптер, қаламсаптарын ұстайды. Болған соң салған суреттерін бір- біріне сыйлайды.

оқушылар қағаз қиындылары бойынша бүтін сурет құрастырып, топтасады

топ мүшелері ақылдасып топ басшысын сайлап алады.