Гранттың маңызы туралы 11 сыныпқа арналған мақала

ГРАНТ – бұл сен үшін не?

Көп мектеп бітірушілердің бір ғана уайымы – ата-анамның үмітін ақтау керек, тек қана құлап қалмау. “Не істеймін, егер түспей қалсам? Болды, бұл менің соңғы мүмкіндігім. Осыған түспесем, өмірім бітті. Әрі мен жеткілікті дайындалған жоқпын, сол себепті түсе алмай қалдым. Әне, анамның құрбысының баласы түсті, ал мен ше? Ұятқа қалдық, ауу…”

Бәріне де мәлім жағдай, әсіресе 11-сыныпта оқып жүрген жандарға. Иә, грант – бұл керемет мүмкіндік. Қалаған сүйікті жоғары оқу орнында оқу, оған қоса шәкіртақы алып отыру – осыдан керемет не бар дейсің? Бәрі керемет: ата-анаң тыныш, өмірің де жақсы деп ойласақ болады. Әрі көбісінің ойы бойынша – “болды, қазір грантқа түсіп алайын, сосын демаламын”. Көбісінің ойы осы болғанымен, менің көзқарасым бойынша грант – бұл ең бірінші мақсат болмауы керек. Ең бірінші мақсат – мамандығыңа шынымен беріле білу керек.

Қазіргі таңда көбінің ойы – “грант” деп, өзіне қызық емес мамандықты таңдап, “жарайды, ең бастысы грантқа түсу үшін балл 50+ жетеді” – деп таңдай салады. Бұл – барып тұрған ақымақтық. Оқушы, ең алдымен, ішіндегі қалауын таңдау керек.

Мысалға, өзімді алсам, мен 10-сыныптан бастап өзімді әртүрлі салада іздей бастадым. Бала кезімнен қалап жүрген мамандығым – дәрігер болу еді. Сол себепті 10-сыныптың 4-тоқсанында биология мен химия пәндерінен дайындықты бастаған болатынмын. Бірақ уақыт өте келе өзімнің ішкі “меніммен” сөйлесіп, әрі өзімнің қаннан қорқатынымды, пәннің маған шын мәнінде ұнамайтынын түсіндім.

Иә, бұл менің бала күнгі арманым болғанымен, бала кезімде теледидардан көретінімнің бәрі тек әшекейленген әлем екенін түсіндім. Кейін жазда мен ағылшын мен дүниежүзі тарихынан онлайн курс арқылы дайындала бастадым. Ал тамыз айында оффлайнға бара бастаған едім. Ал менің бұл бағытқа ауысу себебім…

Сол кезде бәрі жоғары балл жинап жатқан соң, мен де “керемет мүмкіндік қой” деп ойладым. Әрі IELTS емтиханын тапсырсам, 50 балл қалтамда – деп жүргенде, өзімнің ағылшынды мүлдем білмейтінім есіме түсті…