Ғылым мен достық байланысы туралы мақала

Әл-Фараби атындағы ҚазҰУ, «7М01601-Тарих» мамандығының

2 курс магистранты Сагатова Арайлым Айдарбековна

Ғылыми жетекшісі: PhD, қауым.профессорКумганбаев Ж.Ж.

Ғылым мен достықтың алтын көпірі

Әл-Фараби атындағы Қазақ ұлттық университеті мен М. Улугбек атындағы Өзбекстан ұлттық университеті арасындағы ынтымақтастық тағылымдама аясында нығая түсті

Бүгінгі жаһандану заманында білім мен ғылым шекара талғамайтын, халықтар арасын жалғайтын маңызды құралға айналды. Осы бағытта Әл-Фараби атындағы Қазақ ұлттық университеті мен М. Улугбек атындағы Өзбекстан Ұлттық университеті арасындағы академиялық байланыс жыл сайын артып келеді. Екі елдің жетекші оқу орындарының арасындағы стратегиялық серіктестік – бауырлас халықтар арасындағы рухани және ғылыми сабақтастықтың айғағы.

2025 жылдың көктемінде әл-Фараби атындағы ҚазҰУ-дың «Тарих» мамандығы бойынша білім алып жатқан 2 курс магистранттары Ташкент қаласына барып, М. Улугбек атындағы Өзбекстан Ұлттық университет қабырғасында екі апталық ғылыми тағылымдамадан сәтті өтті. Бұл тағылымдама – теория мен тәжірибені ұштастырып қана қоймай, Қазақстан мен Өзбекстан арасындағы білім беру саласындағы ынтымақтастықтың мазмұнын тереңдете түскен маңызды шара болды.

Ғылыми тағылымдама – кәсіби даму алаңы

Тағылымдама барысында магистранттар ғылыми жетекшілермен кездесіп, шетелдік архивтер мен дереккөздермен жұмыс істеудің тәжірибесін меңгерді. Архивтану, деректану, тарихи талдау әдістері бойынша бірқатар практикалық тапсырмалар орындап, өз зерттеу тақырыптарына сәйкес құнды мәліметтер жинақтады.

Сондай-ақ, өзбекстандық профессор-оқытушылармен өткен ғылыми семинарлар мен дөңгелек үстелдер магистранттарға тың ғылыми идеялар мен бағыттармен танысуға мүмкіндік берді. Бұл кездесулер Орталық Азия кеңістігіндегі ортақ тарихи-мәдени мұра мәселелерін бірлесе зерттеу қажеттігін де айқындай түсті.

Рухани сабақтастық пен мәдени байланыс

Ғылыми сапармен қатар, тағылымдама бағдарламасына мәдени-танымдық іс-шаралар да енді. Қатысушылар Ташкент, Самарқанд, Бұхара қалаларындағы тарихи ескерткіштермен, мұражайлармен танысып, өзбек халқының бай мәдениеті мен ұлттық құндылықтарын көзімен көріп, бауырлас елдің тыныс-тіршілігімен жақын танысты.

Бұл – ғылым ғана емес, шынайы достықтың, рухани бірліктің де көрінісі. Қазақ-өзбек жастарының өзара жақындасуы – келешектегі аймақтық ғылыми-интеллектуалдық бірліктің іргетасы.

Ынтымақтастық – болашаққа бастар жол

Екі университет арасындағы мұндай академиялық байланыстар – білім беру мен ғылымды халықаралық деңгейге көтеру жолындағы нақты қадам. Бүгінде Әл-Фараби атындағы ҚазҰУ мен…