Ғылыми жобаға пікір жазу үлгісі мен талаптары

Түркістан облысы

Шардара ауданы

№12 жалпы орта мектептің

Қазақ тілі мен әдебиеті пән мұғалімі

Сайфуддинова Меруерт Райымханқызының

жетекшілігіндегі «Қазақ халқының ұлттық бас киімдері»

тақырыбындағы ғылыми жұмысының

оқушысы Ислам Гүлсіммен бірлесе

атқарған жұмысына

Пікір

Сайфуддинова Меруерт Райымханқызының оқушы Ислам Гүлсіммен «Қазақ халқының ұлттық бас киімдері» тақырыбында жүргізген ғылыми жұмысы үлкен нәтижеге жеткен. Оның көрінісі атап айтар болсақ, жұмыстың жүйелі және жоспарлы түрде ұқыпты және тиянақты түрде жүзеге асырылған. Оның дәлелі ретінде мазмұнын келтіруге болады.

Кіріспе бөлімде оқушы қазақ халқының бас киімі басқа ұлттардан өзгеше екендігін өзіндік қасиетке толы екендігін ашу мақсатында осы ғылыми жобаның мақсатын, жобаның өзектілігін, міндеттері мен практикалық маңызын қамтып өткен. Бұл жерде ғылыми жетекші Сайфуддинова Меруерттің дұрыс және нақты бағыт-бағдар берілгені айқындалады. Осының арқасында оқушы үлкен жетістікке жеткен.

Қазақта бас киімді ерлер де, әйелдер де киген, бірақ олар сан-алуандығымен және әр түрлілігімен ерекшеленеді. Осы мәселені негізгі бөлімде жан-жақты таратып көрсеткен және тарихи маңыздылығын да келтіре білген. Мысалы: Қазақстанның ұлан-ғарақ шекарасының әр түрлі аумағында өзіндік ерекшеліктеріне сай екендігін жеткізген. Ал, бұл дегеніміз қазақ халқының менталитетінің байлығын әлемге паш етеді.

Қазақ халқының бас киімге қатысты әдет-ғұрыптарын да дәл нақты жеткізе білген. Бұл дегеніміз елбасы Н.Ә.Назарбаевтың «Рухани жаңғыру –ұлттық дамуымыздың кепілі» бағдарламасы аясында жүргізген сарабдал саясатына қосқан аса үлкен құнды дерек деп білемін.

Қорытынды бөлімде оқушы ата-бабаларымыз қалдырып кеткен ғажайып өркениет мұрасына аса үлкен қызығушылықпен мән беріп ұстазының бағытымен зерттеу жұмысын тиянақты жүргізіп оны жаңғыртуға үлес қосқысы келетінін жеткізген.

Менің пікірімше бұл жоба біздің тәуелсіздігіміз мен менталитетіміздің сақталуына үлкен қызмет атқарады деп сенемін.