Ғылыми жобаға білдірілген пікір үлгісі

Аннотация

Бұл жобаға қазақтың көркемсөз зергері, классик жазушы, ХХ ғасырда зор қоғамдық құбылысқа айналған біртуар қайраткер Мұхтар Омарханұлы Әуезовтің шығармалары, әңгімелеріндегі тартыс жайында сөз қозғалады.

Туған халқын төрткүл дүниеге мәшһүр еткен ұлы суреткер Мұхтар Омарханұлы Әуезов - кемел ойдың кеніші, кенен сөздің өрісі. Қазақ әдебиетінің барлық жанрына тұңғыш рет қалам тартып, бәрін игеріп, сол арқылы тіліміздің шұрайын, еліміздің шырайын танытқан қарымды қаламгер, дарынды ғалым.

М.Әуезовтің шығармаларының табиғатын тану, талдап-таразылау ұдайы жүргізіліп, оның кесек те көркем шығармалары негізінде сан алуан ғылыми ізденістер нәтижесінде бағалы зерттеулер туды. Жазушы шығармашылығы тақырыптық, жанрлық деңгейде қарастырылып, тарихи деректерді көркем шындық дәрежесіне жеткізіп бейнелеудегі шеберлік іздері талданып, қаламгердің шығармашылық жолы, өскен ортасы туралы еңбектер жарық көрді. Сонымен қатар, М.Әуезовтің прозашы, драматург, абайтанушы, фольклортанушы, аудармашы, философ, әдебиет тарихшысы, сыншысы ретінде зерттеу объектісіне айналып, бұған қатысты ғылыми-теориялық тұжырымдар жасалды.

Көтібар батыр атындағы негізгі орта мектебінің 6«А» сыныбының оқушысы Абдраманов Қанаттың

«Мұхтар Әуезовтің әңгімелеріндегі тартыс» атты ғылыми жобасына

ПІКІР

Абдаманов Қанаттың ғылыми жұмысының тақырыбы өте көлемді. Оқушының оқитын тіліне, жас шамасына, қабілетіне байланысты, тақырыптың тарихын түсініп оқу оқушы үшін қызықты болғанмен, оңай болған жоқ. Екі жыл көлемінде істелген іс ауқымды болды. Жинақталған материалдар үнемі зерделеніп, қорытылып, талқыланып отырды. Ғалымдардың еңбектеріне шолу жасалды. Үнемі жұмыс менің тарапымнан бағытталып отырды.

Аты әлемге әйгілі Мұхтар атамыздың тырнақалды туындылары өз алды зерттелді. Ол үшін ең алдымен Мұхтар Әуезовтың «Абай жолы» эпопеясын оқу шарт екені түсінікті. Бастаған іс бір ізді болу үшін, романды оқи отыра ондағы қолданылған фразеологиялық тіркестерді, көркемдеуіш құралдарды саралай жүру ұсынылды. Жұмыс өте үлкен ұқыптылықпен, мұқият жасалды. Сыныптастарына Мұхтардың әңгімелерін мазмұндай отырып шығармаларын әрі қарай тереңірек оқу ұсынылды. Әуезовтың шығармалары оқушылардың қызығушылықтарымен қоса, өз ойларын көркемдеп ашуға ұмтылған талпыныстарын байқатады.

Қанаттың еңбегі оқушылардың қызығушылықтарын тудырумен қатар, осы тақырыпты зерттеу жұмыстарымен айналысатын адамдарға көмегін тигізеді деген пікірдемін. Ғылыми кеңестің жоғары бағасына лайық деп санаймын.